Свет

Ужас во Романија: Мајка го ставила бебето во машина за перење, лажела дека било родено мртво

Жена (32) од Сучеава, Романија родила бебе дома и го сокрила новороденчето во машина за перење, а потоа со обилно крварење отишла во болница и побарала лекарска помош.

Подоцна било утврдено дека бебето не умрело при породување туку било задавено.

Прелиминарниот извештај од обдукцијата покажал дека бебето било родено живо во терминот, а подоцна било удавено. Првично се верувало дека момчето е мртво родено што се покажало дека е лага.

Таа на 14 март отишла на преглед поради обилно крвавење, а во болницата негирала бременост, но сѐ излезе на виделина кога лекарите ја прегледале.

Според романските медиуми, нејзиното семејство наводно не знаело за бременоста. Меѓутоа, кога пристигнала во болница со компликации опасни по живот, било откриено што направила.

Медицинскиот персонал веднаш го пријавил случајот во полиција, а на распитот младата жена им признала на надлежните што правела и каде го сокрила новороденото бебе.

„Општинската болница Ватра Дорнеи на 14.03.2024 година ја известила полицијата на општина Ватра Дорнеи во врска со тоа дека во оваа медицинска установа се пријавила 32-годишна жена со вагинално крварење. Жената негирала дека абортирала, посочувајќи само на гинеколошки проблеми. “, се наведува во соопштението на полицијата во Сучеава.

„На 15.03.2024 година извршен е медицинско-правен преглед, при што е утврдено дека повредите се резултат на раѓање на плодот под услови наведени во криминалното досие. Иако жената првично негирала постоење на бременост, породување и сите други аспекти од криминалната природа, таа го признала раѓањето на плодот без да може да прецизира дали е жив што ја менува правната квалификација при извршување на кривичното дело убиство или повреда на новороденче, дело предвидено во член 200 ст.1 од Кривичниот законик Се чека обдукцијата на плодот и наредените процесни мерки со координација на обвинителот на надлежното обвинителство“, додаваат оттаму.

32-годишната мајка била психијатриски прегледана, а лекарите констатирале дека била прониклива. Затоа, во овој момент од истрагата, таа не можела да тврди дека не знаела што прави. Најверојатно мајката сега ќе биде под истрага за убиство.

Македонија

ДКСК: Вишиот управен суд ја одби жалбата на АСЈО, приемот на нови слушатели во мирување

Државната комисија за спречување на корупцијата (ДКСК) соопшти дека Вишиот управен суд ја потврдил одлуката во врска со приговорот од организатор на изборна кампања за вработувањата во Академијата за судии и јавни обвинители „Павел Шатев“. 

- Вишиот Управен суд донесе пресуда со која се одби жалбата на Академијата за судии и јавни обвинители, со што ја потврди пресудата на Управниот суд, и постапката за прием на 130 нови слушатели во почетна обука ја стави во мирување, се до завршување на изборите. Жалбата е одбиена како неоснована, се наведува во соопштението од ДКСК.

Од Државната комисија за спречување на корупцијата посочуваат дека за овој предмет и за сите наредни предмети, постапила и ќе постапува врз основа на пропишаните закони и прописи, во насока на зајакнување на владеење на правото, како врвен приоритет кон кој цели државата.

-Оваа одлука на Вишиот Управен суд не охрабрува и ни дава поттик уште попосветено да ја вршиме работата за која ја добивме довербата, истакнуваат од ДКСК. Пресудата е достапна на следниот линк

Управниот суд на 22 април ја отфрли како неоснована тужбата на Академијата за судии и јавни обвинители против Државната комисија за спречување на корупцијата, откако претходно ДКСК расправаше по втор пат и одлучи да се стави во мирување постапката за прием на 130 слушатели на Академијата до завршување на изборите.

Живот

Принцот Вилијам проговори за здравствената состојба на Кејт Мидлтон

Принцот Вилијам денеска за време на јавен настан во Њукасл проговори за здравствената состојба на неговата сопруга Кејт Мидлтон, која пред повеќе од еден месец откри дека боледува од рак.

При посетата на принцот на овој град се собраа голем број граѓани кои сакаа да го видат и поздрават идниот крал на Велика Британија.

Меѓу неговите поддржувачи била и Џули Кеј (60), која го прашала принцот како е неговата сопруга и децата.

„Сите се добро, благодарам. Добро ни е“, рекол Вилијам.

Принцот Вилијам полека се враќа на кралските обврски откако направи пауза поради лекувањето на неговата сопруга Кејт Мидлтон.

Двајцата вчера прославија 13 години брак, а на социјалните мрежи објавија приватна фотографија од нивната венчавка.

Кејт во видео минатиот месец откри дека боледува од рак. Во споменатото видео, таа ги замоли луѓето да ѝ дадат време и приватност за време на лекувањето.

Таа исто така им се заблагодари на сите за поддршката за време на нејзиното лекување и за сите пораки што ги добиваше од обожавателите на кралското семејство.

Свет

Поранешен шеф на дипломатија доби 32 месеци затвор поради продажба на стан во Монте Карло

Италијанскиот суд го осуди поранешниот министер за надворешни работи на Италија, Џанфранко Фини на две години и осум месеци затвор за неговата улога во продажбата на стан во Монте Карло што неговата партија го продавала.

Елизабета Тулијани, партнерката на Фини, е осудена на пет години затвор, додека нејзиниот брат Џанкарло Тулијани доби шест, а нивниот татко Серџо Тулијани пет години затвор, објави Ројтерс.

Обвинителството го обвини Фини, поранешниот лидер на десничарската Национална алијанса (АН) и другите обвинети за перење пари.

Во коментарите по пресудата, Фини рече дека е ослободен од главното обвинение, но сепак е осуден за авторизирање на договорот, што тој негира дека го сторил.

„После толку разговори, толку расправии и обвинувања, толку политички осуди, за што се сметам себеси за одговорен пред новинарите?

Тој додаде дека причината е што ја одобрил продажбата.

„Навистина не разбирам што е кривичното дело“, нагласи Фини.

Фини, кој беше клучен играч во италијанската политика во 1990-тите и 2000-тите, и сите обвинети ќе се жалат на пресудата и нема да одлежат затворска казна додека жалбите не се исцрпат.

Тој го предводеше крајно десничарското италијанско социјално движење (МСИ) во владата во 1994 година како дел од коалицијата предводена од поранешниот италијански премиер Силвио Берлускони.

Подоцна ја претвори МСИ во помејнстрим АН и служеше како министер за надворешни работи и шеф на Долниот дом на парламентот.

Актуелната премиерка на Италија, Џорџа Мелони, се искачи низ рангот на MSI и AN под водство на Фини.

Нејзината партија, Браќата од Италија, влече корени од двете партии. Фини има 72 години и повеќе не се занимава со политика.

притисни ентер