Култура

Во мај ќе бидат готови конаците на манастискиот комплекс „Трескавец"

Во мај ќе бидат готови конаците на манастирот „Трескавец" кај Прилеп кои речиси шест години од опожарувањето се градат, информираат од прилепскиот „Завод и музеј".

Според Благоја Атанасоски, директор на Музејот, фокусот годинава е на заштитата на културното наследство.

-Во мај, како што е и договорот со фирмата која ги изведува работите, конаците на „Трескавец" треба да бидат готови, обновени. Паралелно, два тима работат на истражувањата на живописот и на архитектурата на магерницата и трпезаријата во комплексот и се работи на нивна конзервација. Годинава се очекува тендерот за овие истражувачки работи да биде готов, рече Атанасоски.

Од Музејот признаваат дека претходниот проект за заштита и конзервација на споменикот „Илинден" во Крушево не е во ред и работат на нови проекти.

-На споменикот се работеше последниве две години. Ние презедовме други активности, зашто работите не се изведуваа како што треба. Сега работиме на нови проекти, на керамичкиот, бетонскиот и на витражниот дел. Тоа значи дека годинава нема да биде финална, но работите ќе продолжат барем уште две до три години, објаснува Атанасоски.

Кога станува збор за архитектонското наследство во Крушево, најголемиот број куќи се заштитено културно наследство. Годинава ќе се работи и на овој план.

-Освен тоа, ќе се препокрива црквата „Свети Никола" во мариовското село Манастир, ќе се работи на двете цркви во селото Зрзе, на селската и на манастирската црква. Годинава продолжуваат заштитините и конзерваторски истражувања на античкиот локалитет "Стибера" кој лани го откри ексклузивниот жртвеник, вели Атанасоски.

Прилепскиот музеј смета дека многу е постигнато во промоцијата на културното наследство кај младите генерации. Проектот „Музеите во училиштата, училиштата во музеите" одбележува десетгодишен јубилеј.

-Ова е еден од најуспешните проекти кога станува збор за презентацијата и приближувањето на културното наследство до новите генерации. Најмногу за едукацијата на младите за богатството кое го поседуваме. Интенција на Министерството за култура, уште од лани, е да се сврти вниманието кон заштитата и презентацијата на културното наследство. Освен тоа, официјално се вклучуваат големите артефакти и музеи со културното наследство да бидат дел од ученичките тури за екскурзија низ дражавата, вели Атанасоски. /МИА

Македонија

ДУИ: Изет, на линија со Силјановска и ВМРО, му се заканува на Али Ахмети

Изет Меџити и албанската опозиција  на линија со Гордана Силјановска од ВМРО. Впрочем, истите ја презедоа улогата на „маша“ на Мицкоски против се што е албанско.

Недалеку од денеска, губитникот на изборите на 24 април, Изет и неговите партнери се осмелуваат и им се закануваат на Албанците и на лидерот на ДУИ, Али Ахмети, обидувајќи се да внесат страв и неизвесност во пресрет на 8 мај, исто како што тоа го прават Силјановска и Мицкоски.

ДУИ и Европскиот фронт изразуваат загриженост за валканиот речник на Изет и албанската опозиција, а истовремено ги повикуваат граѓаните да не станат плен на мрачните и дестабилизирачки агенди со центар во Белград и Москва.

Им ставаме до знаење на Изет и неговите следбеници, дека Северна Македонија е веќе полноправна членка на НАТО и наскоро членка на Европската Унија.

Трасираниот пат и демократските институции не можат да се уништат со полициски закани, а тоа најдобро ќе го дознаете на 8 мај, кога Европскиот фронт ќе освои +20 пратеници.

Во оваа прилика ги повикуваме граѓаните на 8 мај масовно да го заокружат бројот 4 и да го спречат враќањето на полициската држава и истовремено да ја заверат длабоката историска победа на ДУИ и Европскиот фронт, се наведува во партиското соопштение.

