Македонија

Костадиновска-Стојчевска: Не е доцна Арсовска да почне да ја работи својата работа

Министерката за култура, Бисера Костадиновска-Стојчевска, вели дека не е доцна за градоначалничката на Скопје, Данела Арсовска да почне да ја работи својата работа за која скопјани ѝ ја дадоја поддршката .

Министерката за култура, Бисера Костадиновска-Стојчевска, вели дека не е доцна за градоначалничката на Скопје, Данела Арсовска да почне да ја работи својата работа за која скопјани ѝ ја дадоја поддршката и да ја прекине својата игра за пласирање лажни информации за реконструкцијата на Универзална сала и заплашување на граѓаните со манипулативни тврдења.

„На градоначалничката која имаше можност две години да започне со реконструкција на Универзална сала и порачувам да почека да заврши истрагата и да води кампања на друга тема, а во меѓувреме наводните упади во Системот на Бирото за јавни набавки да ги пријави пред надлежните органи. Нека ги заштити сопствените профили бидејќи Арсовска е првата која обвинува за упад од кога е воведен Системот за јавни набавки“, вели Костадиновска-Стојчевска.

Костадиносвка-Стојчевска, објасни дека процесот на преземањето надлежности за Универзална сала од Град Скопје, Министерството за култура го направи со потпис и од градоначалничката Арсовска и од самата министерка.

„Реконструкција се одвиваат според законска процедура и според проектот кој Арсовска ни го предаде во документацијата, цитиран во Договорот потпишан од неа“, додава министерката која порачува дека нема да дозволи неуспшните политики и разочарувањето кај граѓаните од неработењето на Арсовска да бидат покривани со манипулации и лаги за Универзална сала, соопшти Министерството за култура.

Македонија

Ковачки: Со Платформата 1198 се обврзуваме на 1 милион евра за проекти во Зрновци

Со Платформата 1198 се обврзуваме на 1 милион евра за проекти во Зрновци за нов зелен пазар, изградба на брана на Морошка река и резервоар за водоснабдување во Видовиште.

И покрај опструкциите од централната власт со која се соочува нашиот градоначалник во општина Зрновци, продолжуваат да се реализираат проектите.

Со Платформата 1198 за општините предвидуваме 250 милиони евра од кои 1 милион ќе се слеат директно во општината Зрновци за нов зелен пазар, за изградба на брана на Морошка река. И секако изградба на резервоарот кај Видовиште.

Почитувани граѓани,

После промената на власта следува инвестициски бум во општините. Затоа ве повикувам сите заеднички да се сплотиме и обединиме на 8 мај да го заокружиме бројо 2 за промени и реформи во Република Македонија.

Драган Ковачки, носител на изборна единица 3

Центар за комуникации на ВМРО-ДПМНЕ

Шоу биз

Вилијам и Кејт објавија досега невидена фотографија

Принцот Вилијам и принцезата од Велс Кејт синоќа прославија 13 години брак, а по тој повод објавија досега невидена црно-бела свадбена фотографија.

На фотографијата Кејт ја носи познатата венчаница на Александар Меквин, дизајнирана од Сара Бартон, а Вилијам е во униформа на ирската гарда, пренесува Sky News. Кралската двојка се венча во Вестминстерската опатија на 29 април 2011 година и има три деца, Џорџ, Шарлот и Луис.

Вилијам и Кејт се запознале додека студирале на Универзитетот Сент Ендрус во Шкотска и биле заедно околу 20 години. Минатиот месец принцезата од Велс објави дека се лекува од рак и му се заблагодари на сопругот за поддршката што и ја пружал во „многу тешките месеци за нашето семејство“, потсетува Танјуг.

Шоу биз

Јелена Карлеуша за бракот со Душко Тошиќ: Ситуацијата е очајна долго време

Контроверзната српска пејачка Јелена Карлеуша повторно ја разбранува јавноста со коментар за бракот со екс фудбалерот а сега менаџер Душко Тошиќ.

Многумина не веруваат дека Јелена Карлеуша се уште е во брак со Душко Тошиќ, а таа сега ги откри деталите од нивниот заеднички живот.

- Луѓето се шокирани кога велам дека сè уште сме во брак. Сите мислеа дека сме разведени, но не сме. Сите мислат дека не живееме заедно, но живееме. Ситуацијата е очајна долго време, затоа што јас не сум човек што лаже.

Жал ми е за тоа, бидејќи верувам дека јас и Душко никогаш не смееме да бидеме некој што се гледа низ каков било нишан - изјави Карлеуша за Курир. рс.

Таа исто така додаде: - Тој е татко на моите деца и член на моето семејство. Го сметам за најблизон и за него би направила се, би застанала пред куршум би им се спротивставила на десет луѓе за него би направила се, истакнала популарната пејачка.

- Воопшто не размислувам за темата љубов и тоа дека сега треба да почнам од почеток, но знам дека заслужувам љубов. Некој да ме гушне, да ме сака, да каже некој убав збор... Тоа одамна го немам. Знам дека заслужувам, но не можам да кажам дека ми недостига, бидејќи сум целосно замрзната на таков начин на живот,сега сум како машина - раскажала Карлеуша во интевјуто, која потоа отркила кога последен пат сопругот Душко ја прегрнал и и кажал убав збор.

-Поминаа години, повеќе од пет години не сме во тие односи. Сето тоа го заменив со она што го црпам од моите деца, Атина и Ника. Привлекувам емоции, внимание, убави зборови и комплименти од моите обожаватели. Затоа им се давам многу, бидејќи немам љубов во приватниот живот. Можам да бидам среќен со себе, не ми треба друга личност за да бидам среќен. Друга личност не ме прави целосна, ниту моите потреби се врзани за друга личност. Среќата ја наоѓам во разни ситуации и ситници. Мојата среќа не зависи од тоа дали некој маж ќе ме сака или не, заклучила Карлеуша.