Свет

Украинци со проектил погодиле руски тенк, оддалечен над 1,5 километри (ВИДЕО)

По неколку месеци застој од страна на републиканците, американскиот Конгрес конечно одобри 61 милијарда долари помош за Украина на 23 април.

Претседателот Џо Бајден го потпиша новиот закон следниот ден, а само неколку часа подоцна Пентагон објави пакет со многу потребна муниција и возила во вредност од над милијарда долари за Украинците.

Пакетот содржел и непознат број борбени возила за пешадија М-2 Бредли. Единствената украинска единица што ги користи е 47-та механизирана бригада, која се бореше во очајни одбранбени операции против многу поголемите руски сили западно од урнатините на Авдиивка во источна Украина, пишува Форбс.

Со свежа муниција и нови возила, бригадата ја забави руската офанзива, а една драматична битка, фатена од воздух од украинско беспилотно летало, покажува како.

Вчеравечер, стрелецот на возилото М-2 забележал руски тенк Т-80 на растојание од еден и пол километар, источно од селото Новопокровске. Војниците од М-2 истрелале само еден противтенковски проектил TOW. „Бредли, уништувачот на тенкови“, се пофали украинското Министерство за одбрана.

Тоа беше еден од најдалечните директни погодоци за уништување тенк во целата војна, но ова веројатно не е изненадување за љубителите на легендарниот Бредли, главното возило на американската армија од 80-тите години на минатиот век. „Бред... не е тенк, но може да биде убиец на тенкови“, објасни Марк Хертлинг, пензиониран генерал на американската армија.

Бредли тежок 33 тони може да собере 10 војници и можеби е најдоброто борбено возило во целата војна во Украина. Неговата примарна мисија е да ги транспортира војниците во борба, а потоа тие самите се приклучуваат на битката, гаѓајќи ги руските војници и возила со прецизна артилерија од топовите од 25 мм.

М-2 е многу полесен од конвенционалниот тенк, главно поради тоа што неговиот оклоп е многу потенок од оној на тенкот. Во блиска борба со руски тенк, ова возило може да не опстане долго. Во борбата со долг дострел, сепак, има предност, особено ноќе кога неговите супериорни инфрацрвени камери му помагаат на екипажот да го види тенкот пред тенкот да го види возилото.

Пентагон очекувал украинската војска да го цени тој огромен потенцијал. „Бредли конкретно има завидна способност што работи против какви било способности што Русија ги користи против Украина“, рече Лаура Купер, заменик-помошник-секретар за одбрана на САД, минатата година откако САД ги ветија првите испораки на возила М-2 во Украина – две од вкупно сто од нив.

И навистина, помеѓу мисиите за поддршка на пешадијата, 47-та механизирана бригада испраќа возила М-2 во лов на тенкови. Во една битка на југот на земјата минатото лето, еден екипаж на Бредли наводно уништил два руски тенкови Т-72.

Украинската 47 механизирана бригада непрекинато се бори веќе една година, што нанесе штета на баталјоните со помош на М-2. Аналитичарите на разузнавачкиот колектив со отворен код Oryx изброиле 37 уништени Бредли и десетици други оштетени. Во минатомесечните борби западно од Авдиивка, бригадата почнала да останува без возила.

Ова се менува, бидејќи доаѓаат нови. Треба да се очекува дека новите возила М-2 ќе се појават во битките против руските тенкови додека 47-та механизирана бригада работи на стабилизирање на линијата на фронтот. „Ние продолжуваме со работата!“ велат од бригадата.

Македонија

Се одбележува 20 мај – денот на македонските пожарникари

Возила стари по неколку децении, ниски плати, а се помалку ги има оние кои ја носат униформата, Скопје денеска го одбележува денот на „Хероите на градот“.

Во речиси милионски град, само 180 лица се борат со оган од кои веќе голем дел се пред пензија, помагаат во сообраќајни незгоди и се први секаде каде што се потребни.. Командантот на скопската пожарна вели итно се потребни нови вработувања, а проблемите ги посочи и градоначалничката Арсовска.

Еден од оние кои се збогуваат со униформата Сретко Цимевски кој 40 години од својот живот ги поминал во бригадата, застанувајќи пред бројни предизвици и спасувајќи човечки животи, а до помладите порача, оваа работа се работи само навистина ако се сака...

