Од внимавање до стерилност, до непречен проток на медицинскиот персонал, сите тимови биле на ниво, вели дигестивниот хирург Светозар Антовиќ кој ја водеше 9 часовната успешна трансплантација на црн дроб...
-При експлантацијата одеднаш работеа три хируршки тима и беа експлантирани сите солидни органи кои што се трансплантираат кај луѓе, одеднаш беа експлантирани срце, црн дроб и двата бубрега, многу сум горд на тоа заради тоа што тоа е навистина многу тешка навистина хируршки да се изведе работа, а тешка и да се организира, ние за прв пат тоа го правиме во Македонија, кај првите две трансплантации тогаш само црниот дроб го експланиравме, а сега и срцето, проф- Д-р Светозар Антовиќ – Клиника за дигестивна хирургија.
Херојот чии органи дадоа живот останува во тајност, што е желба на семејството а неговото, сега трансплантирано срце е осмото во Македонија кое успешно зачука да продолжи нечиј живот... Директорот на кардиохирургија д-р Шокаревски кој во речиси три часа ја заврши операцијата, вели дека кардиолошкиот пациент е во добра состојба.
-Состојбата на трансплантираниот пациент е стабилна, пациентот екстубиран, мобилизиран, веќе почнати се тие респираторни вежби, функцијата на срцето е одлична од ехосонографски и хемодинамски аспект, пациентот добро напредува, веќе почнавме со имуносупресивната терапија, се надевам дека се ќе биде добро со него, проф. Д-р Марјан Шокаревски – Директор на клиника за кардиохирургија.
На кардиологија има околу 30 пациенти, а листата за трансплантација на бубрег надминува 100 лица – вели д-р Скендер Саиди кој го водеше тимот кој ги пресади двата бубрега.
Ова е највисокиот чин на хуманост кој човек може да го направи, а свесноста за органодарителството во земјава е се повисока, но сепак има се уште пациенти кои чекаат можност да го продолжат животот. Покрај хуманоста на донорите, потребна е и држаната логистика, каде во употреба би се ставил владин авион, а би се вклучиле и експерти од странство, велат од здружениот „Храбро Срце“ кои го поздравија подвигот на четири трансплантации.