Регион

Земјоделците до Мицотакис: Кажете ни го планот, ако не да станеме келнери или да заминеме

Мицотакис денеска присуствуваше на свеченост на отворање на нов пат во северозападна Грција, а веднаш потоа ги посети земјоделците од градот Воница.

Водиме битка за преживување, кажете ни каков е планот, дали постои план да знаеме што ќе правиме или да станеме келнери или да заминеме во Германија, му порача претставникот на земјоделците од областа Воница на грчкиот премиер Кирјакос Мицотакис, јави дописничката на МИА од Атина.

Мицотакис денеска присуствуваше на свеченост на отворање на нов пат во северозападна Грција, а веднаш потоа ги посети земјоделците од градот Воница, кои како и во многу делови на земјата, имаат поставено блокади со трактори и бараат од Владата да ги исполни нивните барања.

Им порача дека Владата секогаш е отворена да направи сè што е во нејзина можност и на национално и на европско ниво за да се намалат трошоците за производство и за електрична енергија.

- Ниту келнери ќе станете, ниту за Германија ќе заминете. За мене, поддршката на примарниот сектор е прв политички приоритет. Ги знам проблемите, ги знам од прва рака. Исто така знаете дека во овие четири тешки години Владата застана колку што можеш поблиску до земјоделците и со намалување на оданочувањето и со зголемување на поддршката што ја дадовме на Организацијата за земјоделско осигурување. Дадовме над една милијарда евра обесштетување во последните четири години, истакна Мицотакис.

Претставникот на земјоделците го пречека Мицотакис велејќи му „Како успеавте и нѐ извадивте на улица“, на што грчкиот премиер одговори дека го почитува фактот што се на улица, но без да го блокираат сообраќајот и без да создадат проблеми.

На грчкиот премиер му објасни дека земјоделците од Владата бараат итни мерки за поддршка на примарниот сектор и намалување на трошоците за производство и му порача дека „земја без примарен сектор, без силни земјоделци, одржливи домаќинства, веќе нема да се нарекува земја“.

Земјоделците во Грција во различни делови на земјата, најизразено во северниот и централниот од минатата седмица поставија блокади, а меѓу другото, бараат надоместоци поради намаленото производството предизвикано од непогоди и болести; изградба на инфраструктурни проекти за заштита од временските неприлики и намалување на трошоците за производство, но и да и помош за штетата нанесена од невремето на почетокот на септември. /МИА

Автомобилизам

Опел го претстави новиот СУВ со хибриден и електричен погон – почетната цена е 24.000 евра

Opel денеска ја претстави својата нова Frontera, целосно електричен и компактен SUV.

Frontera доаѓа во две верзии, со благ хибрид - Frontera Hybrid и целосно електричен погоден - Frontera Electric, објави Стелантис.

Првите фотографии од Фронтера излегоа пред еден месец, а денес за прв пат беше јавно претставена во Истанбул. Објавената цена е 24.000 евра.

„Оваа година славиме 125 години од производството на автомобили во Opel. За тие 125 години, секогаш одевме напред, нудејќи им на клиентите иновативна, практична и пред сѐ пристапна мобилност. Целосно новата Opel Frontera е совршено опишана со следнава изјава: многу флексибилен, простран и електрифициран нов SUV кој ќе ги освои срцата на новиот сегмент клиенти“, рече шефот на Opel, Флоријан Хуетл.

Opel објави дека покрај верзијата со пет седишта, Frontera во иднина ќе се нуди и во верзија со седум седишта. Покрај стандардните информации, познати се и детали за опциите за напојување и пакетите на опрема.

Фронтера ќе биде првата што ќе го носи новото лого на Opel Blitz на предната табла, а од страните ќе има модерни LED светла. Предниот и задниот дел го имаат најновиот дизајнерски потпис на Opel, а кабината ги дели пропорциите со C3 Aircross на Citroen.

Се нудат два пакета опрема - основниот наречен Frontera и предводникот наречен Frontera GS, кој може да се комбинира со два опционални пакети.

Внатрешноста на Frontera GS има дигитален кокпит, два 10-инчни екрани сместени во истиот панел, а сите верзии доаѓаат стандардно со „станица за паметни телефони“ и мноштво практични функции кои го нагласуваат карактерот на теренецот фокусиран на семејството.

Во верзијата со пет седишта, багажникот ќе има волумен нешто поголем од 450 литри, односно 1600 литри по преклопување на задните седишта. Опционални се багажниците на покривот кои ќе можат да издржат максимум 240 килограми товар, вклучително и покривен шатор со интегрирана скала која е специјално дизајнирана за овој теренец.

