Македонија

Меѓаши: 307 дојави за проблеми со ментално здравје, повреди и семејни односи кај младите

За 2 месеци 10 деца со самоубиствени мисли побарале помош на телефонот за деца и млади Ало бушавко. Минатата година биле реализирани 307 дојави од 379 деца на возраст од 7 до 15 години.

Од Меѓаши посочуваат дека иако е добро што децата се охрабруваат да побараат помош, предупредуваат дека ова се алармантни бројки за кои институциите треба што поскоро да интервенираат.

-Министерството за здравство и министерството за образование и наука конечно треба сериозно да ја сфатат пораката. Со наша поддршка и со поддршка од комората на психолози да направат протокол, упатство, прирачник, насока како стручните служби, наставниците, воспитувачите во градинките и секаде каде што децата престојуваат да соодветно постапат за да не се случи да се одземе детски живот заради негрижа на институциите,-Драги Змијанац – извршен директор на Меѓаши.

Со оглед на тоа што адолесенцијата е период на драстични физиолошки и хормонални промени, психологот Јорданка Трајкоска објаснува дека секој човек може да помогне на својот најблизок во спечување на самоубиствените мисли преку морална поддршка, изкажување на љубов и чувство на припадност. Според неа клучно е и препознавато на предупредувачките знаци дека некој има суицидни мисли.

-Многу честото споменување дека сака да се убие, дека сака да даде рабои коишто му значат, се повкелува во себе, од пријатели од роднини, прави промени во сопственото однесување и во исхраната и во спиењето и во дружењето. Мит е дека ако зборуваме за самоубиството ќе потикнеме самубиство, напротив така ја кршиме стигмата и табуто, треба да се зборува,-Јорданка Черепналкова Трајкоска– психолог.

Најчестите причини за кои децата се обратиле и побарале помош на бројот на Ало Бушавко се однесуваат на ментално здравје, повреда, семејни односи и пристапност. Децата најчесто бараат помош за проблеми со гнев, страв, вознемиреност, емоционално и физичко насилство, проблеми со пристап до образование и до здравствена заштита.

Свет

Почина Марија, највисоката жена на светот- прогласена е тридневна жалост

Марија Фелисијана дос Сантос починала на 77-годишна возраст во Бразил, која на светот му станала позната по рекордната висина од 2,25 метри кога имала само 23 години.

Од 1960-тите, таа го доби прекарот „кралица на височината“.

Таа била примена во болница минатиот понеделник каде ѝ била дијагностицирана пневмонија и починала од компликации на срцето.

Марија е родена во Ампаро во Сан Франциско и го поминала животот во различни циркуси каде настапувала и ги воодушевувала луѓето со својот изглед.

Во мај 2022 година, статуа била посветена на Марија на влезот во Museu de Gente Sergipana.

Сантос многу години се сметала за највисоката жена во Бразил и во светот, пред да почне да се намалува како што стареела.

По нејзината ненадејна смрт, градоначалникот на Аракаху Едвалдо Ногеира прогласил тридневна жалост и ѝ оддаде почит на поранешната кошаркарка и пејачка.

Автомобилизам

Хаос во автосалон: Кинески електричен автомобил „ги збриша“ посетителите (ВИДЕО)

Екстремно непријатна ситуација за кинески производител.

Како по правило, со напредокот на технологијата, се подобрува и безбедноста на учесниците во сообраќајот, но понекогаш класичните решенија изгледаат далеку подобри. Најдобар пример за ова е системот за палење без клуч, кој понекогаш може да резултира со опасна ситуација.

Додадете на тоа екстремно агилен и тивок електричен погон и маса луѓе, а несреќата е само прашање на време. Токму тоа се случило на меѓународната изложба на возила со нова енергија во Нанџинг.

На настанот што се одржал минатиот месец, Zeekr го изложиле автомобилот Extreme Krypton X, кој поради непочитување на безбедносните правила во еден момент почнал неконтролирано да се движи. За време на несреќата повредени се пет посетители, меѓу кои и едно дете, а сите се хоспитализирани.

Според последните информации, до несреќата дошло бидејќи автомобилот не бил деактивиран во таканаречениот Exhibition mode. Бидејќи клучот бил доволно блиску до автомобилот, еден од посетителите случајно го активирал возењето и го придвижил автомобилот напред, удирајќи во неколку посетители и два автомобили.

Претставниците на производителот ја презедоа одговорноста и преку официјални канали се извинија, нагласувајќи дека во иднина ќе бидат повнимателни при изложување на автомобилите.

Автомобилизам

Во Германија со 100.000 евра се казнува доколку миете автомобил во својот двор

Посетата на автоперална може да биде прилично скапа на долг рок.

Според извештајот на Германската автомобилска фондација за 2019 година, околу 40 отсто од возачите ги мијат своите автомобили еднаш месечно, а речиси три четвртини од нив ги користат услугите на перална за автомобили по цена од 11 евра по перење, што е околу 130 евра годишно.

Ако сакате да заштедите пари и да го миете автомобилот сами дома, може да се соочите со големи казни, според списанието Fenix.

Самото миење на автомобилот може да биде забрането, а во зависност од сојузната држава, може да бидете казнети до 100.000 евра. Ова се должи на таканаречениот Закон за водни ресурси (WHG), кој забранува употреба на токсични материи или оние кои ја загадуваат водата во подземните води со цел да се спречи загадување на водата (член 48 WHG).

При перење автомобил на приватен имот, мора да се спречи можноста нечистата вода да навлезе во земјата. Затоа, обично е забрането миење автомобил со хемиски средства за чистење во вашиот двор.

Бидејќи законодавството не предвидува единствени регулативи, спроведувањето на барањата за WHG е оставено на самите општини. Додека во некои заедници е дозволено миење автомобили со чиста вода, во други е забрането поради можноста од контаминација на водата со остатоци од масло, пишува списанието Феникс.

Во зависност од државата, прекршувањето на Законот за водни ресурси може да резултира со високи казни. На пример, казната за загадување на подземните води со големи количини на други течности кои ја загадуваат водата во сојузната покраина Саксонија е до 100.000 евра.

Доколку планирате сами да го миете автомобилот, задолжително проверете однапред во канцеларијата за комунални регулативи во дотичната општина или однесете го автомобилот на чистење во перална за автомобили.