Ракомет

Македонија подготвена за решавачкиот дуел со Србија

По двата пораза на Европското првенство нашата репрезентација ја очекува решавачкиот дуел со Србија. Ова беше и разврската како што се очекуваше, но добрите игри на Македонија особено вчерашната и испуштената шанса да се освои барем бод со домаќинот Полска донесе разочарување. Сепак тоа е веќе минато и можеше да се види добро расположение кај нашите ракометари на вечерниот тренинг.

- Имаме доволно време да се подготвиме. Гледавме делови од натпреварите на Србија кои ги одиграа досега и сме на добар пат да ја оствариме нашата првична цел за сега. Србија се покажа во светло издание, имаат борбеност, а за разлика од нив ние сме поискусни. Тоа е нашата шанса за пласман понатаму, изјави капитенот Кирил Лазаров на денешниот тренинг.

Селекторот Ивица Обрван најави нова промена во тимот бидејќи на местото на повредениот Никола Маркоски (се повреди на дуелот со Полска) во составот ќе биде Жарко Пешевски.

- Треба да имаме ист пристап како и на првите два натпревара. Ако може и подобро и со повеќе концентрација да дојдеме до целта и пред се да бидеме дисциплинирани во напад и во одбрана. Немавме многу време за одмор. Уште трае и опоравувањето од дуелот со Полска. Србија со Полска одигра супер натпревар, а со Франција изгледаа како да играа, а не веруваа дека можат. На тој дуел Французите немаа многу набој како против. Мислам дека и се штедеа за нашиот дуел, рече Ивица Обрван.

Натпреварот Македонија – Србија се игра утре во „Таурон Арена“ со почеток во 18:15 часот.

Тенис

Италијанката Џорџи ја заврши тениската кариера

Италијанката Камила Џорџи стави крај на својата професионална кариера, на 32 годишна возраст, соопшти денеска Тениската федерација на Италија.

Во текот на кариерата Џорџи освои четири ВТА турнири, од кои најголемиот е оној од серијата Мастерс 1000 во Монтреал во 2021 година.

На грен – слем турнирите најдалеку отиде во Вимблдон во 2018 година, кога играше во четвртфиналето.

Последниот дуел Џорџи го одигра во март годинава на турнирот во Мајами, каде загуби во второто коло од најдобрата светска тенисерка Ига Швјонтек со 1-6, 1-6.

Македонија

Утре посвежо со повремени врнежи од дожд

 Времето утре ќе биде променливо облачно и посвежо со повремени врнежи од дожд, информираат од Управата за хидрометеоролошки работи. 

Во јужните делови врнежите ќе бидат пообилни, локално проследени со грмежи и засилен ветер. Во сабота ќе има преодно стабилизирање на времето, а потоа во следните денови во попладневните часови ќе има локална појава на краткотраен пороен дожд и грмежи. Дневната температура ќе биде во пораст.

Времето денеска ќе биде променливо облачно, на повеќе места нестабилно со пороен дожд и грмежи, особено попладне кога локално процесите ќе бидат поинтензивни во форма на невреме со пообилен дожд за кратко време, силни електрични празнења, засилен ветер и изолирана појава на град. Максималната температура ќе биде во интервал од 16 до 25 степени.

Времето во Скопје ќе биде променливо облачно со повремени врнежи од дожд, а попладне нестабилно со пороен дожд, грмежи и засилен ветер. Во делови од котлината ќе има услови за појава на краткотрајно невреме. Tемпературата ќе достигне до 22 степени.

Македонија

Возило излетало од коловозот на патот Македонска Каменица - Виница, возачот починал

Возило излетало од коловозот на патот Македонска Каменица - Виница, возачот починал, а сопатникот тешко повреден.

Патничко возило „фолксваген тигуан“ со делчевски регистарски ознаки, управувано од Д.Ј.(42) од Делчево, синоќа, излетало од коловозот на магистралниот пат Македонска Каменица – Виница, на место викано „Каменолом“, по што на самото место починал возачот, а сопатникот се здобил со тешки телесни повреди.

Како што соопшти МВР, сообраќајната несреќа била пријавена синоќа во 22.20 во Полициската станица Виница.

-На магистралниот пат Македонска Каменица – Виница, на место викано „Каменолом“, патничко возило „фолксваген тигуан“ со делчевски регистарски ознаки, управувано од Д.Ј.(42) од Делчево, излетало од коловозот. На местото на несреќата од здобиените повреди починал возачот, а лекар од Итна медицинска помош констатирал смрт. Сопатникот Д.Г.(33) од Делчево се здобил со тешки телесни повреди, констатирани во Градската општа болница „Св.Наум Охридски“ во Скопје, наведуваат од МВР

Извршен бил увид од увидна екипа од ОВР Виница.

притисни ентер