Технологија

Усвоена е нова дефиниција за килограмот

Научници од над 50 земји на коференција во Версај , во близина на париз усвоија нова дефиниција за килограм.

Од 20 мај следната година меѓународната единица за маса веќе нема да се базира на ,,меѓународен прототип за килограм” – цилиндер од платина и иридиум , кој се чува во сефот на Меѓинародната канцеларија за мерки во Севрес во близина на Париз. Досегашната дефиниција на килограм потекнува од 1889 година и сите современи единици за маса се изведени од неа- од микрограми за лекови до тони за челик или цемент.

Проблемот со ,,меѓународниот прототип на килограм” е што нема секогаш иста тежина. Затоа научниците решија ,, меѓународниот прототип на килограм” да го дефинираат врз основа на Планковата константа , една од клучните константи , која го изразува односот во квантната физика меѓу енергијата и густината на честичките како што се фотоните.

Исто како што во 1967 редефинирањето на секундата помогна во подобрувањето на комуникациите во светот , научниците тврдат дека редефинирањето на килограмот ќе помогне во технологијата , трговијата и здравството.

Новата дефиниција е добиена со помош на апарат кој се нарекува ,,Киблеов механизам” , кој со помош на Планковата константа ја одредува масата на некој предмет , користејќи прецизно измерена електромагнетна сила.

,,Денешната одлука претставува пресврт во дефинирањето на единиците во меѓубародниот систем” , изјави претседателот на Француската академија на науките, Себастиен Кандел.

Новата основна единица за маса ќе се нарекува ,,електроничен килограм”, кој сепак нема да донесе промени во секојдневниот живот.

Тенис

Победникот на УС Опен ја завршува кариерата со 30 години

Австрискиот тенисер Доминик Тием (30) на крајот на сезоната ќе ја заврши кариерата, дознава Салцбургер Нахрихтен, а веста ја пренесоа и големите светски медиуми.

Победникот на УС Опен во 2020 година многу рано ќе престане да игра активно, а причината за тоа се повредите.

По освојувањето на Грен слем, тој беше измачуван од бројни повреди на колкот и коленото и не можеше да го достигне нивото на кое беше во неговите најдобри денови. Во годината кога го освои УС Опен беше трет играч во светот, а сега е само на 117 место на АТП ранг листата. Покрај освојувањето на УС Опен, Тием во истата година играше и во финалето на Австралија Опен, додека во 2018 и 2019 година беше во финалето на Ролан Гарос. Во кариерата освои вкупно 17 титули, а е еден од само 11 тенисери кои ги победиле сите членови на големата тројка (Новак Ѓоковиќ, Рафаел Надал, Роџер Федерер). Вкупно против нив остварил 16 победи.

Живот

Ги искористила замрзнатите ембриони да затрудни со мртвиот љубовник и да бара наследство

Жена од Кина, позната по презимето Ленг, имала афера со оженет бизнисмен кој загинал во сообраќајна несреќа во 2021 година.

Нејзината приказна покрена жестока јавна дебата, а сѐ започнало набргу по несреќата, пренесува SCMP.

Жената од провинцијата Гуангдонг тврдела дека нејзините јајце клетки биле оплодени со спермата на нејзиниот љубовник во приватна клиника. Развиените ембриони беа замрзнати и подоцна биле искористени за да ја забременат.

Таа во декември 2021 година родила син и му го дала името Ксиовен, а на крајот на минатата година го тужела семејството на починатиот за наследство.

Таа тврдела дека детето има право на удел во капиталот на компанијата и бенефиции за осигурување, но не можело да докаже како тоа е добиено, ниту дали љубовникот дал согласност неговата сперма да се користи во процедурата за ИВФ.

Како резултат на тоа, судот ја отфрлил тужбата, а приказната станала популарна.

Корисниците на социјалните мрежи, пред сѐ Веибо, го коментирале бизарниот случај. Поединци сметаа дека сега семејството треба да реагира.

„Се надевам дека вдовицата ќе поднесе противтужба“, напишало едно лице.

И адвокатите дале свое мислење. Така, се наведува дека процедурата за ин витро оплодување во лиценцирани клиники е легална, но дека за тоа треба да се договорат и двајцата родители - што во овој случај останало нејасно.

притисни ентер