Мицкоски: Новата Влада на ВМРО-ДПМНЕ ќе направи сѐ за да одговараат криминалците

„На овие избори народот јасно кажа каква е политичката реалност во Македонија, а тоа е дека Владата односно двете партии од Владата треба да заминат во опозиција.“

„Гордана Силјановска Давкова, Коалицијата „Твоја Македонија“ предводена од ВМРО-ДПМНЕ во однос на Стево Пендаровски и Коалицијата која што го подржа Стево Пендаровски во првиот круг имаат 183.000 гласа разлика. Нешто што досега во македонската историја, во демократска Македонија не се случило да кандидат од опозиција да има таков силен резултат, и тоа е јасна порака на народот дека се потребни промени“, истакна претседателот на ВМРО-ДПМНЕ, Христијан Мицкоски од митингот во Конче.

Мицкоски додаде дека народот се обединува околу промените.

„Од друга страна ги слушате пораките од Мала Речица, од ДУИ, тие велат дека требало да се слуша народот. И да ние го слушаме народот, народот и во тој случај донесе правилна одлука и испрати јасна порака дека Гордана Силјановска Давкова, Коалицијата „Твоја Македонија“ предводена од ВМРО-ДПМНЕ има за 20% повеќе гласови отколку што имаат двајцата провладини кандидати односно владини кандидати, а тоа се Бујар Османи и Стево Пендаровски заедно. Односно 363.000 наспроти 301-302.000 од прилика колку што имаат тие двајца“ рече Мицкоски.

Тој посочи дека пораката од граѓаните е јасна, правецот по кој што треба да се движи Македонија е јасен. ВМРО-ДПМНЕ и Коалицијата повикуваат на уште поголема поддршка од граѓаните во вториот круг.

„Заедно да ја завршиме историјата која што ја започнавме уште пред неколку години односно пред 30-тина месеци за време на локалните избори кои што се случија во 2021 година“, порача тој.

Мицкоски укажа дека на ВМРО-ДПМНЕ најважна е поддршката на народот.

„Време е заедно со вас граѓаните да ставиме точка на оваа историја, бидејќи таа точка ќе ја определи траекторијата по која што ќе се движи Македонија – дали Македонија ќе биде горда, достојна, трансформирана, онака како што сите ние сакаме да ја видиме нашата држава, или ќе биде ограбена, обесправена, понижена, омаловажена како што беше досега изминативе 6 ипол години“, додаде тој.

Тој посочи дека според резултатот од првиот круг на претседателски избори е јасно по кој пат граѓаните одлучија Македонија дека треба да се движи.

„Мојата порака е до нашите сограѓани Турци, знам дека овде Бујар Османи освои 100 гласа и знам дека прилично беа активни некои од функционерите на турската партија овде во општина Конче, и ги бараа гласовите за Бујар Османи. Јас ќе споделам со вас нешто кое што не сум го зборувал досега но мислам дека треба да се знае, а тоа е следново, претседателот на турската партија кој што подоцна заврши во прегратките на Али Ахмети, пред да заврши таму беше кај мене. И кога дојде кај мене ми рече претседателе доаѓам од средба со Али Ахмети и сакам да знаете дека на тој човек му треба медицинска нега, тој е ваков, таков, почна да го навредува и да користи недолични зборови“, рече Мицкоски.

Тој додаде дека му се заблагодарил на средбата и веќе никогаш му се нема јавено за да разговараат.

„А, следниот ден од медиумите прочитав дека тој отишол во прегратките на овој за кој што велеше дека му е потребна медицинска нега. И таму потоа продолжи да функционира како политичар“, појасни Мицкоски.

Мицкоски вети дека новата Влада на ВМРО-ДПМНЕ и Коалицијата „Твоја Македонија“ ќе направи се за да криминалците одговараат, се наведува во партиското сооштение.

Почна судењето на „Граѓаните на Рајхот“, кои планирале нацистички преврат во Германија

Заговорници за државен удар во Германија вклучувал членови на аристократијата, голем арсенал оружје и верување дека смртта на британската кралица Елизабета Втора е всушност таен сигнал за акција.

Како што пренесува „Би-Би-Си“, во тек се судењата на групата „Граѓаните на Рајхот“, а нивните водачи допрва треба да се појават пред судиите.

Заговорниците смислиле план за насилно соборување на германската влада. Инспекторите тврдат дека теоретичарите на заговор верувале дека земјата треба да биде управувана од „длабоката држава“. За денеска во Франкфурт било закажано рочиште, кое е дел од најважното од трите судења по серијата рации што беа спроведени низ Германија во 2022 година.

Случајот се смета за многу значаен поради неговата големина и потенцијалните сознанија што може да ги даде во екстремно десничарските мрежи. „Граѓаните на Рајхот“ претставува група која ја негира легитимноста на модерната германска држава, тврдејќи дека таа е основана од сојузничките сили по Втората светска војна.

