Ова е главната порака упатена од Самиот за Западен балкан кој се одржува во Котор под слоганот под слоганот „Еден регион, заедничка визија“. Лидерите на земјите од регинот меѓу кои и техничкиот премиер Џафери, продружуван од првиот вицепремиер Марчиќ ја истакнаа посветеноста на реформите, како клучен чекор за доближување на регионот во Унијата.

„Очекувам да се спроведат најновите патокази кои се однесуваат на забрзаното придвижување кон заедничкиот внатрешен пазар, но и спроведувањето на реформската агенда “--Талат Џафаери, технички премиер.

„Посветеноста на ЕУ за забрзување на евроинтегративните процеси на земјите од Западен Балкан и на Македонија е силен поттик за нас на ниту еден начин да не го опструираме овој процес. Станува збор за процес за брза европеизацијата на државата којашто мора да продолжи според веќе утврдените планови и приоритети за просперитет на секој граѓанин, на Македонија и на регионот и Европа“-– Бојан Маричиќ , прв заменик претседател за европски прашања.

Српскиот престедател Вучиќ Вучиќ поздравувајќчи го Планот за раст порача дека очекува да донесе добри резултати во регинот, додека албанскиот премиер Рама порача дека земјите од регинот се подготвени и ЕУ треба да ги отвори вратите и пред спроведување на сите реформи, на што помошник државен секретар на САД Џејмс О'Брајен порача дека земјите од регинот прво мора да ги завршатат домашните задачи. Според еврокомесарот Вархеји, пак Планот за раст веќе се реализира, а придобивките ќе можеле да се почуствуваат веќе од следната година.

„Подготвивме индивидуални реформски планови, идентификувавме клучни иницијативи, кои ќе нѐ доближат до заедничкиот пазар и, конечно, почнавме да се подготвуваме за заеднички регионален пазар. Накратко, подготвени сме“,– Еди Рама, премиер на Албанија.

„ Убавината на Планот за раст е во тоа што за секој учесник поракта е едноставна – завршете ја својата домашна задача и немојте да барате другите прво да прават нешто за вие да може да ја завршите работата. За секој лидер тука колку и да се другите прашања поважни, на секој од вас е со помош од нас да го завршите вашиот дел од работата“-– Џејмс О’Брајен, помошник државен секретар на САД.

Планот за раст на Западен Балкан, кој Европската комисија го усвои во ноември лани предвидува финансиска поддршка од шест милијарди евра, од кои две милијарди се грантови, а четири милијарди поволни заеми од ЕУ.

Извори за Канал 5 велат дека денеска во униформа на работа дошол и болничарот кои се обидел да смени резулати од урина со дрога со чиста урина. Иако Иљази потпишала овие договори се неважечки велат од Државниот сантирарен инспекторат. Од ДСЗИ се уште не добиле повратница од пошта дека Клиниката за токсикологија го добиле решението каде се вели дека овие 18 луѓе не смеат да доаѓаат н работа.

Од ДСЗИ рекоа дека наредна мерка ќе биде казна за двајцата директорки и за Данил Петровски и за Бесија, бидејќи во клиниката не смеат да работат луѓе кои не се одобрени од двајцата директори. Медицинскиот директор на клиниката Данил Петровски се уште го користи стариот одмор. Тој во вторникот беше разрешен бидејќи бил на дежурство а користел денови од годишен одмор. Петровски потенцира дека тоа е дозволено во случаи кога има потреба од медицински кадар се случувало и доктори да дојдат од одмор за дежурство.

Вчера и докторот од токсикологија Нико Беќаровски побара јавно да му се извини министерот Демири кој го обвини Беќаровски дека е албанофоб. Беќаровски демантираше дека направил било каква етничка навреда и дека не може незаконското вработување на клиниката да биде поврзано со етничка припадност.

Во интервју за грчката телевизија „СКАЈ“ најави дека отстапување од договорот според него, ќе донесе последици и за билатералните односи, но и за македонскиот евроинтегративен пат. Меморандумите како што кажа тој, биле оружје кое офцијална Атина го имала против земјава.

-Бев многу импресиониран што вчера СИРИЗА побрза да ги достави трите меморандуми за Преспа на гласање во Собранието. Односно, сега кога видовме во она што долго време се сомневавме, дека може да дојде идната влада и на некој начин да ја доведе во прашање сржта на Договорот, ерга омнес (за целосна употреба), сега да ги донесеме меморандумите и да се откажеме секакви преговарања. Оружјето што го имаме против Скопје. Нема да ги ратификуваме меморандумите од Преспа доколку не сме апсолутно убедени дека другата страна ги почитува сите одредби од Договорот од Преспа,- - Кирјакос Мицотакис – Премиер на Грција.

Иако од македонска страна, до сега никој нема кажано дека нема да го почитува договорот, сепак Мицотакис вели дека ги предупредил властите во земјава за дека доколку договорот не се спроведува тоа ќе имало последици по односите на двете земји.

-Ознаката „македонски“ за жал е запишана во Договорот од Преспа и тоа беше нашето големо несогласување. Агресивната ознака „македонска етничка припадност“ и „македонски јазик“. Ја предупредив новата влада во Скопје дека секое отстапување од спроведувањето на Договорот ќе има сериозни последици за нашите билатерални односи, но и за патот на Македонија кон Европа,- - Кирјакос Мицотакис – Премиер на Грција.

Дел од поранешните дипломати пак велат дека ваквите пораки доаѓаат од позиција на моќ, а и Грција има свои обврски од договорот кои треба да ги спроведе.

-Членот 7 од договорот од Нивици вели дека страните прифаќаат дека нивното толкување на терминот „Македонија“ и “Македонски“ имаат различно значење. Тоа не значи дека има забрана за користење на термините во секоја прилика. / Не е позиција на сила, туку нов ултиматум, нова уцена која ние не смееме да ја прифаќаме, а се тоа се сведува на нашето членство во ЕУ,- - Ристо Никовски – Поранешен амбасадор.

Реакциите од официјална Атина изминатите неколку дена доаѓаат по заклетвата на новата претседателка Сиљановска Давкова која го употреби само името Македонија. Од нејзиниот кабинет пак, потоа појаснија дека таа има право да го употребува тоа како право на самоопределување и самоидентификација.