Во време на десничарскиот Орбан, Унгарија стана важен трговски и инвестициски партнер на Кина, за разлика од некои други земји од ЕУ кои размислуваат да станат помалку зависни од втората по големина економија во светот.

Си доцна синоќа пристигна во Будимпешта по посетата на Франција и Србија. Во Париз, претседателот Емануел Макрон и шефицата на Европската комисија Урсула фон дер Лајен го притиснаа да обезбеди порамномерна трговија со Европа и да го искористи своето влијание со Русија за да стави крај на војната во Украина.

По средбата, Си и Орбан рекоа дека нивните земји го подигнале нивото на соработка на „сеопфатно стратешко партнерство“.

„Сметаме дека ова е нова почетна точка за подигање на билатералните односи и прагматичната соработка на повисоко ниво“, рече Си.

Тоа, меѓу другото, значи дека двете земји ја прошируваат соработката и во нуклеарната индустрија, рече Орбан.

Двете земји ќе постигнат напредок и во изградбата на клучните проекти, вклучително и проектот за железница Будимпешта-Белград, рече кинескиот претседател.

Проектот вреден 2,1 милијарда долари, од кој најголемиот дел е финансиран со заем од Кина, е дел од Иницијативата „Појас и пат“, амбициозен план започнат од Си пред една деценија со надеж за изградба на глобална инфраструктура и енергетски мрежи што ќе ја поврзат Азија со Африка и Европа.

Унгарија и Кина, исто така, ќе започнат со подготовки за брза железница што ќе го поврзе центарот на Будимпешта и нејзиниот аеродром, изјавија министрите.

Кина и Унгарија ја слават 75-годишнината од дипломатските односи.

Орбан почна да ја приближува својата земја до Пекинг откако дојде на власт во 2010 година.

Како што пренесува „Гардијан“, освен за Мускат, обвинението е покренато и против гувернерите на Централната банка на Малта, како и против вицепремиерот. Тие се обвинети во врска со скандалот околу приватизацијата на болниците.

Мускат е обвинет за примање мито, корупција во јавните служби и перење пари, соопшти агенцијата АФП. Обвиненијата против него ги нарече „фантазија и лаги“, тврдејќи дека е жртва на политичка одмазда.

Заедно со него се обвинети и Крис Фарне, вицепремиер, кој требаше да биде следниот еврокомесар и Едвард Шикулна, поранешен министер за економија и актуелен гувернер на Централната банка на Малта. Тие се обвинети за измама и проневера.

Malta’s former prime minister charged with corruption over hospital scandal https://t.co/TpFy0DGNV4

— Guardian news (@guardiannews) May 9, 2024

Фарне, кој беше министер за здравство во времето на скандалот кога беше приватизирана болницата, рече дека „апсолутно нема сомнеж дека судот ќе утврди нешто друго освен неговата целосна невиност“. Шикулна не го коментирал обвинението, но претходно негирал дека направил нешто незаконско.

Се очекува да бидат обвинети уште најмалку двајца високи владини функционери. Обвинението е дел од долгорочната истрага за одлуката на лабуристичката влада од 2015 година, на чело со Мускат, управувањето со три јавни болници да го префрли на приватната компанија „Виталс глобал Хелткер“ како дел од зделката чија вредност се проценува на четири милијарди евра.

За овој скандал информираше и Дафне Каруна Галиција, позната истражувачка новинарка од Малта, која беше убиена во експлозија на бомба поставена под нејзиниот автомобил во 2017 година. Фондацијата формирана во нејзино име по смртта на новинарката објави дека оваа пресуда „докажува дека нејзиното истражување за наместена приватизација било точно“.

Смртта на Дафна Каруна Галиција предизвика голем шок на мирниот медитерански остров. Опсежната независна истрага во 2019 година покажа дека владата не учествувала во атентатот, но дека државата мора да сноси одговорност за создавање „култура на неказнивост“.

Малтешкиот премиер Роберт Абела, кој го наследи Мускат на чело на Лабуристичката партија, изрази сомнеж во истрагата за корупција, наведувајќи дека обвинението е покренато еден месец пред изборите за Европскиот парламент. Тој посочи дека „естаблишментот“ се обидува да го „украде суверенитетот“ на раководството на Малта.

🧵1⃣Last year, we launched the first in a series of investigations we're supporting with research and investigation coordination: a deep dive into the financial flows in the Malta hospitals privatisation deal. Revisit reporting by our project partners ⬇️https://t.co/HPcKrXbJjJ

— Daphne Caruana Galizia Foundation (@daphnefdtn) April 30, 2024

„Секој ќе има можност да утврди дали истрагата почнала со претпоставка на вина. Се надевам дека тоа не е така“, рече тој.

Како одговор, Бернард Грек, лидерот на опозициската Националистичка партија, го обвини Абела дека избрал „да застане на страната на агресорот наместо жртвите и дека ги избрал своите колеги наместо Малта и Малтежаните“.

Ова е веста која денеска ја објави саудискиот новинар Алхаза Мутаб. Тој наведува дека Баер Леверкузен, клуб кој е апсолутна сензација во оваа фудбалска сезона, сака да го доведе Роналдо. Тоа би бил шокантен трансфер, апсолутно неочекуван со оглед на сите околности околу Роналдо, но и фактот дека Леверкузен претпочита поевтини и многу помлади играчи.

Претходно истиот новинар напиша дека Роналдо би можел да се врати во Португалија, неговата татковина, каде што ја започна својата голема кариера како фудбалер на Спортинг Лисабон. Сепак, тоа нема да се случи, пишува Мутаб дека Роналдо бил заинтересиран за враќање, но Спортинг имал други планови.

Португалецот во моментов игра многу неуспешна сезона со Ал Наср, поради што е на удар на тамошната јавност и медиумите и затоа е незадоволен и бара излез. Да потсетиме, Роналдо и соиграчите неодамна загубија во полуфиналето на Суперкупот од најголемиот ривал Ал Хилал и во првенството заостануваат 12 бода зад истиот тим.

Да потсетиме, Роналдо во декември 2022 година потпиша договор со Ал Наср на две и пол години, а неговата годишна плата е околу 200 милиони евра, а во таа сума е вклучен и комерцијалниот дел од договорот. Ова е највисоката плата во историјата на фудбалот, па Роналдо во текот на договорот треба да заработи половина милијарда евра.