ТРИЛЕЌЕ

РЕЦЕПТ НА: ВИОЛЕТА ДИМОВСКА

Потребни состојки : 6 јајца, 250 гр. шеќер, 300 гр. брашно, 1 пакетче пециво, 1 л. млеко, 500 мл. хопла и карамел по желба.

Постапка:

Белките се двојат од жолчките и се ставаат во подлабок сад со шеќер.

Состојките се матат со миксер и откако ќе се добие бела смеса се додаваат жолчките.

Откако добро ќе се изматат жолчките се додава постепено брашното со пецивото.

Состојките се матат се додека не се добие хомогена смеса.

Смесата се става во тава со хартија за печење која претходно е премачкана со масло.

Се пече околу 15 минути во загреана рерна на 180 степени.

Тестото се остава да се излади и се вади хартијата за печење.

Потоа се прелива со мешавина од млеко и хопла.

На крај, одозгора се нанесува слој од карамел по желба.

Ги искористила замрзнатите ембриони да затрудни со мртвиот љубовник и да бара наследство

Жена од Кина, позната по презимето Ленг, имала афера со оженет бизнисмен кој загинал во сообраќајна несреќа во 2021 година.

Нејзината приказна покрена жестока јавна дебата, а сѐ започнало набргу по несреќата, пренесува SCMP.

Жената од провинцијата Гуангдонг тврдела дека нејзините јајце клетки биле оплодени со спермата на нејзиниот љубовник во приватна клиника. Развиените ембриони беа замрзнати и подоцна биле искористени за да ја забременат.

Таа во декември 2021 година родила син и му го дала името Ксиовен, а на крајот на минатата година го тужела семејството на починатиот за наследство.

Таа тврдела дека детето има право на удел во капиталот на компанијата и бенефиции за осигурување, но не можело да докаже како тоа е добиено, ниту дали љубовникот дал согласност неговата сперма да се користи во процедурата за ИВФ.

Како резултат на тоа, судот ја отфрлил тужбата, а приказната станала популарна.

Корисниците на социјалните мрежи, пред сѐ Веибо, го коментирале бизарниот случај. Поединци сметаа дека сега семејството треба да реагира.

„Се надевам дека вдовицата ќе поднесе противтужба“, напишало едно лице.

И адвокатите дале свое мислење. Така, се наведува дека процедурата за ин витро оплодување во лиценцирани клиники е легална, но дека за тоа треба да се договорат и двајцата родители - што во овој случај останало нејасно.