Потребни состојки: 1 и ½ шолја пекарско брашно тип 550, 1 пакетче прашок за печиво, 1 шолја органско соја млеко, 1 лажица јаболков оцет, 2 лажици мелено ленено семе, малку хималајска сол, 2 лажици нерафиниран кафеав шеќер, 1 пакетче ванилин шеќер, ½ шолја вода, 2-3 лажици масло, малку крем од индиски ореви, малку цимет, малку јаворов сируп, прстофат пименто и овошје по желба.
Постапка:
Во брашното се додава прашок за печиво и заедно се просејуваат во подлабок сад.
Во шолја со органско соја млеко се става 1 лажица јаболков оцет и се промешува.
Се додаваат 2 лажици мелено ленено семе зачинето се прстофат пименто и се промешува.
Просеаното брашно се зачинува со малку хималајска сол и се додава нерафиниран кафеав шеќер и ванилин шеќер.
Смесата од шолјата се додава во поголемиот сад и со вилјушка се матат состојките.
Се додава вода и се продолжува со матењето се додека не се добие погуста смеса.
При крај се додава малку цимет и 2-3 лажици масло.
Палачинките се печат од двете страни на загреана тава или паланчикара со малку масло.
Печените палачинки се декорираат со крем од индиски ореви, овошје по желба и јаворов сируп.