Македонија

Инспекторот кој пријави незаконски именувања на Тетовскиот универзитет на дисциплинска комисија

По неколку часовна седница, дисциплинската комисија за просветниот инспекторот Илиевски заврши без конечна одлука.

Дали нивниот колега кој ги откри унапредувањата на министрите на Тетовскиот Универзитетот ќе одговара или не, ќе одлучи директорот на инспекторат, односно Томе Спировски кој што ја побара оваа постапка. Второстепена комисија го повторила надзорот во Универзитетот, констатирала дека е потребен нов надзор за унапредувањата на министерот за образование Адеми, заменик министерот за внатрешни Нухиу и директорот на заводот за индустриска сопственост.

Таква е процедурата, објаснуваат од инспекторатот. Ингеренциите се враќаат повторно кај раководителот кој има рок од една седмица.

Расправата се одвиваше без новинари. Најпрво со образложение дека не сме најавени, а потоа без објаснување рекоа не било дозволено ниту чекање во ходникот пред просториите. Преку обезбедувањето сите медиуми беа избркани надвор.

Според инспекторот Илиевски на овој начин се попречува транспарентноста на постапката. За случајот со новите научни звања на функционерите, водат постапка и антикорупционерите. Доколку Илиевски добие суспензија – најави дека ќе го тужи просветниот инспекторат.

Свет

Борел повтори дека Рафа не смее да биде нападнат

Го повика Израел да се вклучи во мировниот процес.

Високиот претставник на ЕУ за надворешна политика и безбедност Жозеп Борел денеска изјави дека партнерите на Израел и соседните земји имаат заеднички став дека градот Рафа на југот од Појасот Газа не смее да биде нападнат и ја повика израелската влада конструктивно да се вклучи во политичкиот мировен процес.

Борел на Х напиша дека меѓународната заедница, исто така, едногласно бара итно ослободување на сите заложници кои ги држи Хамас во Појасот Газа.

Тој истакна дека Израел не може да го уништи Хамас по цена на убиени илјадници палестински цивили и оти понатамошното раселување на повеќе од милион ранливи Палестинци би било „погубно“.

- Ја повикуваме владата на Израел да ги послуша повиците на меѓународната заедница и конструктивно да се вклучи во политичкиот мировен процес, наведе Борел. /МИА

Фудбал

Тухел го критикуваше Ким за примените головите на дуелот со Реал

„Беше премногу алчен и агресивен“.

Тренерот на Баерн Минхен, Томас Тухел го посочи Ким Мин за неговиот настап на натпреварот против Реал Мадрид.

Баерн вчеравечер одигра нерешено со мадридскиот клуб во првиот полуфинален натпревар од Лигата на шампионите (2:2).

- Тој двапати беше премногу алчен. При првиот гол против Винисиус премногу рано тргна во дуел па Тони Крос го искористи тоа со додавање. Вториот гол – за жал, тоа беше уште една негова грешка. Ние бевме петмина тие двајца. Немаше потреба да се брани толку агресивно против Родриго и без потреба направи пенал. Токму кога Ерик Дајер сакаше да помогне, Ким го фаулира Родриго. За жал, со оглед на квалитетот на противникот, овие грешки се казнуваат. Но, мораме да продолжиме понатаму, рече Тухел.

Реваншот во Мадрид е закажан за 8 мај. /МИА

Свет

Блинкен го посети Керем Шалом, преминот за хуманитарна помош меѓу Израел и Газа

Американскиот државен секретар Ентони Блинкен денеска го посети Керем Шалом, преминот за хуманитарна помош од Израел до Појасот Газа.

За време на посетата на Блинкен, десетина камиони чекаа да влезат во Појасот Газа додека неколку израелски тенкови беа паркирани во близина.

Посетата на американскиот државен секретар доаѓа во момент кога Израел изрази намера да изврши копнен напад врз Рафа, град на неколку километри од Керем Шалом, кој сега е дом на околу 1,5 милиони Палестинци, од кои огромното мнозинство се раселени поради војната. /МИА