Македонија

Димитриевски: ЗНАМ нуди вистински решенија за состојбите во Македонија

Кандидатот за претседател на државата од Движењето ЗНАМ – За наша Македонија, Максим Димитриевски, денеска имаше средби со граѓаните на Ѓорче Петров.

Тој во изјавата за медиумите рече дека сака да одговори на прашањата што му биле упатени околу повикот за ненапаѓање и повикот за македонско национално единство дадени од претседателот на ВМРО-ДПМНЕ, Мицковски.

„Мене ми е мило, рече Димитриевски, што конечно сите тие големи политички субјекти, што се претставуваат како гоеми политички субјекти ја сфатија суштината и заложбата на ЗНАМ. Од првиот момент ЗНАМ како нов политики субјект во државата најави дека по завршување на парламентарните избори, пред да влезе во договор, разговор и преговор со идните коалициони партнери, ќе излезе со една декларација за дефинирање на македонските црвени линии и де факто потврдување на македонска национална платформа. Тоа би значело дополнително и повисоко ниво на соработка на мултикултурен и мултиетнички план“. Во однос на ненапаѓањето, Димитриевски појасни:

„Ние како партија не прогласуваме мораториуми, бидејќи немаме намера и не напаѓаме политички субјекти кои се во опозиција.Водиме позитивна кампања. Но, притоа сакам да истакнам дека денешнава состојба којашто е лоша и никогаш не била полоша во државата е резултат на владеење на два политички субјекта од македонскиот блок и еден политички субјект од албанскиот блок, тоа е ДУИ. Ваквите повици не можат никого, ниту колективно, ниту индивидуално, да изземат од каков било вид на одгворност во претходниот период на владеење“, рече Димитриевски и додаде:

„ЗНАМ е нова политичка сила која нуди решенија, и нашата цел е граѓаните да ги обединуваме, бидејќи и јас како кандидат, а и самиот политички субјект произлегува од граѓаните, ние сме со граѓаните и имаме намера да работиме за граѓаните“.

Запрашан дали прифаќа вакво национално обединување, Димитриевски одговори дека:

„Не да прифатам, ние како ЗНАМ први во државата излеговме со еден ваков повик и мило ми е што веќе има втор“. Тој објасни дека по втор пат се случува плагијат на идеја на ЗНАМ од страна на ВМРО ДПМНЕ. Првиот со неговото решение во делот како да се надмине проблемот со уставните измени и со Бугарија и сега околу идејата за обединувањето.

Ние, рече Димитриевски, - директно работиме на дефинирање на македонските црвени линии и национална платформа на Македонците во државата. Мора да се обедииме како народ, без разлика на нашата политичка различност“. Тој рече дека исклучил каков било вид соработка, постизборна соработка со ова актуелно раководство на СДСМ, за коешто смета дека поради тоа што од една државотворна партија ја направило таква каква што е денес, треба да понесе не само политичка одговорност, туку пред се и кривична одговорност, заедно со добар дел од нивните коалициони партнери од ДУИ, бидејќи, како што рече, направиле голема штета и корупцијата си го дава својот резултат. На констатацијата дали тоа значи дека е можна соработка со ВМРО ДПМНЕ, Димитриевски одговори:

„Според она што го гледам како досега функционираа нештата особено во делот на фамозното гласање на измените во Казнениот законик, суштински во јавноста имаме разногласија, а во парламентот се обезбеди мнозинство од страна на владеачката структура на СДСМ и ДУИ,но сепак кворумот го обезбеди опозицијата. Тоа потврдува еден вид и начин на соработка помеѓу нив и сметам дека е крајно лицемерно кон јавноста. Ние сме подготвевни во следниот период да делуваме, како што делуваме и сега, како независен субјект. Секако ќе разговараме за идна соработка, но може ќе не изненади и фактот на една општа коалиција. Во тој случај ЗНАМ ќе остане со граѓаните и ќе биде конструктивна опозиција“, потенцира Димитриевски.

Запрашан што им порачува на граѓаните на Ѓорче Петров и каква програма нуди, Димитриевски рече:

„Нашата програма е јасна, со пет начела и пет приоритети со рокови. Многу пати ја имаме елаборирано. Денеска би се задржал на темата за македонското национално единство, што е еден од нашите приоритети. Личните антагонизми треба да се стават во втор план, а на прво да бидат граѓаните. Јас, како Претседател, доколку ја добијам довербата, ќе имам можост со реализација на моите надлежности, да придонесам во државата да се врати правдата и казнивоста за сите, а особено со измени во казнениот закон со кои ќе има поголеми казни за носителите на јавни и државни функции“. Караванот на претседателскиот кандидат на Движењето ЗНАМ – За наша Македонија, Максим Динитриевски, попладне и вечер ќе биде во Велес и велешко.

