Живот

Дарвин дефинитивно протеран од часовите по биологија во Турција

Како што средношколците во Турција се вратија од распустот, така Чарлс Дарвин беше упадливо отсутен од часовите по биологија.

На часовите по веронаука во основните училиште, учителите промовирале ненасилно значење на зборот џихад – “да се бориш“ – како “љубов спрема татковината“.

А можеби и најважно во земјата во која насекаде можете да го видите портретот на Мустафа Кемал Ататурк, творецот на модерната турска држава, и спомнувањето на Ататурк во училиштата се намалува.

Во мнозински муслиманската земја која долго е поларизирана на религиозното мнозинство и секуларното малцинство, критичарите изјавуваат дека од 170 лекции од курикулумот – за што е одговорна владата на претседателот Реџеп Таип Ердоган – може да се посматра како фронтален напад на кревката традиција на секуларизмот во оваа земја.

Промените доаѓаат во време на засилени тензии меѓу Турција и нејзините западни сојузници, откако Ердоган грубо се пресмета со противниците, после неуспешниот воен пуч од минатата година. Новиот курикулум овој дел од турската историја го нарекува “легендарна, херојска приказна3.

„Ова не е ништо друго, туку револуција со која треба да се промени јавното образование и да се обезбеди доминантност на конзервативниот, верскиот поглед на светот“ – изјави Сонер Кагаптај, директор на истражувањето за Турција на институтот Вашингтон за политиката на Блискиот исток.

Голем број на политичари ги критикуваа промените. Школскиот систем на Турција, која одамна се гордее со секуларна едукација, дојде под лупа на властите после неуспешниот пуч од 15 јули 2016 година. Кулминираше после отпуштањето на повеќе од 33.000 учители и затворањето на повеќе училишта.

Во исто време, происламсата владејачка странка на Правдата и развојот, го зголеми бројот на верските училишта, таканаречените имам хатип, и ја промовираше целта на Ердоган да се израсне генерација на “побожни“ Турци.

GettyImages





























По новите промени, еволутивниот концепт како што е природната селекција ќе бидат отстранети од школските учебници, а тоа се однесува и на било какво спомнување на Дарвин, англискиот натуралист со чија теорија стана се присутна на часовите на биологија ширум светот.

Исмет Јилмаз, министерот за образование, ги пофали измените на школските учебници. Тој изјави дека тоа била неопходна корекција кој ќе го истакне образованието засновано на вредности. Еволуционата биологија, како што кажува тој, едноставно е претешка за средношколците, и ќе биде префрлена да се изучува на универзитетите.


Институтот Импакт од Ерусалим кој анализираше 117 учебници од Турција, соопшти дека курикулумот вклучува човекови права и дека е отворен спрема еволуцијата, еднаквост на половите, заштитата на животната средина, сочувствувањето со пациентите кои имаат сида, како и со различните животни стилови. „Турските деца во моментов се учат да ја ценат западната цивилизација“.

Но, Али Хај Кохен Јанарочар, автор на студијата изјави дека новите промени покажуваат дека “Турција ги менува своите права и веќе не е западна држава“.

Свет

Хаос на аеродромите во Британија: Заглавени илјадници патници поради компјутерска грешка(ВИДЕО)

Аеродромите низ Велика Британија се во хаос откако сите порти беа затворени поради компјутерска грешка кај граничните служби.

Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите, пишува Дејли мејл.

Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.

Персоналот на Хитроу, наводно, им рекол на патниците дека ова е национален проблем.

Една патничка изјавила за Дејли Мејл дека чекала во ред цел час, а персоналот на аеродромот почнал да дели вода.

Таа додаде дека на луѓето им било кажано дека аеродромот работи на алтернатива за проверка на документите на патниците.

Свет

Хамас планира да предаде 33 заложници, некои од нив се мртви

Хамас планира да ги предаде останките на неколку заложници кои се меѓу 33-те за кои велат дека ќе бидат ослободени во првата фаза од предложениот договор за прекин на огнот.

