Свет

Британците ќе се вакцинираат и со трета доза, се размислува со која вакцина

Британските власти разгледуваат кои вакцини против ковид-19 ќе обезбедат најдобра заштита за ранливите луѓе подоцна оваа година, но одлуката сè уште не е донесена, изјави денеска министерот за вакцини Надхим Захави.

Велика Британија е втора земја во светот според стапката на вакцинација на населението против ковид-19, а најмалку половина од возрасната популација ја примила првата доза.

Владата сега размислува за трета доза за вакцинирање на постари и ранливи групи на есен, откако возрасната популација ќе добие втора доза.

„Лекарите сè уште не одлучиле дали да се посветат на тоа за да обезбедат поголем имунитет за најранливите или да ја зголемат трајноста на заштитата или да бараат варијанти“, изјави Захави за Скај Њуз.

На прашањето дали луѓето постари од 50 години би добиле дополнителна засилена доза, Захави повтори дека сè уште не донеле одлука.

Минатата недела, службеникот за јавно здравје на Англија изјави дека секоја зголемена програма за заштита ќе се заснова на потребата да се заштити од варијантите на коронавирус.

Како што коронавирусот мутира и се појавуваат нови, многу позаразни варијанти, како што се оние од Јужна Африка и Бразил, предизвикот за експертите е дали постојните вакцини ќе бидат подеднакво ефикасни против нив.

За да се зголеми интензитетот на истражувањето на вакцините против новите варијанти, Велика Британија најави дополнителни 30 милиони фунти за истражувачката лабораторија во Портон Даун.

Кога ќе заврши, таа лабораторија ќе може да тестира 3.000 примероци на крв неделно за да открие антигени кои произведуваат вакцини.

Владата претходно издвоила 30 милиони фунти за зголемување на капацитетот за испитување на примероците од крв од 700 на 1.500 неделно до јануари 2022 година.

Министерот за здравство Мет Хенкок рече дека инвестицијата треба да и обезбеди на Велика Британија подобра заштита од заканите од нови варијанти на вирусот.

Фудбал

Рома и Лацио заинтересирани за Матип

Дефанзивецот на Ливерпул, Жоел Матип би можел да ја продолжи кариерата во Италија, пренесува денеска весникот Кориере дело Спорт.

Според изворот, за услугите на 32-годишниот Камерунец се заинтересирани градските ривали Рома и Лацио.

Матип би можел да ја смени клупската средина ова лето.

Сезонава Матип одигра 14 натпревари за Ливерпул.

Живот

Лазаровите каланди одекнаа во Скопје

Голем број дечиња, заедно со своите родители, како и професионални музичари, со пеење придружено од традиционални музички инструменти и со гранчиња во рацете, тргнаа од Плоштад „Македонија“ и се упатија кон Градскиот Трговски Центар.

За првпат во главниот град на Републиката, а по пример на минатогодишниот празничен настан во Кичево кој беше организиран од хорот „Митрополит Козма Пречистантски", и оваа година во градот Скопје се одржа свечена празнична поворка по повод празникот на Лазаревото Воскресение (Лазарева Сабота).

Голем број дечиња, заедно со своите родители, како и професионални музичари, со пеење придружено од традиционални музички инструменти и со гранчиња во рацете, тргнаа од Плоштад „Македонија“ и се упатија кон Градскиот Трговски Центар, како и во Diamond Mall, каде имаа музички настап со кој беа восхитени сите присутни.

Поворката беше поддржана од сите случајни минувачи кои со нескриена радост и воодушевување и се приклучуваа.

Пеењето на најрадосните каланди, кое се случи не само во Скопје, туку и во Кичево и Реканскиот крај, најсоодветно и во православен дух го најави Празникот над Празниците - Воскресението Христово.

Македонија

Филипче : Отворам канцеларии за комуникација со граѓаните во Прилеп, Кавадарци и Струмица

Носителот на СДСМ и коалицијата во изборната единица четири, Д-р Венко Филипче, денес беше во Прилеп каде на ноза средби со граѓани ја образложи програмата на СДСМ и начинот на кој тој и пратениците од оваа изборна единица ќе работат.

Филипче рече дека од стотиците средби кои ги имал до сега, граѓаните јасно бараат полесен пристап до пратениците и слух за нивните барања, кои потоа ќе се преточат во конректни политики.

„Многу луѓе велат дека политичарите ги бараат само кога им е потребен нивниот глас, а потоа никаде ги нема. Граѓаните бараат да бидат слушнати, но и конректни механизми да влијаат врз пратениците кои ги бираат. Јас и пратениците од листата на СДСМ кои ќе бидеме во Собранието ова ќе го овозможиме. Како поранешен министер, сите политики ги носев во блиска координација со здруженијата на пациенти и колегите здравствени работници. Како пратеник тоа ќе го правам со граѓаните кои ќе ни ја дадат довербата на избори. Оние кои ги претставуваме треба да бидат директно вклучени и слушнати во процесот на креирање на политики“ - истакна Филипче.

Тој планира да ја смени целосно перцепцијата за пратеникот и улогата кој тој ја има преку сосема нов начин на работа и комуникација со луѓето кои ќе ги претставува. Филипче најави отворање на канцеларии во секоја поголема општина, во прва фаза Прилеп, Кавадарци и Струмица.

„Ако денес сум ви ветил дека ќе останам вака достапен како во камапњата и после изборите, тоа ќе го исполнам, а тоа ќе го исполнат и другите пратеници од оваа листа. Ќе отвориме канцеларии во сите поголеми градови каде редовно јас, но и другите пратеници ќе имаме средби со вас и ќе подготовуваме решенија за вашите барања. СДСМ е партија на граѓаните, а не салонско здружение и како таква ќе се однесува“ - рече Филипче.

Со почит,

Скопје, 27 април 2024