Македонија

Истражување на ФОП за трошоците на студентите од факултети од Скопје и Тетово

Истражувањето „Студентска кошничка на студентите на Економскиот, Филолошкиот и Медицинскиот факултет“ сега е објавено. 

Истражувачите на Форумот за Образовни Промени ги идентификуваа и анализираа најголем дел од трошоците што ги имаат студентите за цела академска година.

Нашата цел е да создадеме јасна слика за трошоците на студентите. Затоа што кога институциите во земјата креираат финансиски политики кои се фокусираат на младите луѓе, треба да се информирани за студентските трошоци.

Преку интервјуа со студенти на Економскиот, Филолошкиот и Медицинскиот факултет ги истражувавме и анализиравме трошоците што овие студенти ги имаат во текот на еден семестар.

Што велат податоците за Економскиот факултет, Универзитет „Свети Кирил и Методиј“?

Студентите на Економскиот факултет со самофинансирање плаќаат 12.321 денари за еден семестар и 2.150 денари за други трошоци (ИКСА и административни). Просечните трошоци за секој студент посебно за еден семестар се како што следува:

За литература 3.520 ден.

За потрошни материјали: 1.400 денар.

За превоз: 9.348 денари.

За домување: 26.400 ден.

За храна: 12.650 ден.

За рекреација: 14.202 ден.

Просечни трошоци за секој студент посебно за еден семестар: 81.335 денари (1.317 евра)

Просечни трошоци за секој студент посебно за една академска година: 162.670 денари (2.634 евра)

До завршување на додипломските студии: 650.680 денари (10.535 евра)

Што велат податоците за Филолошкиот факултет, Универзитет „Свети Кирил и Методиј“?

Студентите на Филолошкиот факултет со самофинансирање плаќаат 12.321 денари за еден семестар и 1.250 денари за други трошоци (ИКСА и административни). Просечните трошоци за секој студент посебно за еден семестар се како што следува:

За литература 2.012 ден.

За потрошни материјали: 760 ден.

За превоз: 10.340 денари.

За домување: 21.875 ден.

За храна: 12.958 ден.

За рекреација: 11.758 ден.

Просечни трошоци за секој студент посебно за еден семестар: 72.618 денари (1.176 евра)

Просечни трошоци за секој студент посебно за една академска година: 145.236 денари (2.352 евра)

До завршување на додипломските студии: 580.944 денари (9.406 евра)

Што велат податоците за Факултетот за медицински науки, Универзитетот во Тетово?

Студентите на Факултетот за медицински науки со самофинансирање плаќаат 12.321 денари за еден семестар и 750 денари за други трошоци (ИКСА и административни). Просечните трошоци за секој студент посебно за еден семестар се како што следува:

За литература 6.579 денари.

За потрошни материјал: 2.476 ден.

За превоз: 6.541 ден.

За домување: 14.809 ден.

За храна: 15.589 ден.

За рекреација: 11.360 ден.

Просечни трошоци за секој студент посебно за еден семестар: 69.850 денари (1.131 евра)

Просечни трошоци за секој студент посебно за една академска година: 139.700 денари (2.262 евра)

До завршување на додипломските студии: 698.500 денари (11.309 евра)

Перцепција на граѓаните: Студентите и цените, евтино или скапо?

Во вториот дел од истражувањето „Студенска Кошничка на студенти на Економскиот, Филолошкиот и Медицинскиот Факултет“ анкетиравме онлајн (преку Интернет) вкупно 185 лица за да ја научиме општата перцепција на граѓаните во однос на цените во однос на студентите. Одговорите се следни:

85,4% од испитаниците сметаат дека цените на основните прехранбени производи се скапи.

80% од испитаниците сметаат дека цените на основните прехранбени производи не се прифатливи за студентите.

81,1% од испитаниците сметаат дека помошта на државните институции за студентите не е доволна.

79,5% од испитаниците сметаат дека државните универзитети не обезбедуваат доволно помош/стипендии за студентите.

80% од испитаниците сметаат дека сумата од 140 денари дневно што им се доделува на студентите не е доволна.

57,3% од испитаниците сметаат дека цената од 3.410 денари за студентски дом не е прифатлива за студентите.

53,5% од испитаниците сметаат дека цената на студиите/семестарот на државните универзитети е висока.

62,2% од испитаниците сметаат дека цените на книгите и другите материјали за трошење се не прифатливи за студентите.

62,2% од испитаниците сметаат дека студентите немаат финансиски можности за културни, спортски и туристички активности.

83,8% од испитаниците сметаат дека студентите не можат да си ги дозволат месечните трошоци без да бидат вработени.

66,5% од испитаниците сметаат дека во следните 12 месеци економската состојба и животниот стандард на студентите ќе се влоши.