Во извештајот, во кој се цитираат две лица блиски до преговорите за договорот, се вели дека Хамас ги информирал посредниците дека не се сите живи оние што требаше да бидат ослободени, пишува Њујорк Тајмс.

Се очекуваше во првата фаза да бидат ослободени жени, деца, стари и болни лица, потсетуваат израелските медиуми.

Израел претходно инсистираше да се ослободат само живите заложници во таа фаза и се согласиле со помалку од 40-те луѓе што првично ги барале, со разбирање дека сите што требало да бидат ослободени се живи. Хамас синоќа соопшти дека го прифатиле договорот предложен од посредниците. Израел, пак, оцени дека договорот е многу различен од она на што се согласила земјата.

Претставници на Хамас рекоа дека првата фаза од договорот ќе вклучува 42-дневно примирје и ќе ослободат 33 израелски заложници во замена за голем број палестински затвореници кои се чуваат во израелските затвори.

Кабинетот на израелскиот премиер Бенјамин Нетанјаху оцени дека понудата на Хамас не ги исполнува основните израелски барања, но најави дека ќе испрати преговарачи да продолжат со преговорите со американските, египетските и катарските посредници.

Се верува дека уште 128 заложници се држат во Газа, од околу 250 киднапирани во нападите на палестинските екстремисти предводени од Хамас на 7 октомври минатата година, но не се знае дека сите се живи. За време на еднонеделниот прекин на огнот на крајот на ноември минатата година беа ослободени сто и пет цивили, а пред тоа четворица.

Тројца живи заложници беа ослободени од војниците, а телата на 12 од нив беа пронајдени, меѓу кои и тројца кои војниците по грешка ги убиле.

Израелската војска ја потврди смртта на 35 заложници кои сè уште ги држи Хамас, повикувајќи се на нови разузнавачки информации од војниците кои дејствуваат во Газа.

Свет

Австралискиот превозник Квантас продавал билети на откажани летови- 100 милиони долари казна

Qantas постигнал договор со австралиската влада за надзор на потрошувачите да плати повеќе од 60 милиони долари казни за продажба на билети на откажани летови.

Превозникот, исто така, се обврзал на дополнителна компензација за патниците на кои им продавале билети за „непостоечки“ летови.

Qantas и Австралиската комисија за конкуренција и потрошувачи (ACCC) спогодбено ги решија судските постапки кои се во тек од август минатата година. ACCC започнале правна битка против Qantas за рекламирање и продажба на билети за летови откажани од авиокомпанијата.

Комисијата тврди дека Qantas продал билети за повеќе од 8.000 летови помеѓу мај и јули 2022 година, во просек две недели, а во некои случаи и 47 дена по нивното откажување, пренесува Aero Time.

Најголемата австралиска авиокомпанија во октомври минатата година соопшти дека биле направени одредени грешки, но дека ACCC „ја игнорира реалноста на авиоиндустријата“. Авиокомпанијата ги отфрли тврдењата дека продавала билети за т.н. непостоечки летови.

По неколку месеци расправија, двете страни конечно постигнаа пријателско решение. Qantas вчера објави дека се согласиле да платат 100 милиони австралиски долари или 66 милиони американски долари казна.

Превозникот ќе им исплати и надомест на патниците во износ од 225 до 450 австралиски долари (150 до 300 американски долари) покрај парите што веќе им ги вратиле за откажаните летови. Во соопштението на Qantas се вели дека компензација во вкупна вредност од 13 милиони долари ќе биде исплатена на повеќе од 86.000 патници.

Извршниот директор на Qantas Group, Ванеса Хадсон, им се извинила на патниците чие „известување за откажување на летот не пристигнало навреме“, признавајќи дека авиокомпанијата не обезбедила соодветна поддршка на патниците.

притисни ентер