Шоу биз

Српскиот актер Сергеј Трифунивиќ направил сообраќајка и избегал , тој демантира

Српските медиуми објавија дека актерот Сергеј Трифуновиќ предизвикал сообраќајна несреќа и „избегал од местото на настанот“.

Трифуновиќ, наводно, вчеравечер удрил со автомобилот во градски автобус на булеварот Михајло Пупин во Белград, а потоа го напуштил местото на несреќата. Во медиумите се наведува дека во близина на една бензинска пумпа околу 20:55 часот тој тргнал со автомобилот во лентата за транспортни возила и удрил во задниот лев дел од автобусот.

"Возачот на автобусот излегол да ја види штетата и веднаш го препознал Трифуновиќ. Тој му рекол дека треба да чекаат на полицијата, но тој изјавил дека нема потреба, влегол во автомобилот и го напуштил местото на настанот во правец на Бранков мост ", изјавиле сведоци.

Никој не е повреден во несреќата, а откако голем број медиуми ја објавија веста, актерот твитна, тврдејќи дека отишол да ги нахрани мачките и не знаел каде треба да се пријави за да го реши проблемот.

„Нека ми се јави некој слободно, нема потреба да креваме прашина околу ништо. Во секој случај, ако никој не се јави, ќе одам наутро во мојата станица Савска и ќе го решам проблемот“, напиша тој.

Тој ја објави и својата страна од приказната.

"Го закачив автобусот, ја оштетив вратата, само излупив малку боја, затоа што е исто толку силна како и автобусот. Му реков на возачот дека одам да ја отклучам вратата на мајстори, да ги нахранам мачките, ќе се вратам, затоа што ќе и биде потребно на полицијата половина час за да одам дотаму. Благодарам за разбирањето ”, напиша тој.

Подоцна, тој пријавил дека отишол во полициската станица, напишал извештај и дека се дувал на тест за алкохол и имал резултат 00.

Македонија

Ангеловска-Бежоска на средба со директорот на ММФ Камер

 Претпазливата монетарна политика и макропрудентата политика, како и зголемената транспарентност на Народната банка одиграа клучна улога во одржувањето на макроекономската стабилност. 

Во првиот квартал од оваа година, инфлацијата беше сведена на едноцифрено ниво од 3,4 проценти, девизните резерви и натаму се зголемуваат достигнувајќи ниво коешто е повисоко за 30 проценти во однос на периодот пред пандемијата, а финансиската стабилност беше дополнително зајакната.

Ова, како што информираа денеска од Народната банка, било посочено на средбата меѓу гувернерката Анита Ангеловска-Бежоска и директорот на Меѓународниот монетарен фонд (ММФ) за Европа, Алфред Камер, на маргините на Конференцијата од високо ниво во организација на централната банка на Словенија и ММФ, што се одржува во Порторож, Словенија.

Камер истакнал дека претпазливите политики на Народната банка биле клучни за соодветно надминување на кризниот период и важно е да се продолжи на тој начин. Ова ја нагласува важноста од зачувување на независноста на централната банка.

Гувернерката посочила дека, во период од една година, инфлацијата петкратно се намалила и се свела на пониски едноцифрени стапки, додека јазот меѓу домашната и инфлацијата во еврозоната значително се намалил.

- Истовремено, и покрај затегнувањето на монетарната политика, стабилноста на домашниот банкарски сектор беше зачувана, а истовремено беше зголемена отпорноста со преземањето на макропрудентните мерки од страна на централната банка. Во изминатите неколку кризни години, показателите покажуваат дека адекватноста на капиталот е на највисоко ниво во изминатите 17 години, додека нефункционалните кредити се блиску до историски најниското ниво. Кредитната активност, иако во еден период забави, и натаму претставува значителна поддршка за домаќинствата и за корпоративниот сектор, рекла гувернерката.

Ангеловска-Бежоска изразила благодарност до Камер за значајната поддршка што ММФ и ја дава на Народната банка во справување со неодамнешните незапаметени шокови.

Шоу биз

Рејнолдс сам се грижел за своите четири деца еден ден: „Никој не умре, што е убаво“

Холивудскиот актер Рајан Рејнолдс откри дека еден ден се грижел за своите четири деца, кои ги има во брак со убавата Блејк Лајвли.

Водителката на „Today Show“ го прашала мегапопуларниуот актер како изгледало тоа.

- И знаеш. Самохран татко. Сè направив сам. Сите ги однесов во парк. Им кажав дека мајка им ги напуштила кога биле многу мали. Беше добро. Никој не умре, што е исто така убаво. Со четири деца едноставно преживуваш – се пошегува тој.

Инаку, Рејнолдс и Лајвли се во брак 11 години, а познати се по тоа што често се задеваат на социјалните мрежи.

Македонија

Османи во Стразбур: Мултилатерализмот останува единствен ефикасен одговор кон предизвиците

Mинистерот за надворешни работи Бујар Османи се обрати на 133. сесија на Комитетот на министри на Совет на Европа во Стразбур, при што ја подвлече улогата на мултилатерализмот при справување со тековните многубројни предизвици.

-Покрај сите свои пропусти, мултилатерализмот останува единствениот начин да се мобилизира колективен одговор кон војни, кризи, вонредни ситуации и неспоредливи предизвици од различна природа. Советот на Европа останува суштински столб во тој поглед. Сепак, ние, земјите-членки ја носиме одговорноста за неговата ефикасност, истакна Османи.

Според него, на 75-годишнината од постоењето, Советот на Европа со нејзините норми и стандарди придонесе за подобрување на животот на граѓаните, чување на човековите права и негување на демократијата и владеењето на правото.

Министерот го поздрави денешното усвојување на Рамковната конвенција за вештачка интелигенција, човекови права, демократија и владеење на правото, како прв меѓународен инструмент во оваа област.

-Блиската соработка со другите меѓународни организации, особено со ЕУ, ОН и ОБСЕ при решавање на заедничките проблеми е од особено значење, додаде Османи.

За време на престојот во Стразбур, Османи ќе има средби со негови колеги од различни земји.

притисни ентер