Фудбал

„Барселона“ објави приходи од речиси една милијарда евра

Раководството на „Барселона“ ги објави финансиските резултати од претходната кампања и тие покажуваат дека клубот е во одлична економска состојба.

Каталонците објавија дека нивниот приход за финансискиот период кој завршува на 30 јуни 2018 година, и покрива една година, бил 914 милиони евра. Ова е светски рекорд во фудбалот.

Очекувањата на шпанскиот шампион се до две или три години да заработат над една милијарда евра во една сезона. Таква цел си поставиле управните тела на клубот.

Од овие 914 милиони евра, биле потрошени 882 милиони евра, а нето добивката за „Барселона“ изнесувала 13 милиони евра. Инаку, бруто добивката пред оданочување и други давачки изнесувала 177 милиони евра минатата сезона.

На денот кога клубот ги објави рекордните финансиски резултати, директорот на одделот за маркетинг на каталонците Мануел Аројо поднесе оставка. /МИА

Свет

Генералштаб на Украина: Русите интензивно напаѓаат во правец кон Бахмут и Авдеево

Во изминатите 24 часа руските сили интензивно напаѓаа во правец кон Бахмут и Авдеево, соопшти Генералштабот на вооружените сили на Украина.

Наведено е дека во изминатиот ден се регистрирани 115 конфликти.

Според украинскиот Генералштаб, 33 руски напади биле одбиени на правецот Бахмут, а 24 на правецот Авдеевски.

Се додава дека повеќе од 110 населени места во Чернихив, Суми, Харков, Луганск, Доњецк, Запорожје, Дњепропетровск, Херсон и Николаев биле под артилериски оган од руските сили.

Македонија

Приведен грчки државјанин поради давање поткуп

На граничен премин Табановце вчера околу 13 часот полициски службеници лишиле од слобода 49 годишен Грк поради сомнение за сторено кривично дело „давање поткуп“, соопштиј а од МВР.

- При пасошка и гранична контрола на возилото „Форд“ со германски национални ознаки, кое го управувал, тој во својата патна исправа ставил пари како поткуп. Парите биле одземени со потврда за одземени предмети, а лицето било предадено на полициски службеници од СВР Куманово за понатамошна постапка, се појаснува во соопштението.