Многу дами се обидуваат да го пронајдат еликсирот на младоста во скапите третмани и креми за лице. Џенифер Анистон неодамна откри која нега на лицето ѝ помага за да изгледа помладо во шестата деценија од животот.
Негата на кожата е основен предуслов за младешки изглед. Постојат бројни начини за одржување на убава, сјајна и затегната кожа дури и во позрелите години, од естетски интервенции до прескапи креми и третмани. Сепак, постојат и неколку едноставни трикови кои нема да ве чинат апсолутно ништо.
Познатата холивудска актерка Џенифер Анистон, откри дека има многу едноставен трик за убавина и го користи со децении секое утро по станување. Инаку, таа изгледа двојно помладо иако има 55 г.
Џенифер повеќепати нагласи дека воглавно користи природни креми за лице и вазелин, но исто така користи и една утринска рутина, за која верува дека ѝ помага да остане младолика. Токму овој нејзин совет е испробан на социјалните мрежи.
На Инстаграм кружи видео со едноставен трик, за кој се верува дека за момент може да ја подмлади кожата на лицето за 10 години. Најдобро од сè е што нема да ви требаат пари бидејќи не чини апсолутно ништо. Како што можете да видите на видеото, сè што ви е потребно е длабок стаклен сад со ладна вода и коцки мраз. Потребно е во него да го потопите лицето и да го држите неколку секунди. Порите ќе се затворат, кожата ќе се хидрира и ќе стане сјајна, затегната и мазна. За постигнување на целосен ефект, користете го ова секое утро.
На овој начин веднаш ќе се ослободите од подуеноста на лицето по станување, ќе ги измазните брчките и ќе се разбудите.
Како што истакнала Џенифер во едно интервју, таа се мие со ладна вода. За оние кои миењето со толку ладна вода е неиздржливо, стручните лица за убавина и нега на кожата советуваат одлична замена. Може да завиткате коцка мраз во памучна крпа и полека со неа да поминете преку лицето. Исто така, оваа техника е одлична за ублажување на мозолчињата.
- Студот помага да се ослободите од вишокот вода во лицето преку лимфна дренажа, така се намалува отокот на лицето. Употребата на мраз под очите може да помогне во ослободување на акумулираната течност и дренирање на токсините, така ќе предизвикате ефект на затегнување, објаснува дерматологот Лори Скаро.
Исто така, таа советува да не се нанесува мраз директно на лицето, бидејќи студот може да ја иритира вашата кожа.
Извор: srecna.republika.rs