-Оној кој ќе дојде во противпожарната бригада навистина треба да ја сака работата и да ја извршува како што треба. Јас имам најмногу пожари и најмногу ризици, но ризиците не сум ги гледал се додека сум работел, немало ризици додека се работи, секогаш сме биле победници во работата,- -Сретко Цимевски – Командант на чета.

А, денеска и покажаа дел од она што го нив им секојдневие.

Други пак покрај храброста и борбата со огнот, ја покажаа истата и во борбата со стереотипите, Билјана Денчовска е првиот пожарникар жена, ја носи униформата веќе 20 години, отворајќи го светот на пожарникарите за останатите жени во земјава...

Пред 20 години беше чудо, јас кога дојдов тука самиот командант се чудеше, вика, што ќе правам со тебе сега, ова е машки манастир?

Се соочила со бројни страотни ситуации, а дел од нив и ги сподели.

-Мислата е сакаш да полеташ, едноставно да си таму на местото за да спасуваш, такво е чувството, ти не размислуваш за себе тогаш, размислуваш таму да се спасат повеќе, ако има луѓе. Бевме на поплавите, се сеќавам, таму видов и многу жртви имаше, сме се соочиле со страшни работи,- Билјана Денчовска – Пожарникар.

Најдобриот пожарникар во изминатата година вели дека е дел од група која е полна со хуманост и храброст и е чест да се дели со нив секојдевнието.

-Ќефот ми е да спасувам, да бидам благодарен на професијата,- Пепи Трајчевски – Најдобар пожарникар во изминатата година.

А, по неговите стапки се подготвува да тргне и неговиот син.

-Тато е најдобар пожарникар, многу добро работи. Кога ќе пораснам сакам да бидам пожарникар, зошто сакам со тато да работа.- Марко Трајчевски – Син на пожарникар.

Пожарникарите велат што се однесува до опремата имаат малку подобри услови, но габаритната, како камионите е она што им недостасува. За Скопје е предвидено да има најмалку 450 пожарникари, а во моментов граѓаните ги опслужуваат трипати помалку.

Македонија

АВМУ: Изборен молк поради прегласување за Парламентарните избори 2024

Агенцијата за аудио и аудиовизуелни медиумски услуги ги известува националните радиодифузери и радиодифузерите кои емитуваат програма на подрачјето на Охрид, Крушево, Струга, Долнени и Желино дека за нив важат обврските за изборниот молк.

Поради повторување на гласањето за Парламентарните избори 2024 во седум гласачки места во Изборните единици 5 и 6, Агенцијата за аудио и аудиовизуелни медиумски услуги ги известува националните радиодифузери и радиодифузерите кои емитуваат програма на подрачјето на Охрид, Крушево, Струга, Долнени и Желино дека за нив важат обврските за изборниот молк, кој почнува од ноќеска на полноќ и ќе трае до 19 часот на 22 мај 2024 година.

За време на молкот, медиумите продолжуваат да известуваат за изборниот процес, но престануваат сите облици на изборно медиумско претставување на учесниците во изборната кампања.

Според Изборниот законик, за прекршување на изборниот молк се смета емитувањето какви било информации, фотографии, аудио и аудиовизуелни материјали поврзани со или во кои учествуваат учесници во изборите, какви било облици на медиумско известување кои се отворено или прикриено во функција на нечија кампања и можат да влијаат врз одлуката на избирачите, податоци со кои се открива идентитетот на политички субјекти и/или поединци вклучени во инциденти или неправилности на денот на гласањето; како и изјави од кандидати во изборниот процес, од претставници на политички партии и од носители на функции во органите на власта.

Агенција за аудио и аудиовизуелни медиумски услуги

Македонија

Дали со изјавата за планови во „црвени подруми“ има латента закана од страна на Ахмети?

Има ли латентни закани од страна на Али Ахмети за неговите обвинувања дека зад прегласувањето стојат наводни договори мегу  ВМРО ДПМНЕ и СДСМ.

Дел од аналитичарите препознаваат опозициски наратив, а од силината на нивните аргументи ќе стане појасно дали обвинувањата држат вода или се вовед во политички тензии.

притисни ентер