Шоу биз

Занимливости за Меланија Трамп кои не сте ги знаеле

И покрај тоа што Меланија е првата дама на Америка, светот многу малку знае за неа.

Таа е првата дама на Америка која со својот изглед и стилот ги полни медиумските портали и насловни страни и постојано одново успева да изненади со грациозната појава.
Ви претставуваме занимливости кои не сте ги знаеле за Меланија Трамп:
*Моминското презиме на Меланија е Кнасу, родена е во Југославија, а на само 5 години за прв пат прошетала на модната писта
*Во светото на манекенкството влегла со помош на нејзината мајка која во дамнешната 1977 година имала нејзина модна линија, па малата Меланија била едно од заштитните лица
*Меланија Трамп е втората ена во историјата на САД која станала прва дама, а да не е државјанка на Америка
*Таа е единствената прва дама која позирала гола
*Три години пред познанството со Доналд Трамп, Меланија позирала гола за француски машки магазини
*Првата дама на Америка го запознала сопругот на една модна ревија
*Таа средба била поприлично поразителна за Доналд. И покрај неговите обиди да ја покани на состанок, Меланија одбила да му го даде нејзиниот број од телефон.
*Ги прекинала студите по архитектура на Универзитет во Љубљана за да во целост му се посвети на моделингот
*Европската слава а стекнала во Италија и Франција, па само по неколку години станала и сопственичка на една модна агенција
*Според традицијата тајнот име на првата дама мора да почне со првата буква од тајното име на нејзиниот сопруг
*Со оглед дека тајното име на Доналд е Могул, убавата Словенка го носи прекарот Муза.
*Меланија покрај сестрата Инес, има и полубрат кој никогаш не го запознала, а е од првиот брак на нејзиниот татко.
*Венчаницата на Меланија чинела 200 000 долари, а станува збор за модел на Диор кој го изработувале повеќе од 1000 часа
*Покрај мајчинскиот Словенечки, Меланија зборува и Англиски, Француски, Германски и Италијански јазик. Се подразбира и нејзиното познавање на Српско - Хрватскиот јазик.
*Меланија никогаш немала дадилка за нејзиниот син.
* Има готвач и личен асистент.


Македонија

Нови цени на бензините

Малопродажните цени на бензините ЕУРОСУПЕР БС-95 и ЕУРОСУПЕР БС-98, и на Екстра лесното масло за домаќинство на (ЕЛ-1) се намалуваат за 1,50 ден/лит.

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 1,70% во однос на одлуката од 29.4.2024 година.

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 2,438%, кај дизелот за 2,100%, кај екстра лесното масло за 2,605% и кај мазутот намалувањето е за 1,907%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,407%

Од 8.5.2024 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 86,00 (денари/литар)

Моторен бензин ЕУРОСУПЕР БС - 98 88,00 (денари/литар)

Дизел гориво ЕУРОДИЗЕЛ БС (Д-Е V) 74,50 (денари/литар)

Масло за горење Екстра лесно 1 (ЕЛ-1) 74,00 (денари/литар)

Мазут М-1 НС 45,832 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98, и на Екстра лесното масло за домаќинство на (ЕЛ-1) се намалуваат за 1,50 ден/лит.

Малопродажната цена на ЕУРОДИЗЕЛ (Д-Е V) се намалува за 1,00 ден/лит.

Малопродажната цена на Мазутот М-1 НС се намалува за 0,829 ден/кг и сега ќе изнесува 45,832 ден/кг.

Напоменуваме дека ова се максималните цени на нафтените деривати од 00:01 часот на 8.5.2024 година, стои во соопштението од РКЕ.

Фудбал

Барселона е заинтересирана за Дарвин Нуњез

Напаѓачот на Ливерпул, Дарвин Нуњез може да ја продолжи кариерата во Шпанија, пренесува „The Sun“.

Според британскиот весник, Барселона е заинтересирана за 24-годишниот Уругваец. Каталонскиот клуб го гледа напаѓачот како замена за Роберт Левандовски.

Оваа сезона Нуњез одигра 52 натпревари, постигна 18 голови и 13 асистенции.

Порталот „Transfermarkt“ ја проценува вредноста на фудбалерот на 70 милиони евра.

Македонија

Бесплатна телефонска линија на Народниот правобранител за повреда на избирачко право

Во канцеларијата на Народниот правобранител, утре од 7 до 19 часот, на денот на одржување на вториот круг за избор на претседател на Република Македонија и на парламентарните избори, граѓаните ќе можат да пријават каква било повреда на избирачкото п.

Во канцеларијата на Народниот правобранител, утре од 7 до 19 часот, на денот на одржување на вториот круг за избор на претседател на Република Македонија и на парламентарните избори, граѓаните ќе можат да пријават каква било повреда на избирачкото право на бесплатната телефонска линија 0800 54321.

Како што информираат денеска од канцеларијата на Народниот правобранител, освен на бесплатната телефонска линијата, граѓаните ќе можат да пријават повреди на избирачкото право и лично во главната канцеларија во Скопје, што се наоѓа на улицата „Македонија“ бр.19 во зградата на ТД „Макошпед“ (спроти Спомен куќата на Мајка Тереза).

-Исто така, утре на денот на изборите дежурства ќе има и во подрачните канцеларии во Струмица на тел.бр.(034)329-996, Кичево на тел. бр (045).228-586, Тетово на тел. бр.(044) 344-082, Битола на тел. бр.(047) 242-310, Штип на тел. бр. (032) 389-701 и во Куманово на тел. бр .(031) 431-488, се вели во денешното соопштение од Народниот правобранител.

Народниот правобранител, нагласуваат оттаму, со цел заштита на избирачкото право на граѓаните ќе презема итни мерки за ефективно постапување од странa на надлежните органи во изборниот процес и другите институции кои се должни да им обезбедат заштита на граѓаните остварување на нивното загарантирано избирачко право.

притисни ентер