Македонија

Изет Меџити: ДУИ сака да ги повлече Албанците во бездна!

Во страв од поразот кој несомнено ги чека, ДУИ веќе го загуби компасот! 

Така, нивната единствена цел сега е да предизвикаат политичка криза за да ги спасат корумпираните во нивните редови, обидувајќи се да продолжат со техничката влада повеќе од 100 дена.

Целите на Али Ахмети беа јасни и ВЛЕН ја предупреди јавноста од моментот кога со кандидатурата на Бујар Осман, ДУИ умислено ја елиминираше можноста Арбен Таравари да влезе во вториот круг од претседателските избори. Затоа, денес јавно го прашуваме Али Ахмети:

Дали е вистина дека им наредивте на општинските организации да организираат бојкот на вториот круг од претседателските избори, иако се сретнавте со Стево Пендаровски и му ветивте поддршка? Ако ова е вистина, кажете ѝ на јавноста зошто не ги бојкотиравте претседателските избори во 2019 година? Што се смени од тогаш? Дали стравот од неуспех ви го заматува видот? Или по наредба на руските центри на власта сакате да спречите новото парламентарно мнозинство да обезбеди уставни промени во рок од 6 месеци по формирањето на новата влада?

Зошто работите против интересите на ЕУ и САД? Доволно создадовте магла, одговорете на овие прашања кои се од витално значење за иднината на државата.

Сега кога ќе дојде време да преземете одговорност за корупциските скандали, вие подмолно се обидувате да го злоупотребите целиот албански народ како штит, но и помалите етнички заедници кои ги користите како заложници. Овие трикови веќе видени, не поминуваат.

По 8ми мај ќе има Влада со ВЛЕН како единствен легитимен политички претставник на Албанците, ќе има и мнозинство на Бадентер, ќе се обезбедат основите на Охридскиот рамковен договор и ќе има одговорност за сите што работеа спротивно на законите. Не можете и не смеете заминувањето на ДУИ во опозиција да го претставите како проблем за опстанок на државата. Ова е крајно неодговорно и кукавичко.

Затоа, ве повикуваме да престанете да ги срамите Албанците и славните борци на УЧК. Не е крај на светот ако одиш во опозиција. Како легалисти и демократи со нашиот политички кредибилитет гарантираме дека нема да има реваншизам, туку одговорност ќе има само кога тоа ќе се докаже во правилни судски постапки.

Коалиција ВЛЕН

Македонија

Коалиција Менуваме: Лицата со попреченост да бидат дефинирани во Уставот на Македонија

Почитувана Македонска јавност, дипломатскиот кор во земјата, UNICEF и EU делегација во земјата, уставна комисија, политички партии на Јавната трибина организирана   Проф.д-р Гордана Силјановска Давкова и иден претседател на Македонија.

Остварување на правата на еднаквост, достоинствен живот и активно вклучување во целокупниот економски, културен, општествен политички живот на лицата со попреченост. Нам овие права ни се гарантирани согласно конвенцијата на лицата со хендикеп и Уставот, меѓутоа поради невидливост во системот, остварувањето на овие права не е прилагодено на нашите потреби и можности, како лица со попреченост.

О б р а з л о ж е н и е

Комитетот е загрижен дека:

(а)

Член 9 од Уставот на државата- членка не ја споменува попреченоста како

Основа за дискриминација;

Затоа бараме

Признавање на лицата со попреченост како лица еднакви во слободите и правата во Уставот на Македонија

Бараме:

Измена и дополнување на Уставот на Македонија и усогласување со Конвенцијата за првата на лицата со хендикеп

Се надеваме на поголема инволвираност од Ваша страна како иден претседател на Македонија, бидејќи според сите Конвенции, ЕКЧП цениме, сега и веднаш!!!

Напомена

Македонија ја има ратификувана конвенцијата на правата на лицата со попреченост на ON во 2011 година, по што е должна да ги оствари преземените обврски за гарантирање на правата на лицата со попреченост.

Коалиција Менуваме

притисни ентер