Македонија

Потпишан договорот за финансирање на Центарот за развој на Скопскиот плански регион за 2019

Скопскиот плански регион нема извори на финансирање, како и сите други плански региони, па така зависи од поддршката на Министерството и на општините кои се дел од овој регион.

Министерството за локална самоуправа денеска со градоначалниците на општините од Скопскиот плански регион потпиша договори за поддршка, покривање на оперативните трошоци, тековните активности за годинава и за финансирање проектите со кои единиците на локални самоуправи ќе можат да аплицираат следната година до ресорното Министерство.

– Скопскиот плански регион нема извори на финансирање, како и сите други плански региони, па така зависи од поддршката на Министерството и на општините кои се дел од овој регион. Секоја година Министерството одделува средства, така и оваа година. Покрај тоа, годинава Министерството ги зголеми средствата за поддршка на рамномерниот регионален развој од 3,5 милиони евра од 2017 година на седум милиони евра оваа година кои се доделени на планските региони, изјави денеска министерот за локална самоуправа Горан Милевски.

Тој додаде дека првпат годинава имало повеќе проекти од колку што имало средства.

Милевски информира дела во моментов работат на измени на Законот за рамномерен регионален развој.

– Министерството за локална самоуправа во Скопскиот плански регион годинава инвестира 30 милиони денари за финансирање различни проекти за регионален развој, за развој на селата и за специфични подрачја, како ридско планински, погранични подрачја, рече Милевски.

Претседателот на Советот за развој на Скопски плански регион и градоначалник на Општина Гази Баба, Борис Георгиевски информира дека е почната реконструкцијата на регионалниот пат Илинден – Хиподром. Меѓу проектите се и улицата „Рилски конгрес" во Општина Центар, потпорен ѕид и канал во село Сингелиќ, проектни документации за водоснабдување на Општина Арачиново и проекти со ревизија кои се однесуваат на општините Чаир, Шуто Оризари и Бутел.

– Средствата од околу 30 милиони денари ни најмалку не се доволни за задоволување на потребите на сите 17 општини и Град Скопје, но имаме тенденција да побараме и други доплнителни извори за финансирање со цел регионален рамномерен развој, рече Георгиевски.

Тој додаде дека иако Скопскиот плански регион важи за еден од најразвиените, сепак има приградски општини кои имаат инфраструктурни проблеми, како Чучер Сандево, Петровец, Зелениково, Арачиново, Студеничани и Сопиште.

Претседателот на ЗЕЛС и градоначалник на Град Скопје, Петре Шилегов изјави дека потребно е во претстојниот период општините да работат заеднички и треба да се преземат мерки кои се однесуваат на загадувањето на воздухот.

Според него, за изворите на загадувањето не треба да се фокусираме само на центарот на градот, туку и на останатите скопски општини. Шилегов најави дека ќе бара преку Скопскиот плански регион и Министерството за локална самоуправа да се преземат сериозни мерки за подобрување на условите на живот.

Свет

Почнува втората фаза од парламентарните избори во Индија

Денеска во Индија почна втората фаза од гласањето на најголемите избори во светот.

Денеска во Индија почна втората фаза од гласањето на најголемите избори во светот, додека актуелниот премиер Нарендра Моди и неговите ривали се фокусираат на горливите прашања како што се верската дискриминација, позитивната дискриминација на обесправените групи и даноците. Речиси една милијарда луѓе имаат право да гласаат на парламентарните избори во Индија.

Индиските 5-неделни парламентарни избори денеска влегоа во нивната втора фаза со гласање во 4 држави во североисточниот дел на земјата. Безбедносните мерки се на зголемено ниво заради спречување на обидите на вооружени сепаратисти или племенски групи да го нарушат гласањето.

Владејачката Индиска конгресна партија и партијата на Хинду националистот Баратија Џаната предводат коалиции од помали и регионални партии.

Изборите ќе се одржат во 10 фази и треба да завршат до 12 мај. Пребројувањето на гласачките ливчиња ќе трае до 16 мај, кога се очекуваат и првите резултати.

Во петте недели право на глас имаат околу 815 милиони луѓе.

Фудбал

Саудиски „Арамко“ нов глобален партнер на ФИФА

Саудискиот нафтен гигант „Арамко“ ќе биде главен глобален партнер на Меѓународната фудбалска федерација (ФИФА) заклучно со крајот на 2027 година, соопшти ФИФА.

Македонија

Најстудено во Лазарополе, најтопло во Дојран

Најстудено утрово е во Лазарополе -2 степена, -1 степен е измерен на Попова Шапка, еден во Маврови Анови, Битола, Крушево и Тетово.

Најстудено утрово е во Лазарополе -2 степена, -1 степен е измерен на Попова Шапка, еден во Маврови Анови, Битола, Крушево и Тетово, два во Крива Паланка, Прилеп, Охрид и Претор, три во Берово, четири во Струмица, Виница, Штип, Скопје-Петровец и Скопје-Зајчев Рид, пет во Велес и Демир Капија, шест во Кавадарци и Гевгелија, а 10 степени во Дојран.

Управата за хидрометеоролошки работи информира дека во изминатите 24 часа најмногу дожд наврнало на Попова Шапка со седум литри на квадратен метар, пет во Тетово, четири во Пожаране, Крива Паланка и Крушево, три во Охрид, два во Прилеп, Виница, Маврови Анови и Претор и еден литар на квадратен метар во Лазарополе, Демир Капија, Берово, Штип, Кавадарци, Гевгелија, Велес, Битола, Ѓуриште.

Во текот на ноќта и изутринава времето е претежно ведро со мала до умерена локална облачност.

Утрово во крајните западни и источни делови има појава на умерена облачност, а наместа долж речните долини има појава на магла. Дуваше слаб до умерен ветер претежно од северен правец.

Времето денеска ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец.

Максималната температура ќе биде во интервал од 16 до 23 степени. Во Скопје сончево со мала до умерена облачност и со слаб ветер од северозападен правец.