По ова истражување, Форумот за Oбразовни Промени препорачува да има бесплатно јавно образование за сите студенти, да се дигитализираат административните услуги, да се зголеми износот на државните стипендии и да се прошири листата на факултети со највисоки стипендии, да се прошири листата на категории студенти кои добиваат државни стипендии, да се прошири листата на категории студенти кои се ослободени од учество. Прочитајте ги другите препораки на крајот од истражувањето.

Автор и уредник на ова истражување е Ардит Рамадани , истражувачи се Сабрије Тефики, Кристијан Стефановски и Иван Трајковски. Истражувањето го преведе Бехаре Касами, а дизајнираше Виган Демири.

Форум за образовни промени

Свет

Анкета: Ниска доверба на Американците во медиумското покривање на изборите

Иако многу Американци велат дека добиваат информации за годинашната кампања за претседателските избори од најголемите, национални медиуми, анкетата покажува дека повеќето испитаници се сомневаат во нивното известување, пренесе Бета.

Дури 53 отсто од анкетираните велат дека се крајно или многу загрижени дека медиумите ќе пренесат неточности или дезинформации пред и за време на изборите. Околу 42 отсто рекле дека се загрижени затоа што мислат дека вестите ќе користат „генеративна вештачка интелигенција“ за пишување извештаи.

Четириесет и седум отсто од Американците рекле дека се длабоко загрижени затоа што веруваат дека вестите ќе објават информации што не се потврдени или проверени, а 44 отсто се загрижени дека точните информации ќе бидат претставени на пристрасен начин - на начин што оди во прилог на едната или на другата голема партија.

Половина од испитаниците рекле дека секогаш или често добиваат вести за изборите од поголемите медиуми, а тоа е повеќе кај постарите испитаници.

-Нивото на покриеност на вестите е добро“, рече Мајкл Болден, извршен директор на Американскиот институт за печат што го спроведе истражувањето, но „загриженоста е што тие не се сигурни дека навистина можат да им веруваат на информациите“.

Делумна причина, според него, се долгогодишните сомнежи за новинарите, „од кои голем дел беа подметнати од политичарите“. Луѓето исто така се слабо свесни за тоа како функционира новинарството.

Анкетата покажа дека околу половина од испитаниците рекле дека имаат барем умерена доверба во информациите и на најголемите и на локалните медиуми за претстојните избори годинава, а само околу десет отсто се изјасниле дека имаат целосна доверба во нив.

Околу 60 отсто од приврзаниците на владејачката Демократска партија велат дека најмалку се потпираат на најголемите национални медиуми за вестите за изборите. Над 48 отсто од приврзаниците на опозициските републиканци и 34 отсто од приврзаниците на независните кандидати го велат тоа, покажа истражувањето.

Покрај неточностите, многумина изразија голема загриженост за изборните вести кои премногу се фокусираат на поделби или спорови, или на тоа кој би можел да победи или изгуби - слично како покривањето на коњските трки - додека помалку зборуваат за важни прашања или карактерот на кандидатите.

Така, повеќето Американци велат дека сакаат националните и локалните вести да ги истакнат вредностите на кандидатите или нивните различни позиции за клучните општествени прашања, за тие, како гласачи, да бидат соодветно информирани и врз основа на тоа да одлучат кого да поддржат. /МИА

Свет

Песков: Не ја гледаме смислата на мировната конференција во Швајцарија без учеството на Русија

​ Русија денеска реагираше дека не ја гледа поентата на мировната конференција за Украина што Швајцарија ја планира за средината на јуни, на која Москва не е поканета. 

Швајцарската влада денеска соопшти дека „во овој момент“ Русија не е меѓу 160-те поканети делегации, додавајќи дека е отворена за нејзиното учество, но дека Москва не е заинтересирана.

Берн ја најави средбата уште во јануари, наведувајќи дека тоа го прави на изричито барање на украинскиот претседател Володимир Зеленски.

Портпаролот на Кремљ, Дмитриј Песков, денеска истакна дека Москва не ја смета оваа иницијатива за веродостојна.

-Не разбираме каква пресвртница би била таа мировна конференција, изјави Песков. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?, додаде тој.

„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи портпаролот на Кремљ.

Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.

-Знаеме дека нема смисла да се има Русија на маса ако не можете да се осигурате дека таа ќе дејствува со добра волја, изјави шефот на украинската дипломатија Дмитро Кулеба минатата недела во интервју за магазинот „Форин полиси“.

Кулеба смета дека создавањето дополнителен притисок на Русија на бојното поле и обединувањето на државите „кои делат исти принципи“ ќе и помогнат на оваа земја да биде подготвена да учествува во дијалогот. /МИА

притисни ентер