Верувале или не, здравјето е запишано на дланките. Ако добро ги посматрате рацете и обратите внимание на тоа дали може да отворите просечна тегла, дали ви се појавува осип, како и тоа дали понекогаш прстите ви отекуваат, можете да дојдете до важни информации за вашето здравје што може да ви бидат од корист. Состојбата на рацете, вклучувајќи го нивниот изглед, текстурата на кожата, изгледот на ноктите, состојбата на потните жлезди и пигментот може да укажуваат на потенцијални недостатоци и склоности кон можни здравствени проблеми.
Без оглед на тоа дали зборуваме за ризик од срцев удар, недостаток на хранливи материи, нарушувања на тироидната жлезда или анемија, рацете ја покажуваат состојбата на вашето здравје. Само треба внимателно да ги разгледате, бидејќи можат да ви помогнат во превенцијата на разни болести.
Еве кои осум симптоми на вашите раце може да укажуваат на опасни состојби:
1. Отечени врвови на прстите: Недостаток на кислород во телото
Ова не е нешто што треба да се игнорира, бидејќи може да биде знак дека немате доволно кислород во крвта. Ниското ниво на кислород во крвта е секогаш знак за тревога бидејќи може да укажува на рани знаци на белодробна болест и е нешто што може да се провери со едноставна анализа на крвта од страна на вашиот општ лекар.
2. Слаб стисок на рацете: Кардиоваскуларни проблеми
Интензитетот на стисокот на вашата рака е директно поврзан со здравјето на вашиот кардиоваскуларен систем и преку него можете дури и да имате увид во ризикот од мозочен или срцев удар. Резултатите од студиите покажуваат дека интензитетот на стисокот може да претставува валиден начин за проценка на биолошката старост. Посилниот стисок може да укажува на полесно справување со хроничниот проблем со срцето наспроти слабиот стисок.
3. Ладни раце: Функција на тироидната жлезда
Студените раце и отечените прсти може да укажуваат на недоволна активност на тироидната жлезда наречена хипотироидизам. Спротивно на тоа, црвената кожа и сувите раце се симптоми на прекумерна активност на тироидната жлезда наречена хипертироидизам.
4. Потење на дланките: Хиперхидроза, зголемено потење
Нормално е да почувствуваме зголемено потење на дланките кога сме физички активни или напнати, но хиперхидрозата подразбира зголемено потење кога, на пример, држиме некој предмет. Оваа состојба е претежно наследна, се појавува во детството или адолесценцијата, а единствениот момент кога симптомите не се изразени е во текот на ноќта.
5. Бледи и ладни раце: Анемија
Анемијата претставува ниско ниво на еритроцити, т.е. црвените крвни зрнца или хемоглобинот во крвта, што влијае на способноста на пренесување на кислородот до органите и ткивата во организмот преку крвта. Еден од знаците на анемија може да бидат бледите и ладни раце, како и тенки нокти кои ја губат својата вообичаена форма и добиваат вдлабната форма, како лажица.
6. Егзема: Алергија на храна
Дали забележувате дека рацете ви се суви, склони кон осип и чешање иако редовно користите хидратантни креми? Можеби е време да посетите дерматолог за да утврдите дали можеби имате егзема. Овој проблем со кожата може да предизвика не толку наивни промени како што се плускавци, красти, испукани и суви раце кои болат, пецкаат и крварат. Промените на рацете укажуваат на различни здравствени состојби, затоа погледнете ги внимателно, а повеќето алергии се јавуваат токму на храна.
7. Тремор на рацете: Паркинсонова болест
Стресот честопати предизвикува треперење на рацете, што е сосема нормално, исто така и различни супстанци, на пример, кофеинот, но ако рацете ви треперат додека мирувате, кога не сте активни, тоа може да укажува дека боледувате од Паркинсонова болест. Карактеристичното треперење на рацете кај Паркинсоновата болест е како да тркалате таблета помеѓу палецот и показалецот.
8. Отечени прсти: Премногу сол
Постојат различни причини за отекување на прстите, а најчестата причина е внесувањето на премногу сол, поради што се задржува водата во организмот. Друга причина е дехидрацијата, односно недостаток на вода во телото, што телото се обидува да го надомести со задржување на водата во отечените прсти. Совет е да внесувате повеќе вода, да обратите внимание на физичката активност бидејќи така се подобрува циркулацијата, односно протокот на крв низ организмот. Не досолувајте ги јадењата кои веќе содржат сол. Ако прстите и понатаму ви отекуваат, проверете го здравјето на бубрезите и тироидната жлезда.