Ракомет

Вардар најавува победа против Вакер Тун за подобар пласман

Ракометниот шампион на Македонија, Вардар во недела го игра последниот натпревар на домашен терен во групната фаза од Лигата на шампионите. Во рамките на 9. коло во Скопје ќе гостува последнопласираната екипа од групата Ц, Вакер Тун.

Со триумф вардарци најавуваат дека ќе се обидат да го подобрат моменталниот пласман во групата (4. место).

- Ова е натпревар, кој нема таков притисок како претходниот со Динамо Минск. Но, ќе биде можност и да пробаме некои новитети, сепак ќе мораме да играме со ист интензитет како со Динамо Минск. Вакер Тун е хомоген тим, кој во последниот дуел со Барселона одигра добри 25 минути. Едноставно тие се тим кои немаат што да загубат и ќе играат добро, изјави на денешната прес-конференција тренерот на „црвено-црните“ шпанецот Раул Гонзалез Гутиерез.

Капитенот на „црвено-црните“ Филип Лазаров очекува неизвесен дуел.

- Вакер Тун од старот на Лигата на шампионите е аутсајдер во групата, а впрочем имаат и само еден освоен бод и тоа тука во Скопје против Металург. Можеби ќе бараат шанса за уште едно изненадување на овој терен, рече тој.

Натпреварот Вардар – Вакер Тун се игра во недела со почеток во 18 часот во СЦ „Борис Трајковски“ во Скопје.

Шоу биз

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.