Мохамед Аџмал, кој пред неколку дена се вратил од Саудиска Арабија во неговиот роден град Мултан, во провинцијата Пенџаб, се посомневал дека неговата сопруга има љубовна врска, изјави шефот на локалната полиција, Имран Махмуд.
Сопругата била во домот на нејзините родители кога Аџмал, заедно со неговиот татко и брат, отишол во нивната куќа и отворил оган, при што загинале девет лица.
Жената на Аџмал, две деца и шест членови на нејзиното семејство биле убиени. Тогаш напаѓачите ја запалиле куќата.Полицијата го уапси Аџмал и неговиот татко неколку часа по убиството и започнаа рации во потрага по неговиот брат.
Само во 2018 година 800 луѓе, мажи и жени, низ целиот Пакистан биле жртви на т.н. " "злосторства на честа", наведува пакистанската полиција.
Бројот може да изнесува и повеќе од илјада, зашто повеќето случаи не се пријавуваат на полицијата, сметаат во комисијата за човекови права.