Живот

Успеале да се доближат и да фотографираат: Еве што крие Областа 51 (видео)

Обично не е добра идеја да се биде во близина на Областа 51, бидејќи ќе се најдете со пушка вперена во вашата глава и љубезно ќе бидете испратени назад.

Сепак, тоа не ги спречи ловците на НЛО, Тим и Трејси Дојл.

Тие на два километри надморска височина успеале најдетално досега да ја фотографираат Областа 51 и тоа на оддалеченост од само 40 километри.

Областа 51 е едно од најмистериозните места во светот, а теоретичарите на заговорите, убедени се дека тоа е местото каде Американците ги кријат вонземјаните и вршат најразлични експерименти.

Првичната намера во далечната 1955 година, била на ова место да се тестираат шпионски авиони, но намената на воената база често се менувала. Интересно е тоа дека јавноста никогаш за тоа не е известена и дека работите кои овде се одвиваат се водат како државни тајни.

Што знаеме за Областа 51?

Верувале или не, дури во 2013 година, во јавноста официјално е потврдено дека Областа 51 постои, со тоа скоро половина век целата приказна била на ниво на шпекулација. Извештајот за постоењето на Областа 51 го состави Џефри Т. Ричелсон од Националната безбедносна архива.

Американската влада дури ја објави и точната локација во Невада и дел е од воздушната база Едвардс, недалеку од езерото Грум. Исто така, знаеме дека оваа Област служела за развој и тестирање на шпионски летала. Откриено е дека се тестирани У-2 авиони кои служеле за шпионирање на СССР во Студената војна, а скандалот настанал откако се дознало дека САД ја имале помошта на Британија во тоа.

Интересно е дека Барак Обама е првиот претседател кој Областа 51 ја нарекол со ова име.

„Сега кога стана претседател, првото прашање кое ми го поставија е што навистина се случува во Областа 51“ – изјави Барак пред новинарите во 2013 година и се осврна на актерката Ширли Мекклејн која заговара теории за постоење на вонземјани.

„Ако сакам да дознаам, ќе ја повикам Ширли Мекклејн. Мислам дека официјално станав првиот претседател кој го спомнал името Област 51?“.

Клинтон во 1995 година потпиша наредба за изземање на подрачјето од еколошкото законодавство во врска со контролата на опасниот отпад, бидејќи тоа барало “откривање на тајни податоци за тоа место на некое неовластено лице“.

Едно лице кое било дел од оваа база и проговорило е ветеранот Џемјс Ноус, кој работел во Областа 51. Тој проговори за својот престој во тајната база, во 2010 година и откри како изгледал животот во шеесеттите години кога работел на позицијата специјалист за радар.

„Готвачите доаѓаа од Вегас. Во било кое време од денот или ноќта можевте да добиете бифтек“ – изјави тој и додаде дека им испраќале и јастози по желба.

За жал, за вонземјаните ништо не рече.

Погледнете како денеска изгледа Областа 51.

Забава

Емили Ратајковски во „жежок“ фустан на црвениот тепих

Емили Ратајковски присуствуваше на настанот на глобалната гала The King's Trust одржан во Casa Cipriani во Њујорк, каде што ги заврте главите со храбар фустан.

Познатата убавица носеше свилен крем фустан со длабоко деколте, кој стигнуваше речиси до папокот и кој ја истакнуваше нејзината витка линија. Фустанот имаше и гол грб.

Глобалната гала „The King's Trust 2024“ е основана од британскиот крал Чарлс III. со цел да им се помогне на младите, свечениот настан собра многу познати фаци, како манекенката Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз манекенката Ешли Греам.

Свет

УНЕСКО: Убиени се 44 новинари, кои известувале за еколошките проблеми

Новинарите кои известуваат за еколошки прашања се соочуваат со зголемено насилство ширум светот од страна на државните и приватните актери, објави УНЕСКО, истакнувајќи дека 44 од тие новинари биле убиени меѓу 2009 и 2023 година.

Повеќе од 70 отсто од 905 новинари анкетирани од агенцијата на ОН во 129 земји рекле дека биле нападнати, им биле упатени закани или притисоци и дека насилството врз нив се влошило, а само во последните пет години биле пријавени 305 напади.

УНЕСКО, културната агенција на ОН, во својот извештај извести за физички напади, повреди, апсења и малтретирање, како и правни дејствија против новинари, вклучувајќи тужби за клевета и кривични постапки.

Најмалку 749 новинари, новинарски групи и медиумски куќи биле нападнати во 89 земји во сите региони, се вели во извештајот, при што државните актери се одговорни за најмалку половина, а приватните актери најмалку за една четвртина.

„Државните актери, полицијата, воените сили, државните службеници и вработени, локалните власти се одговорни за повеќето напади за кои се достапни информации за сторителите“, се вели во извештајот.

Овие новинари покриваа широк спектар на теми, вклучувајќи протести, конфликти за рударство и земјиште, сеча и уништување на шумите, екстремни временски услови, загадување и еколошка штета и индустријата за фосилни горива.

Мажите обично се почесто напаѓани, а жените почесто дигитално, се вели во извештајот.

Од 44 новинари убиени во 15 земји додека известувале за еколошки прашања, само пет случаи резултирале со пресуди, се вели во извештајот. Во 19 од 44 убиства, сторителите останале неидентификувани.

Најмалку 24 новинари ги преживеале обидите за атентат.

Македонија

Санкционирани 100 возачи во Скопје, 14 возеле без возачка дозвола

Секторот за внатрешни работи Скопје во текот на вчерашниот ден продолжи со контролите во областа на сообраќајот при што на територија на град Скопје изречени се вкупно 100 мерки.

Секторот за внатрешни работи Скопје во текот на вчерашниот ден продолжи со контролите во областа на сообраќајот при што на територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење и пет санкции за некористење сигурносен појас.

-Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, наведуваат од МВР.