Македонија

Ковачки: Се обврзуваме на изградба и реконструкција на улици во Виница, спортска сала ...

Се обврзуваме на изградба и реконструкција на улици во Виница, спортска сала и спортски терен, пречистителна станица за отпадни води, канализациони и водоводни мрежи и многу други проекти во Виница, гласајте за број 2 за ВМРО-ДПМНЕ

Победата во првиот круг е огромна. Победата е ваша на сите граѓани. Затоа што вие одлучувате во каква Македонија ќе живеете. Сакам да ви честитам на сите кои се обединивте и се приклучивте на промените. Но имаме уште работа. Пред нас е вториот круг за избор на претседател на Македонија и избор за нова влада. Во вас е силата за конечна промена на Македонија и враќање назад на државата, во вашите раце, вели Драган Ковачки, носител на изборната единица 3 на денешниои митинг во Виница во рамки на парламентарната и претседателска кампања.

Ковачи, посочи дека по победата на ВМРО-ДПМНЕ следи одговорност за власта на СДС и ДУИ за криминалот и сите штетни политики кои ја потонаа Македонија,

Има уште два удари кои треба да ги зададеме на оваа криминална влада на СДС и ДУИ. Едниот на 8 мај. А потоа по победата на ВМРО-ДПМНЕ следува и третиот удар за секој еден кој се огрешил пред законот. Тоа се вика одговорност. Одговорност за сите штетни политики кои ја потонаа Македонија. И одговорност за целиот криминал кој го правеше ДУИ и измеќарите од СДС, дециден е тој.

Ковачки истакна дека народот е силата и одговорот на сите порази и скандали на Ковачевски и Ахмети.

Вие покажавте што значи кога некој си игра со вашите судбини. Вие сте силата и одговорот против сите порази, скандали и афери на Димитар Ковачевски и Али Ахмети, рече тој и додаде дека порано СДС поразот го славел како победа, а денеска се тешат со истиот тој пораз, укажувајќи дека 360 илјади граѓани им порачаа дека се готови.

Деновиве после поразот ги слушам како велат ја примивме пораката од народот. Ќе се промениме. Но лажат. И тогаш ви кажав и сега ви кажувам, лажат сушат. Лажат за да продолжат да крадат, малку им е што ве покрадоа. Сакаат уште. Денеска ги слушам како велат резултатот е нула. Се сеќавате порано поразот го славеа како победа, како триумф, денеска се тешат со поразот. Но, не сфаќаат дека 360 илјади граѓани му дадоа црвен картон на СДС, Ковачевски, Пендаровски, Али, Груби. 360 илјади граѓани им порачаа ГОТОВИ СТЕ! Затоа ајде да го тродуплораме овој резултат овде и секаде низ општините во Македонија, порача Ковачки.

Ковачки, додаде дека СДС не е противник само на ВМРО-ДПМНЕ, туку и противник на народот.

Затоа што СДС не е противник само на ВМРО-ДПМНЕ, туку и противник на народот, противник на Македонија, затоа што изминатите 7 години од политичка партија се претвори во обичен измеќар на ДУИ. Ковачевски прифаќаше секаква наредба од Али само за да опстои на власт, Стево пак не го видовме воопшто да се спротивстави на криминалот и корупцијата на СДС и ДУИ, напротив коленичи пред ДУИ. се фасцинира од Али и Груби. Епа не ни треба таков човек кој е нем посматрач додека Македонија ја распродаваат. Не ни треба Ковачевски кој за секој скандал на ДУИ и Али има оправдување, затоа што и тој е вмешан. За пусти пари го брани и она неодбранливото. Епа доста е!Нашата визија е Македонија повторно ваша. Во вашите раце. Затоа што вие сте сила на една држава.