Што се однесува до техничката страна, Frontera Hybrid ќе користи 1,2-литарски турбо бензински мотор со 48V благ хибриден систем. Моторот со внатрешно согорување ќе развива до 100 КС, а дополнителни 28 КС ќе обезбеди електромоторот интегриран во шестстепениот менувач со двојна спојка.

Силата ќе се пренесува исклучиво на предните тркала. Но, во понудата ќе има и помоќна верзија на хибридниот модел со помоќен 1,2-литарски турбо бензински мотор и идентичен благ хибриден погон кој ќе развива 136 КС.

Електричниот модел Frontera Electric засега останува без јасни спецификации, но во стандардната верзија се ветува автономија поголема од 300 километри или околу сто километри повеќе во верзијата со долг дострел.

Најмоќниот електричен модел би можел да користи електромотор со моќност од 156 КС и батерија со капацитет од 64 kWh, а за основниот модел ќе биде резервиран поедноставен систем. Supermini Citroen e-C3 ја користи истата платформа Smart Car и се нуди со послаб електричен мотор кој испорачува 113 КС и помала батерија со капацитет од 44 kWh.

Во Германија, Фронтера Хибрид ќе чини најмалку 24.000 евра, додека моделот Фронтера Електрик ќе чини околу 29.000 евра. Тоа значи дека се работи за најприфатливиот електричен SUV од оваа големина, кој е значително поевтин од помалиот Mokka Electric кој на истиот пазар има цена од 40.800 евра.

Свет

Хорор во Лајпциг: Човек е удрен со мачета, полицијата ги бара напаѓачите (Вознемирувачко видео)

Во „најопасната улица во Германија“ се одвивала вистинска драма откако по расправија дошло до физичка пресметка во која била употребена и мачета.

Според Билд, учесници во инцидентот најверојатно се Курди од Турција.

На пресметката ѝ претходела навреда, која прераснала во физичка пресметка меѓу десетина мажи на улица.

Очевидци ја известиле полицијата, но кога пристигнале патролите, хулиганите исчезнале. На местото на настанот останале само две жртви (двете на возраст од 26 години). За среќа се здобиле со полесни повреди.

„Поголемиот дел од времето повеќе не се среќаваме со ниту еден од учесниците; често повредените се тие кои остануваат на лице место.“

Се чини дека жртвите стравуваат од одмазда од напаѓачите, додава Билд.

Но, овој пат има видео од уличната тепачка во Лајпциг - снимена од очевидец - а сега кружи на платформата Х.

На видеото може да се види како се тепаат десетина мажи.

Еден од нив го извлекол подебелиот крај, бидејќи останал раскрвавен на улица.

На видеото се гледа и човек со мачета, кој на турски вика: „Кучкин сине, да ти е*ам!“

Го удрил оштетениот со мачета во пределот на вратот, но за среќа со тапата страна.

„Свесни сме за видеото и тоа е вклучено во нашата истрага за конфронтацијата на Ајзенбахштрасе“, изјави портпаролот на полицијата во Лајпциг.

„Идентификувањето на осомничените сега е наш приоритет“, додаде тој.

Што се однесува до Ајзенбахштрасе, Билд наведува дека улицата е позната по дрога и борби на бандите кои дистрибуираат наркотици.

Но, додава германскиот весник, овојпат најверојатно станува збор за спор во рамките на курдската заедница.

Свет

Фон дер Лајен:Ако Путин го прекине бомбардирањето,мировни преговори може да почнат следниот ден

Претседателката на Европската комисија Урсула фон дер Лајен изјави дека доколку рускиот претседател Владимир Путин престане да ја бомбардира Украина, мировните преговори може да почнат следниот ден, пренесе Анадолија.

Фон дер Лејен, која дојде во Рим за време на изборната кампања за Европскиот парламент (ЕП), се сретна со млади гласачи заедно со Антонио Тајани, лидерот на Форца Италија (ФИ).

Таа на средбата зборуваше за војната меѓу Русија и Украина.

- Доколку Путин го прекине бомбардирањето, следниот ден може да се одржат мировни преговори. Но, мировниот процес мора да го водат Украинците. Нивно право е да го направат тоа, рече претседателот на Европската комисија.

Кога Фон дер Лајен пристигнала на средбата со младите, ја пречекала група од десетина луѓе кои извикувале „Срамота“ и „Слободна Палестина“, јави Анадолија.

притисни ентер