Свет

Во Доњецк и во Луганск се пука на сите страни

Пукање од блиску, артилиериски оган, запалени и срушени објекти- објавените снимки од рано утринава од опасната зона на Украина, Доњецк и Луганск, наликуваат на почеток на војна со Русија.

Видеата на кои се гледа дека украинските војници и проруските бунтовници се на релативна близина, се објавени на социјалните мрежи, а според информациите од сепаратистите, борба има на повеќе точки. Објавена е тревога за воздушен напад, а цивилите по наредба на Донбас и понатаму се евакуираат од регионот. Околу 40 илјади луѓе веќе биле префрлени во Русија.

Официјална Москва неколкупати демантираше дека планира напад на Украина, но црвениот аларм веќе е вклучен и во Белата Куќа. Американскиот претседател Џо Бајден за денеска свика состанок на Советот за национална безбедност на Белата Куќа. Неговиот тим задолжен за безбедност му потврдил дека ситуацијата набрзо ќе ескалира.

Дека Русија планира инвазија убеден е и британскиот прмеиер Борис Џонсон, кој предупреди дека во такво случај освен жртви на двете страни, ќе има и жестоки санкции кон Москва..

-Се плашам да кажам дека планот што го гледаме е нешто што навистина може да биде најголемата војна во Европа од 1945 година, во однос на обемот. Мислам дека луѓето мора да сфатат дека тоа чини човечки животи, не само за Украинците туку и за Русите, за младите Руси. Ќе ja стопираме трговијата со пари на руските компании на пазарот во Велика Британија, дури и со нашите пријатели, Америка, ќе ја забраниме трговијата со фунти и долари. Тоа ќе значи многу голем удар, вели Борис Џонсон – премиер на Велика Британија.

Францускиот претседател Макрон денеска телефонски разговарал околу два часа со неговиот руски колега Путин – соопштија од Елисејската палата. Овој разговор го оценуваат како дел од „последните неопходни напори за да се избегне голем конфликт во Украина“, а од Кремљ информираат дека провокациите од Украина се причина за случувањата во Донбас . Дополнително, Путин му посочил на Макрон дека НАТО ја охрабрува Украина на воено решение со тоа што и доставува оружје.

Живот

10- годишно дете од САД си пресудило по малтретирањето на училиште-родителите 20 пати се жалеле

Десетгодишно момче од Индијана извршило самоубиство откако наводно било ужасно малтретирано на училиште, додека неговите родители тврдат дека 20 пати се пожалиле во училиштето.

Семи Теус се самоубил на 5 мај, а според неговото семејство бил малтретиран до ноќта пред смртта.

Неговите родители Сем и Никол тврдат дека момчето било физички и психички малтретирано на училиште, а наводно неодамна го претепале во училишниот автобус.

Малтретирањето започнало минатата година кога тој се префрлил во училиштето, пишува Дејли Мејл.

Според семејството, Сем 20 пати им кажал на наставниците и на другите вработени во училиштето за злоупотребата.

„Најпрвин го исмејуваа поради очилата, потоа поради забите. Тоа траеше долго. “, рече таткото на Семи.

Злоставувањето потоа станало физичко.

„Го претепаа во автобус, децата му ги скршија очилата. Се јавив во училиштето, ги прашав што ќе прават во врска со тоа, стануваше сѐ полошо и полошо“, рекол таткото.

Според него, училиштето знаело што се случува, а злоупотребата низ училиштето и во автобусот се проширила на социјалните мрежи.

Училиштето соопштило дека неговите родители ја пријавиле смртта како самоубиство и ги истражуваат тврдењата за злоупотреба.

Истрагата продолжува.

Регион

Скандалозен исказ на таткото, кој ги држел своите деца како заложници и пукал со калашников

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција.

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција и тврди дека направил сѐ за „да ги заштити децата од љубовник на жената“, објави Политико.

Марку рекол дека имал проблеми со сопругата и дека, како што тврди, таа нашла друг маж.

Таткото, кој испукал најмалку 18 истрели во станот и од балконот во Драч, тврдел дека ги зел децата „за да ги држи подалеку од момчето на жената“. Потоа, како што тврди таткото, „новиот дечко на неговата сопруга дошол да го нападне“.

Потоа, како што рече, со калашников излегол на терасата.

„Четири дена бев во стан на плажа со моите деца и сѐ беше супер. Жена ми побегна во Италија и малку се каравме. Последен пат кога се скаравме, таа отпатува за Италија и јас ги зедов децата и дојдовме во Драч.“

Марку рекол дека сѐ ескалирало кога „љубовникот дошол кај него“.

„И тогаш нејзиниот љубовник доаѓа да ме нападне во куќата и затоа пукав. Не сакав да има врска со децата. Го однесов детето на тераса кога пукав, па можеше да види дека никогаш не сум бил насилен кон децата“, тврди таткото, кој беше уапсен вчераутро по неколкучасовни преговори.

Медиумите јавуваат дека децата, кои биле извлечени неповредени од станот, сега се со својата мајка и го напуштиле Драч.

Не се знае со каква казна се соочува таткото.

Живот

Аеродромски работник падна од авион- му се лизнаа скалилата кога сакал да излезе (ВИДЕО)

Еден од работниците на аеродромот во Џакарта паднал од паркиран авион.

Скалите со помош на кои требало да го напушти леталото се лизнале непосредно пред да излезе, а бидејќи не забележал – паднал на земја.

Инцидентот, наводно, се случил на аеродромот во главниот град на Индонезија, Џакарта (CGK), кога еден од аеродромските работници излегувал од Airbus A320 (PK-TLB) на TransNus (8B), објави Aviation24. Видео кое кружи на социјалните мрежи јасно покажува како работниците на аеродромот ги отстрануваат скалите за качување/симнување додека човекот го напушта авионот.

Без поддршка на левата нога, работникот испаднал од авионот и завршил на земја.

Иако не се знае многу за здравствената состојба на работникот, голем број на специјализирани воздухопловни портали и профили на социјалните мрежи пишуваат дека тој скршил неколку коски и дека неговиот живот не е во опасност.Aviation24 јавува дека индонезиските власти започнале истрага за инцидентот.

Прагот на вратата на Ербас А320 е повеќе од три метри над земјата.

притисни ентер