Во однос на проектите, Ковачки кажа дека Платформата 1198 за Виница се обврзува на реализација на:

Изградба на Булевар Илинденска на влез во Виница, изградба на кружен тек, ул. Браќа Миладинови, изградба на локален пат до туристичка и викенд населба на Плачковица, село Градец – Маринково, Блатец – Детлово (2 фаза), регулација и партерно уредување на Виничка река, регулација на Градечка река – Виница, партерно уредување на кеј на Градечка река во Виница, изградба на локален пат Трсино - Голак (1 фаза), изградба на спортска сала во ООУ Гоце Делчев – Виница, изградба на спортски терени во село Градец и село Трсино, изградба на канализациона мрежа во село Липец, изградба на пречистителна станица за отпадни води во село Блатец, регулација на речно корито на Кајанечки дол село Истибања, изградба на водоводна мрежа во Големчево - село Истибања, изградба и реконструкција на улици во Виница и други населени места. И уште многу други проекти за кои се обврзуваме да ги реализираме во 4 годишниот мандат.

На крај, Ковачки побара поддршка од граѓаните на 8 мај за ВМРО-ДПМНЕ за идна влада и Гордана Силјановска Давкова за нов претседател на Македонија.

Ни треба вашата поддршка и масовна излезност на 8 мај за бројот 2, за двојна победа. 2 за ВМРО-ДПМНЕ за идна влада, и 2 Силјановска Давкова за претседател на Македонија. За Макаедонија да ја трансформираме напред кон нови победи, проекти и реформи. Ни треба поддршка сплотеност и обединетост за да создадеме иднина овде во сопствената Македонија.Ни треба вашата поддршка за да си ја вратиме изгубената држава, за институциите да бидат во ваша служба, а не во служба на криминалците од СДС и ДУИ. Ние ја сакаме Македонија повторно твоја. Македонија на земјоделците, на здравствените работници. Македонија повторно твоја на просветните работници, Македонија на пензионерите. Македонија на младите. Македонија на успешни компании и странски инвестиции. Македонија земја на горди граѓани, порача Ковачки.

На 24 април го делегитимиравме Ковачевскии Ахмети и бандитите. А на 8 мај да ги срозиме. И да го победиме ова зло поради кое Македонија и вие граѓаните тонете, изјави тој.

Со почит,

Центар за комуникации на ВМРО-ДПМНЕ

Свет

Екс премиерот на Малта е обвинет за корупција, случајот го истражуваше и убиената новинарка

Поранешниот премиер на Малта, Џозеф Мускат, е обвинет за корупција во врска со скандалот, кој го истражуваше и познатата новинарка Дафне Каруна Галиција.

Како што пренесува „Гардијан“, освен за Мускат, обвинението е покренато и против гувернерите на Централната банка на Малта, како и против вицепремиерот. Тие се обвинети во врска со скандалот околу приватизацијата на болниците.

Мускат е обвинет за примање мито, корупција во јавните служби и перење пари, соопшти агенцијата АФП. Обвиненијата против него ги нарече „фантазија и лаги“, тврдејќи дека е жртва на политичка одмазда.

Заедно со него се обвинети и Крис Фарне, вицепремиер, кој требаше да биде следниот еврокомесар и Едвард Шикулна, поранешен министер за економија и актуелен гувернер на Централната банка на Малта. Тие се обвинети за измама и проневера.

Фарне, кој беше министер за здравство во времето на скандалот кога беше приватизирана болницата, рече дека „апсолутно нема сомнеж дека судот ќе утврди нешто друго освен неговата целосна невиност“. Шикулна не го коментирал обвинението, но претходно негирал дека направил нешто незаконско.

Се очекува да бидат обвинети уште најмалку двајца високи владини функционери. Обвинението е дел од долгорочната истрага за одлуката на лабуристичката влада од 2015 година, на чело со Мускат, управувањето со три јавни болници да го префрли на приватната компанија „Виталс глобал Хелткер“ како дел од зделката чија вредност се проценува на четири милијарди евра.

За овој скандал информираше и Дафне Каруна Галиција, позната истражувачка новинарка од Малта, која беше убиена во експлозија на бомба поставена под нејзиниот автомобил во 2017 година. Фондацијата формирана во нејзино име по смртта на новинарката објави дека оваа пресуда „докажува дека нејзиното истражување за наместена приватизација било точно“.

