Македонија

Средба Џафери – Пападимулис : се изгуби драгоцено време во изминатите децении

Претседателот на Собранието, Талат Џафери, денеска оствари средба со потпретседателот на Европскиот парламент од Грција, Димитриос Пападимулис, кој учествува на 15-тиот состанок на Мешовитиот парламентарен комитет – Република Македонија и ЕУ.

Џафери му посака срдечно добредојде во Собранието во овој клучен момент, кога земјата влегува во нова фаза од нејзините евроатлански интеграции. Тој ги констатираше одличните односи со Европскиот парламент и со одржувањето на состанокот на МПК и Конференцијата на млади лидери во Собранието во следните денови, се очекува да се испрати уште една јасна порака за европската перспектива на земјата. Актуелното мнозинство ги вложи сите напори за надминување на пречките на патот кон целосна евроатлантска интеграција, со потпишување на Договорот со Република Бугарија и на Спогодбата со Република Грција, и исполнувањето на потребните услови согласно барањата на европските институции. Зачестените посети на странски државници во периодот пред одржувањето на референдумот се добредојдени и помагаат на напорите на земјата да стане полноправна членка на НАТО и да отпочне преговори за членство со Европската Унија.

Пападимулис, заблагодарувајќи се на топлото добредојде од домаќинот, уште еднаш ја искажа силната поддршка на Европскиот парламент на евроинтеграциите на Република Македонија и на недвосмислената, речиси едногласна поддршка на Европскиот парламент и сите парламентарни групи за Спогодбата меѓу Република Македонија и Република Грција. Двете земји, со преземените чекори, му дадоа силен агрумент за поддршка на Европскиот парламент, како позитивен пример во регионот, способни да градат мостови и да изнајдат компромиси. Тој изрази очекување и оптимизам за позитивен исход на референдумот и на следните чекори кои претстојат за негова целосна имплементација, покрај различните мислења кои постојат во двете земји, што е одлика на секоја европска демократија.

Двајцата соговорници беа согласни дека, се изгуби драгоцено време во изминатите децении, особено по Солунскиот самит од 2003-та година кога за прв пат беше потврдена европската иднина на регионот и дека со имплементацијата на спогодбата, земјата влегува во нова фаза во односите со НАТО и ЕУ, но и во билатералната соработка со Република Грција, отворајќи нова страница за отпочнување на директна парламентарна соработка на сите нивоа, но и нова ера на полето на економијата, образованието, културата и сите области од заеднички интерес на двете земји и нивните граѓани. Исто така, изразија уверување дека по имплементацијата на спогодбата, во месеците што ќе следат, многу граѓани ќе го променат своето мислење и реално ќе ги почувствуваат придобивките од нејзиното потпишување, се наведува во соопштението од Собранието.

Македонија

Ковачевски: Влада се формира со поддршка од 61 пратеник

Парламентарната трка не е завршена, ако некој не го освоил мнозинството од 61 пратеник за формирање на влада значи ги изгубил изборите, вели лидерот на СДСМ Ковачевски.

Тој се уште нема концизен одговор дали има шанси неговата партија да ја поддржи ВМРО-ДПМНЕ доколку се случи сценариото тие да победат, а се соочат со услови или уцени од албанските партии. Според него за ова ќе се разговара по конечните резултати од изборите во среда.

-Тој што не може да формира влада значи изгубил на изборите, бидејќи влада се формира со минимум 61 пратеник. Ќе видиме какви ќе бидат резултатите од изборите на 8 мај, бидејќи изборите уште не се завршени. Тогаш ќе може да се разговара за формирање на влада. Чекајте, полека, па ние сме на избори конкуренти со ВМРО-ДПМНЕ, осми нека дојде па ќе видиме. - Димитар Ковачевски – претседател на СДСМ

На прашањето како ја коментира националистичката реторика од партиските митинзи, како што се скандирањата за УЧК од ДУИ, Ковачевкски рече дека ги осудува и нив, но и пораките кои ги возвраќаат од опозицискиот табор.