Домашното разузнавање проценува дека околу 23.000 луѓе припаѓаат на движењето, кое се залага за антисемитски ставови и има „висок афинитет за оружје“. „Граѓаните на Рајхот“ планирале да упаднат во националниот парламент, Бундестагот и да ги уапсат пратениците на таканаречениот „Ден Х“. Во обвинението се наведува и дека групата имала дискусија за тоа дали смртта на британската кралица Елизабета Втора била таен сигнал или поттик за акција.

На судењето големо внимание ќе привлече Хајнрих XIII, принцот од Ројс, поранешен магнат за недвижности од Франкфурт, кој е наследник на познато германско аристократско семејство. Седумдесет и двегодишникот одржувал состаноци на „централниот совет“ во својот дом на истокот на земјата, а требало да биде поставен за шеф на државата по извршувањето на државниот удар.

Според обвинението, тој е одговорен за мировните преговори со сојузниците - го посетил рускиот конзулат во Лајпциг, како дел од напорите да воспостави контакт со властите во Москва. На судењето ќе се појави и поранешната судијка и пратеничка на екстремната десница Алтернатива за Германија (АфД), Бригит Малсак-Винкеман.

Обвинителството тврди дека таа го користела нејзиниот пристап до парламентот за да ги „прошверцува“ заговорниците во забранета област, а била одговорна и за правосудниот сектор во „централниот совет“ на заговорниците. Планот на „Граѓаните на Рајхот“ бил да ги реорганизираат политичките структури во Германија и да ги преземат институциите на федерално и локално ниво. Тие биле свесни дека за државен удар ќе биде неопходно крвопролевање.

„Централниот совет“ требало да ја има главната улога во владата, додека „военото крило“, составено од 286 единици, требало да биде задолжено за одржување на јавниот ред и мир. Групата имала пристап до голем арсенал оружје, вклучувајќи муниција и друга воена опрема. Имале буџет од околу половина милион евра. Со текот на времето, членовите на групата биле сѐ повеќе изолирани од надворешниот свет.

Јан Ратје, виш истражувач во ЦеМАС, агенција која го истражува екстремизмот, тврди дека заговорничкото, суверенистичко движење можеби е резултат на поранешните нацисти за повторно формирање на националсоцијалистичкиот германски Рајх.

„Граѓаните на Рајхот се насилна, екстремно десничарска група која е опасно потценета. Луѓето секогаш мислат дека се луди луѓе кои пишуваат луди писма до владата“, вели Ратје и продолжува:

„Дури и да не им успеат плановите, може да има сериозни последици.“

Поради големината, судењето на заговорниците ќе се одржи во три града - Штутгарт, Франкфурт и Минхен.

Бентли се пофали со редизајнираниот Continental GT со над 700 КС

Редизајнираниот Continental GT на Bentley ќе биде првиот модел придвижуван од новиот хибриден погонски систем на британската ултра луксузна марка и ќе биде претставен во јуни.

Bentley објави дека четвртата генерација на Continental GT ќе биде најмоќното возило во историјата на компанијата. Погонскиот систем V8, кој Bentley го нарече Ultra Performance Hybrid, има околу 739 КС и автономија од 80 километри само со електрична енергија.

Ова е замена на Bentley за неговиот познат мотор W12, кој ќе заврши со производство ова лето. Бентли исто така го намалува производството на својот 4.0-литарски твин-турбо V8 мотор.

Bentley објави фотографии од редизајнираното купе во камуфлажа и дизајнот непогрешливо е оној на Continental GT. Промените во стилот на Continental GT беа главно еволутивни откако за прв пат беше претставен во 2002 година.

Ова останува клучен модел за Bentley и е вториот најпродаван модел на марката на глобално ниво, веднаш зад теренецот Bentayga. Bentley очекува да го произведе 100.000-тиот Continental GT на почетокот на 2025 година.

Bentley вели дека редизајнираниот модел ќе има погон на сите тркала, управување со четири тркала, електронски диференцијал со ограничено лизгање и „нов сет на технологии“.

Град и пороен дожд го погоди кумановскиот регион- големи штети врз насадите

Интензивен пороен дожд, грмежи, силен ветер попладнево го зафати поширокиот кумановски регион. Во неколку села во општините Куманово, Липково и Старо Нагоричане имаше појава на град.

Од Регионалниот центар за управување со кризи - Куманово информираат дека е пријавена штета на кров од викендица во Младо Нагоричане и уништени се родни дрвца, во липковско има пријави на штети на земјоделски површини.

Во урбаните средини во Куманово поради големата количина на дожд и недостиг на атмосфера канализација водата се слева по улиците.

На улицата „11 Октомври" пријавена е поплава на дворно место во чија близина има трафостаница за што е информирана ЕВН, соопштија од РЦУК-Куманово./МИА

притисни ентер