Смртта на Дафна Каруна Галиција предизвика голем шок на мирниот медитерански остров. Опсежната независна истрага во 2019 година покажа дека владата не учествувала во атентатот, но дека државата мора да сноси одговорност за создавање „култура на неказнивост“.

Малтешкиот премиер Роберт Абела, кој го наследи Мускат на чело на Лабуристичката партија, изрази сомнеж во истрагата за корупција, наведувајќи дека обвинението е покренато еден месец пред изборите за Европскиот парламент. Тој посочи дека „естаблишментот“ се обидува да го „украде суверенитетот“ на раководството на Малта.

„Секој ќе има можност да утврди дали истрагата почнала со претпоставка на вина. Се надевам дека тоа не е така“, рече тој.

Како одговор, Бернард Грек, лидерот на опозициската Националистичка партија, го обвини Абела дека избрал „да застане на страната на агресорот наместо жртвите и дека ги избрал своите колеги наместо Малта и Малтежаните“.

Фудбал

Кристијано Роналдо летово се враќа во Европа преку шокантен трансфер?

Кристијано Роналдо може ненадејно да ја напушти Саудиска Арабија и да се врати во Европа ова лето.

Ова е веста која денеска ја објави саудискиот новинар Алхаза Мутаб. Тој наведува дека Баер Леверкузен, клуб кој е апсолутна сензација во оваа фудбалска сезона, сака да го доведе Роналдо. Тоа би бил шокантен трансфер, апсолутно неочекуван со оглед на сите околности околу Роналдо, но и фактот дека Леверкузен претпочита поевтини и многу помлади играчи.

Претходно истиот новинар напиша дека Роналдо би можел да се врати во Португалија, неговата татковина, каде што ја започна својата голема кариера како фудбалер на Спортинг Лисабон. Сепак, тоа нема да се случи, пишува Мутаб дека Роналдо бил заинтересиран за враќање, но Спортинг имал други планови.

Португалецот во моментов игра многу неуспешна сезона со Ал Наср, поради што е на удар на тамошната јавност и медиумите и затоа е незадоволен и бара излез. Да потсетиме, Роналдо и соиграчите неодамна загубија во полуфиналето на Суперкупот од најголемиот ривал Ал Хилал и во првенството заостануваат 12 бода зад истиот тим.

Да потсетиме, Роналдо во декември 2022 година потпиша договор со Ал Наср на две и пол години, а неговата годишна плата е околу 200 милиони евра, а во таа сума е вклучен и комерцијалниот дел од договорот. Ова е највисоката плата во историјата на фудбалот, па Роналдо во текот на договорот треба да заработи половина милијарда евра.

Живот

Маж нападнал жена во кино, не очекувал дека ќе добие ќотек од боксерски шампион (ВИДЕО)

Во шпанскиот град Леон дошло до конфликт во кино.

Како конфликтот во самото кино да не е невообичаен, уште поизненадувачки е што конфликтот се случи на проекцијата на Гарфилд, филм за деца. Сѐ започнало кога непознат маж нападнал една од жените кои биле во киното.

Пред неколку десетици сведоци дошло до расправија меѓу маж и жена, а ситуацијата ескалирала кога мажот од вербални навреди преминал на употреба на физичка сила. Прво ја фатил за врат жената со која се расправал и почнал да ја турка, а потоа продолжил да ги навредува сите околу себе.

Сето ова, за жал на насилникот, го гледаше Антонио Барул, шесткратниот боксерски шампион на Шпанија, кој ги донел децата да го гледаат филмот. На социјалните мрежи се појави видео на кое се гледа како 25-годишникот се симнува пред екранот и го предупредува насилникот да престане. Мажот потоа почнал да го навредува, а Барул потоа ги изгубил нервите и го претепа споменатиот човек.

"Тој ја фати жената за врат и почна да ѝ вика. За време на тепачката удри и девојка која била во близина. Немам ништо против да ме навредува, можам да истрпам, но потоа се свртев и ги видов моите деца како плачат. После тоа морав да го направам тоа што го направив“, изјавил Барул за Радио Марка. Засега не се знае како ќе бидат казнети мажите кои учествувале во конфликтот, но и двајцата се соочуваат со казна.

притисни ентер