Внукот, кој сега има 23 години и беше осомничен за убиство на својот вујко, добил осум години малолетнички затвор. После пресудата “фаталната вујна“ заплакала и се прекрстила, а момчето не се ни појавило.
Инаку, Слаѓана Новоселник обвинета е дека во јули 2011 година во Врисник на Хвар го наговорила внукот, кој тогаш имал 17 години и со кој била во љубовна врска, да го убие нејзиниот сопруг Домагој, поради што поедини медиуми ја нарекоа “фаталната вујна“.
Прво и двајцата тврделе дека Домагој извршил самоубиство, но потоа истрагата покажала поинаку, внукот прво ја презел вината,а после некое време ја обвинил и вујната. На првото судење на судот во Сплит, неправосилно е осудена на 22 години затвор, а внукот добил 10 години, што била максималната казна за малолетник. Врховниот суд пресудата ја укинал со образложение дека не е доволно добро докажано дека Слаѓана го наговорила внукот да го изврши убиството.
Повтореното судење внукот го дочекал на слобода, кога му истекнал притворот, а после него на слобода се нашла и вујната. Внукот во меѓувреме се оженил и станал татко.
Инаку, љубовта меѓу внукот и вујната траела и додека биле во притвор во Сплит.
„Ти знаеш дека овде стојам невина. Ти си љубовта на мојот живот“ – му пишувала Слаѓана на внукот. Писмата му ги оставала под камен во затворската просторија за шетање пред чуварите да ги откријат.