Свет

Јункер: Западен Балкан повеќе се гледа во ЕУ, отколку нејзините членки

Претседателот на Европската комисија Жан-Клод Јункер денеска во Стразбур изјави дека земјите на Западен Балкан повеќе се гледаат во ЕУ, отколку нејзините членки.

Тој нагласи дека секој партнер од регионот мора да го продолжи својот реформски пат, посебно во областа на владеење на правото и основните слободи.

Потсетувајќи дека го посетил Западен Балкан пред неполни две недели, Јункер на пленарната седница на Европскиот парламент изјави дека тоа било незаборавно патување од многу причини, а најголем впечаток му оставиле страста и убедувањето во ЕУ, пренесува Европската комисија.

Јункер изјави дека тоа му го обновило чувството за надеж во регионот, ако “драматичен регион“ како Западниот Балкан е одлучен да се реформира од дното до врвот и да се приклучи на ЕУ, тогаш Унијата мора да биде достојна овој регион да биде дел од неа.
„Западниот Балкан јасно гледа во нас многу повеќе од тоа што ние гледаме во нашата Унија. Сакам да ја видам истата верба во нашата Унија ширум 27 членки“ – истакна Јункер.

Како што додаде, уште многу работи треба да се направат на Западен Балкан, сите билатерални конфликти мора да бидат разрешени и потребно е поголемо единство.


Јункер нагласува дека секој партнер од Западен Балкан мора да го продолжи својот реформски пат, посебно кога станува збор за владеењето на правото и основните слободи и вредности.

„Како што им реков на сите лидери во регионот, нема да има забрзување (на патот кон ЕУ). Ние ја ставаме суштината пред брзината. На секој случај ќе гледаме според заслугите без фиксни датуми или рокови“ – изјави претседателот на Комисијата.

„Сепак, се вратив од патот поуверен од било кога дека ова е нашата заедничка иднина. Станува збор за помирување на нашата историја и географија“ – додаде Јункер.

Како што напомена, тоа и причината ЕУ повеќе да се фокусира на посилна, подемократска и пообединета ЕУ.

Свет

Полицијата ги растера студентите пред елитната Сорбона на пропалестински протести (ВИДЕО)

Полицијата растера десетици демонстранти кои денеска кампуваа во дворот на Универзитетот Сорбона во Париз за да протестираат против војната во Газа, изјави тамошен студент.

Протестите се случија три дена по протестите на елитниот универзитет Сајнс По во главниот град и следеа антиконфликтни собири во кампусите низ Соединетите држави, објави Франс24..

„Имаме секаква причина, како на Јеил, Колумбија, Сајнсс По... да го осудиме она што го гледаме дека се случува“, рече студент, кој се претставил само како Леонард, на друг митинг пред влезот на Сорбона.

Универзитетот, еден од најстарите во светот, ги затвори своите згради за време на мирните протести. Студентите извикуваа „Слободна Палестина“ и ја повикаа институцијата да го осуди Израел. Вкупно 253 заложници беа заробени во напад на Хамас врз јужен Израел на 7 октомври. Според израелските податоци, членовите на Хамас во нападот убиле околу 1.200 Израелци.

Израел возврати со наметнување опсада на Газа и воздушен и копнен напад. Според здравствените власти во Газа, израелската војска убила најмалку 34.488 Палестинци во тие напади.

Неколку француски политичари, меѓу кои и Матилд Пано, која ја предводи левичарската група пратеници на ЛФИ во Националното собрание, ги повикаа поддржувачите на социјалните мрежи да се приклучат на протестите во Сорбона.

Шоу биз

Ева Лонгрија се сели во Европа- се вљубила во шпански град уште пред 20 години

Актерката Ева Лонгорија привремено се сели во Шпанија со сопругот Хозе Бастон и синот Сантијаго.

„Таа ќе помине многу време таму бидејќи има проекти за целата втора половина од годината“, изјави извор за Page Six. Тој забележува дека преселбата не е трајна.

Ева има шпанско државјанство и куќа во Марбела. Нејзиниот сопруг и таа купиле викендица таму на почетокот на 2023 година.

„Тоа е мојата оаза, мојот рај“, изјавила актерката за време на интервјуто за Hello! во јануари 2024. „Кога не сум тука, работам без престан“, додаде таа. Куќата е многу пространа и сите членови на нивното семејство доаѓаат таму на одмор.

"Тоа е викендица и доаѓаат мајка ми, сестрите и нивните деца. И, се разбира, има голема кујна", објаснила актерката. Таа ја купила куќата по пет години потрага по совршено место за одмор за нејзиното семејство.

„Првиот пат кога дојдов во Марбела, пред две децении, тоа беше љубов на прв поглед. Си реков: „Еден ден ќе живеам овде“, вели таа. Куќата во Беверли Хилс ја продаваат. Ја спуштиле цената од 22,8 на 19,9 милиони долари.

Свет

Почина Марија, највисоката жена на светот- прогласена е тридневна жалост

Марија Фелисијана дос Сантос починала на 77-годишна возраст во Бразил, која на светот му станала позната по рекордната висина од 2,25 метри кога имала само 23 години.

Од 1960-тите, таа го доби прекарот „кралица на височината“.

Таа била примена во болница минатиот понеделник каде ѝ била дијагностицирана пневмонија и починала од компликации на срцето.

Марија е родена во Ампаро во Сан Франциско и го поминала животот во различни циркуси каде настапувала и ги воодушевувала луѓето со својот изглед.

Во мај 2022 година, статуа била посветена на Марија на влезот во Museu de Gente Sergipana.

Сантос многу години се сметала за највисоката жена во Бразил и во светот, пред да почне да се намалува како што стареела.

По нејзината ненадејна смрт, градоначалникот на Аракаху Едвалдо Ногеира прогласил тридневна жалост и ѝ оддаде почит на поранешната кошаркарка и пејачка.

притисни ентер