Здравје

Како прескокнувањето на оброците влијае врз организмот?

Доколку не јадете редовно или појадувате доцна, му штетите на вашиот организам! Еве на која болест сте изложени според стручните лица!

Група шпански и француски истражувачи забележале дека оние кои појадуваат пред 8 часот, како и луѓето кои вечераат пред 22 часот, го намалуваат ризикот за развој на дијабетес тип 2 за 59%.

Ова истражување, објавено во „International Journal of Epidemiologists“, се спротивставува на една неодамнешна студија која укажуваше дека диетите во кои се пресконуваат оброци, особено диети во кои се прескокнува појадокот, го намалуваат ризикот од развој на неколку хронични болести, вклучително и дијабетесот, пишува Дејли Меил.

Ова истражување исто така е поврзано со одржување на пониско ниво на шеќер во крвта, што помага во согорувањето на мастите и го намалува ризикот од болести.

- Знаеме дека времето на оброците игра клучна улога во регулирање на биолошкиот ритам и контролата на гликозата и липидите, но многу малку студии ја истражувале врската помеѓу времето на оброкот или постот и заболувањето дијабетес тип 2 – вели д-р Ана Паломар-Крос, коавтор на студијата.

Тимот на истражувачи во овој процес вклучил преку 100.000 возрасни лица во овој процес, од кои 79 % жени. Не е јасно дали тие ги поседувале основните ризик фактори за дијабетес, како што се возраста и телесната тежина, но врз испитаниците била спроведувана онлајн анкета за тоа што јаделе и пиеле во текот на 24 часа во време од три неповрзани дена, како и времето кога јаделе.

Потоа, научниците направиле пресек на истражувањето за првите две години и го следеле здравјето на учесниците во следните 7 години. Во текот на студијата, регистрирани се околу 1.000 нови случаи на дијабетес тип 2. Откриено е дека ризикот за ова заболување бил зголемен за 59 % кај оние што појадувале после 9 часот, во споредба со оние кои појадувале пред 8 ч. Ова е доказ дека популарните диети, кои вклучуваат прескокнување на оброците, најчесто појадокот, може да бидат штетни за здравјето.

Дијабетес тип 2 е хронична состојба во која телото не произведува доволно инсулин или е отпорно на инсулин, хормон што го регулира нивото на шеќер во крвта. Додека се верува дека дијабетес тип 1 го предизвува автоимуна реакција и се развива порано во животот, дијабетес тип 2 се развива во период од неколку години под влијание на изменетите животни навики, промени во исхраната и телесната тежина.

Ова истражување директно се спротивставува на неодамнешните студии кои покажаа дека прескокнувањето на оброците може да ја намали веројатноста за развој на дијабетес.

Свет

Градоначалникот на Киев ја повика владата да вложи повеќе напори во борбата против корупцијата

 Градоначалникот на Киев Виталиј Кличко ја обвини украинската влада дека прави премалку во борбата против корупцијата во земјата, јави ДПА.

Кличко даде интервју за германски медиуми од групата Функе, кое беше објавено денеска. Запрашан дали владата е на вистинскиот пат во својата борба против корупцијата, тој одговори: „Можете да го поставите тоа прашање на секој граѓанин и сигурен сум дека тој ќе одговори со не“. Кличко изјави дека и тој е „на истото мислење“.

Украинскиот претседател Володимир Зеленски постојано најавуваше дека води тешка битка против корупцијата и злоупотребата на средства во државниот апарат. Пред само неколку дена министерот за земјоделство поднесе оставка поради обвинувања за корупција.

Во врска со односите со Зеленски, Кличко изрази жалење за недостигот на кохезија меѓу водечките политичари во Украина. „За жал, во овој период на војна, нема единство меѓу политичките сили“, рече Кличко. Тој истакна дека од почетокот на војната, постојано се обидувал да се сретне со Зеленски.

„Но, за жал, немав можност лично да се сретнам со Зеленски“, рече Кличко.

Градоначалникот на Киев укажа на штетата предизвикана од руските беспилотни летала и повика на поголема меѓународна поддршка за воздушната одбрана на Украина

По две години војна, штетите во Киев се огромни. Повеќе од 800 згради беа оштетени и уништени од воздушните напади. Повеќе од 200 луѓе загинаа, меѓу кои седум деца. /МИА

Свет

Десетици торнада поминаа низ централниот дел на САД, најмалку петмина загинати

Најмалку пет луѓе загинаа, вклучувајќи четиримесечно бебе, откако десетици торнада помина низ централниот дел на САД, предизвикувајќи сериозни штети. Д

есетици илјади луѓе останаа без струја откако бурите почнаа во петокот. Досега е потврдено дека четири лица загинаа во сојузната држава Оклахома, а едно во Ајова. Националната метеоролошка служба објави дека некои торнада имале налети од 218 километри на час. Особено тешко е погоден градот Сулфур во Оклахома, каде што цели домови се срамнети со земја. Во оваа сојузна држава има и повеќе од 100 повредени. Ова уследи откако повеќе од 70 торнада ги погодија небраска и Ајова во петокот. Најголем дел од нив биле околу градот Омаха.

Свет

Блинкен: Напредок во испораката на помош во Газа

Прекинот на огнот „најефикасен“ за решавање на хуманитарната криза

Американскиот државен секретар Ентони Блинкен на состанокот на регионалните лидери во Ријад изјави дека најефективниот начин за ублажување на хуманитарните страдања во Газа е да се обезбеди примирје меѓу Израел и Хамас.

Говорејќи во Саудиска Арабија, американскиот државен секретар рече дека има „мерлив напредок“ во доставувањето помош за Газа, но дека е потребно повеќе. Блинкен рече и дека Иран е најголемиот извор на нестабилност во регионот. Тој посочи дека настаните од последните неколку месеци покажаа дека има два можни патишта. Едниот, рече тој, бил обележан со „поделби, уништување, насилство и постојана несигурност“.

притисни ентер