-Јас веќе ги имам осудено изјавите и на господинот Ахмети во однос на несоодветното скандирање на плоштадот Македонија, бидејќи тие се анахрони скандирања и не враќаат 20 години наназад во едно закопано минато коешто сме го надминале со Охридксиот рамковен договор и членството на НАТО... Исто така упатив порака и до претседателот на ВМРО-ДПМНЕ и нивниот претседателски кандидат Силјановска дека националистичка реторика не води никаде.- Димитар Ковачевски – претседател на СДСМ

Кампањата за парламентарните и претседателските избори ќе трае уште четири дена. Според најавите од првиот човек на ДИК Даштевски, резултатите од гласањето за двата процеса може да се очекуваат уште истата вечер на 8 мај.

Македонија

Османи се расправеше со новинарите: Дали да нацртам? Нема влада без Бадентер

Доколку Европскиот фронт победи во албанскиот блок на парламенатрбите избори на 8-мај од ДУИ сметаат дека по автоматизам им следува да бидат дел од идната влада. 

Според Османи не може да има Влада без двојно мнозинство - парламентарното од 61 пратеник плус Бадентерово, а ваквите тврдења ги темелеше на Охридскиот рамковен договор. Соочен со аргументите дека таканареченото двојно мнозство го нема во Законот за Влада или во Уставот и дека Влада се гласа со просто мнозинство, Османи влезе во кавга со новинарите чии прашања ги окарктеризира како навредливи за Албанците.

-Како размислувате уште дека Албанците можат да бидат народ кој што е поканет или непоканет? Граѓаните одлучуваат кој ќе ја формира Владата. Затоа има две мнозинства со Рамковниот договор. тие што ги исполнуваат двете мнозинства, формираат Влада. Не може да се формира Влада без Бадентерово мнозинство. – Бујар Османи, колциција „Европски фронт“

Новинар: Но мандатот го добива една партија, а Влада се гласа со бадентер, туку со 61 пратеник.

Не знам како да ви обајснам. Да земам табла да ви нацртам.

Новинар: па цртавте еднаш, ама знаете како заврши тоа.

Епа изгледа треба пак да нацртам. Еве ви кажувам без ДУИ нема бадентер, а без бадетер нема функционална Влада.

Од ВМРО-ДПМНЕ пак се категорични дека ислучуваат секаква можна соработка со ДУИ и Али Ахмети во било која форма или варијанта. Потпретседателот на партијата Александар Николоски утрово порача дека брзо по 8 мај граѓаните ќе се уверат дека зборот ќе биде одржан.

„Со Али Ахмети е исклучена секаква соработка во било која варијанта, во било која форма, на било кој начин нема да има соработка со Али Ахмети. Ние сме многу сериозни дека ДУИ ќе оди во опозиција, јас сум свесен дека до првиот круг најголем дел од политичката елита и дел од граѓаните во Македонија мислеа дека блефираме и дека го правиме тоа за политички поени. Свесен сум дека во овој момент има граѓани кои сеуште мислат дека ова го правиме како политичка игра, но ние ова ќе го реализираме и нашата поддршка после изборите ќе расте затоа што ќе видат дека го држиме зборот„.– Александар Николоски, потпретседател на ВМРО-ДПМНЕ

Од Коалицијата ВРЕДИ изјавата на Османи ја оценуваат како желба за Власт по секоја цена и порачаа дека ќе преговараат за влез во идната Влада..

Дали ќе подржат еден од двајцата претседателски каднидидати од Вреди велат ќе одлучуват деновиве, но ги повикаа галасачите да излезат и да го остварат правото на глас на двојните избори.. Дали нивните членови и симпатизери вооошто да гласат и дали да поддржат некој од канидатите, став допрва ќе градат и во ДУИ.

Македонија

Почина таткото на Тоше Проески

По тешко боледување, почина Никола Проески – татко на легендарниот музичар Тоше Проески.

Тажната вест денеска на социјалните мрежи ја објави Дора, неговата ќерка. Таа со фотографијата на која се Никола и Тоше се прости од својот татко. Според пријатели на семејството, последниве месеци, тој се лечел во приватна болница во Скопје.

Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.

притисни ентер