Фудбал

Барселона одби 200 милиони долари за Џамал

Претседателот на фудбалскиот клуб Барселона, Жоан Лапорта изјави дека клубот одбил понуда од 200 милиони евра за Ламин Џамал.

На почетокот на октомври 2023 година, младиот шпански фудбалер го продолжи договорот со Барселона до летото 2026 година.

- Имаме доверба во тимот што го имаме во моментов, не сакаме да потпишуваме со играчи кои би можеле да ни ја нарушат хармонијата. Не ни требаат големи засилувања, не гледаме потреба од инвестиции кои би можеле да го оштетат она што го градиме, а тоа е избалансиран тим. Не сакаме да продаваме големи имиња. Ако сѐ оди според планот, нема да бидеме принудени да продаваме ниту еден играч - изјави Лапорта за Мундо депортиво.

Тој додава дека клубот одбил понуда од 200 милиони евра за Ламин Џамал и дека Барселона не е под притисок да продава играчи.

- Напротив, ние сме во процес на економско закрепнување и навистина можам да ја видам светлината на крајот од тунелот. Добивме понуди и за Балде, Фермин, Гави, Педри, Де Јонг, Араухо, но не сакаме да ги продадеме. Само од споменатите имиња би имале приход од една милијарда евра. Мислам дека и Кансело и Феликс ќе останат во Барса и следната сезона. Се надевам дека Атлетико нема да биде проблем, Сити исто така. Тоа ќе биде продолжување на кредитот со фиксна куповна цена - заклучил Лапорта.

Македонија

Расистички навреди кон Нико Вилијамс

Напаѓачот на Атлетик Билбао, Нико Вилијамс, беше цел на расистички навреди од трибините на натпреварот против Атлетико Мадрид во 33. коло од шпанската Ла Лига.

Дваесетиедногодишниот Шпанец го постигна единствениот гол за баскискиот клуб кој ги загуби натпреварот со 3-1.

„Не е нормално да те навредуваат поради бојата на кожата. Знам дека насекаде има глупави луѓе, но ова треба да се промени. Играчите на Атлетико ме поддржаа и разбираат дека е неприфатливо да се пуштаат мајмунски звуци за време на натпревари“, изјави Вилијамс, цитиран од шпанските медиуми.

Вилијамс оваа сезона забележа 32 настапи во сите натпреварувања за Атлетик, постигнувајќи шест голови, а запиша и 14 асистенции.

Здравје

На пролетен фестивал во Германија, повеќе од 800 луѓе се заразиле со стомачен грип

Повеќе од 800 луѓе се заразиле со норовирус (стомачен грип) на пролетниот фестивал во Штутгарт, град во југозападна Германија, јави Би-Би-Си.

Не е познато како се шири вирусот, но бројот на заразени значително се зголеми во текот на неделата.

Претставниците на властите во Штутгарт веруваат дека изворот на инфекцијата не е храната и пијалоците кои се служат во фестивалскиот шатор, бидејќи анализираните примероци биле негативни.

Тестирани се и персоналот, како и садовите и водата што се користат за миење.

Градскиот здравствен институт смета дека вирусот се пренесувал од човек на човек, преку капки, иако не се знае кој го донел вирусот - посетител или вработен.

Посетителите набрзо се пожалиле на повраќање, дијареа и гадење.

Градските здравствени власти објавија дека до петок, 26 април, биле заразени 815 лица. Пролетниот фестивал на падините на реката Некар започна на 20 април и ќе трае 23 дена.

Живот

Барнли го осуди навивачкото скандирање за трагедијата во Минхен

Раководството на премиерлигашот Барнли го осуди однесувањето на дел од своите навивачи кои за време на саботниот натпревар против Манчестер Јунајтед скандираа навредливи пораки за трагедијата во Минхен во 1958 година.

Раководството на премиерлигашот Барнли го осуди однесувањето на дел од своите навивачи кои за време на саботниот натпревар против Манчестер Јунајтед скандираа навредливи пораки за трагедијата во Минхен во 1958 година, во која, меѓу другите, загинаа осум фудбалери на Јунајтед.

Во саботата Барнли успеа да освои бод против Манчестер Јунајтед на „Олд Трафорд“ (1:1), а на социјалните мрежи се појави видео на кое може да се забележат скандирања и недолични гестови меѓу навивачите на Барнли во врска со трагедијата во Минхен.

„Гестовите и скандирањето во врска со трагедијата е целосно неприфатливо однесување и фудбалскиот клуб Барнли не го толерира. Ќе работиме со полицијата и Манчестер Јунајтед за да помогнеме во идентификувањето и кривичното гонење на одговорните лица“, се вели во соопштението на Барнли, пренесе Би-Би-Си. (ББЦ).

Во авионска несреќа во Минхен во 1958 година, загинаа 23 лица, меѓу кои и осум фудбалери на Манчестер Јунајтед.