Властите во САД долго време планираат проект за брза железница од Лос Анџелес до Сан Франциско, кој се очекува да чини повеќе од 100 милијарди долари, но критичарите велат дека немаат многу што да покажат за тоа - освен 0,3 милји (0,48 км ) мост што не води никаде.

И покрај тоа што првичното финансирање било одобрено во 2008 година, оваа брза железничка линија е сè уште далеку од изградба.

Досега, изградбата е само во најрана фаза и дополнителни средства се искористени за планирање на животната средина во рамките на Фаза I системот.

Сепак, Калифорниската управа за брза железница неодамна објави една од завршените делови на градбата - завршена во 2018 година и чини 1 милијарда долари сама по себе.

Ова е дел од мостот долг 0,48 км наречен Вијадукт на реката Фресно во округот Мадера и наиде на потсмев во јавноста бидејќи не води никаде.

Сликите споделени од властите покажуваат дека не е поврзан со ништо од двата краја. Сепак, некои тврдат дека тоа укажува на поголем проект што доаѓа.

Се протега преку патот во близина на низа куќи - паралелно со друга железничка линија - но во моментов нема никаква цел.

Дури и Илон Маск се потсмеваше во неодамнешна објава на X за напредокот во градбата, а другите корисници на социјалната мрежа се огласија со свои коментари.

Сепак, голем број од оние кои го критикуваа изнесоа лажни тврдења за вијадуктот, неговата цена и времето што требало да биде завршен.

Откако е завршен пред шест години, по три години изградба, биле завршени уште десетици згради и над стотина милји (160 километри) се во активна изградба во текот на целиот проект.

Поради големината на железничките пруги со голема брзина, овие типови проекти често се сложени, скапи и одземаат многу време, а брзата железница во Калифорнија не се разликува од нив.

Оваа линија би била ставена во употреба некаде на почетокот на 2030-тите, но наводно откажувањето на оваа линија се уште е опција, пренесува Sky News.

Кинескиот лидер е пречекан од претседателот на Србија, Александар Вучиќ, а по повод оваа важна посета сѐ е организирано на највисоко ниво, објави Курир.

Заедно со претседателот Александар Вучиќ и првата дама, кинескиот претседател Си Џинпинг на црвениот тепих е пречекан од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, поранешниот претседател Томислав Николиќ и неговата сопруга, српската амбасадорка во Кина Маја Стефановиќ и кинескиот амбасадор во Белград Ли Минг со неговата сопруга.

Кинеска делегација од околу 400 членови пристигна во Белград. Претседателот на Кина е пречекан од српски ловци МиГ-29 кои го следеа неговиот авион од моментот кога тој влезе во српскиот воздушен простор, а во негова чест на аеродромот во Белград беше построена стража на Вооружените сили на Србија.

Белград однапред постави знамиња кои се дел од добредојде на претседателот на Кина, пријателска земја на Србија.

Според протоколите кои следат по посетите на големите светски државници, престојот на кинескиот лидер во Србија го обезбедуваат околу 3.400 полицајци. Пречекот ќе биде проследен со фолклор, цвеќе, а по целиот пат се поставени и кинеско-српски знамиња.

Свечениот пречек на кинеската делегација која брои 400 лица е закажан за утре пред палатата „Србија“. Во оваа пригода ќе бидат потпишани 30 договори. За време на ручекот ќе се служат српски јадења и вина, а претседателот Вучиќ лично ќе му служи српски вина, од пенливо до десертни вина, од кои повеќето се автохтони српски сорти.

Музичка програма ќе има и за претседателот на Кина, а девојка од Србија на кинески ќе ја отпее песната „Татковино моја и јас“, а Хорот ќе ја пее песната Прекрасно цвеќе од јасмин, исто така на кинески. Програмата ќе заврши со песната „Ова е Србија“.

Претседателот на Кина е придружуван од сопругата Пенг Лијуан, член на Главниот комитет на Политичкото биро на Централниот комитет на Комунистичката партија на Кина, директор на Генералната канцеларија на Централниот комитет, како и член на Политичкото биро на Централниот комитет на Комунистичката партија и министерот за надворешни работи, јавува Кинеското меѓународно радио.

Ова е прва посета на претседателот Си на Европа во последните пет години, од избувнувањето на пандемијата на Ковид-19, а за време на оваа европска турнеја тој ќе посети само три европски престолнини - Париз, Белград и Будимпешта.

Тогаш не треба да нѐ чуди информацијата дека пекарите од оваа земја го направиле најдолгиот багет на светот и со тоа влегле во Гинисовата книга на рекорди.

Должината на багетот е 140,53 метри, со што го надминаа претходниот рекорд од 132,62 метри, кој беше актуелен речиси пет години. Го подготвувале дури 18 пекари, а самата подготовка започнала во три часот наутро по локално време. Багетот го ставиле да се пече во пет часот наутро, а за таа прилика била дизајнирана специјална мобилна рерна.

Кога ќе се испече, дел од багетот се сече, се премачкува со чоколаден крем и се дели на толпата. Другиот дел бил даден на локалното младинско здружение за да го подели на бездомниците таа вечер.

Овој леб го виде светлото на денот минатиот викенд на набљудувачката палуба на тераса во западната комуна во близина на Париз, пишува „Си-Ен-Ен“.

This is world's longest #baguette! 🥖

🇫🇷 French bakers have broken the world record for the longest baguette, measuring 140.53 meters. pic.twitter.com/TD2D9qe8T5

— FRANCE 24 English (@France24_en) May 6, 2024

Според официјалните спецификации на француската влада, традиционалниот француски багет се состои од бело брашно, вода, квасец и сол и се сече со пет сечила долги околу 60 сантиметри.