Живот

Полицијата уапси двајца милијардери – сакале да почнат незаконски бизнис со марихуана

Двајца милијардери се уапасени , кога сакале на островот Сент Китс да внесат растенија од марихуана вредни 1,3 милиони долари.

Со двајцата милијардери кои сакале да направат нелегален бизнис со марихуана , бил и холивудскиот актер Џонатан Рис Мејерс.

Грчкиот милијардер Алкивијадес ,,Алки” Давид (50) , кој ја поседува компанијата за полнење шишиња Кока Кола , заедно со американскиот милијардер Чејс Ерган (66) , соосновач и директор на ТВ операторот ,,Диш Нетворк” се упасени откако било откриено дека во приватниот авион со кој долетале на островот Сент Китс носат растенија канабис во вредност од 1,3 милиони долари. заедно со нов во авионот бил и холивудскиот актер Џонатан Рис Мејерс.

При апсењето тие имале околу 5 000 стебла од канабис , ккао и семе и масло од марихуана. наводно , сакале во тој регион да почнат да се занимаваат со бизнис и да садат марихуана, бидејќи грчкиот милијардер веќе е сопственик на фирма што се занимава со продажба на масло од марихуана.

Сопругата на актерот Рис Мејерс и нејзината мајка морале да издржат детално пребарување во сите надворешни органи од страна на полицијата , изјавил грчкиот милијардер за американските медиуми. Тој бил пуштен , откако платил 30 000 долари за кауција , но не може да го напушти островот , бидејќи му е одземен пасошот.

Американскиот милијардер и натаму е во притвор. Грчкиот милијардер изјави и дека неговиот партнер Ерган ги користел растенијата како сопствен лек и терапија за биполарно пореметување.

Гркот додава и дека во моментот кога биле апсени , Американецот зборувал со премиерот Тимоти Харис. Но , лично премиерот Харис демантира дека разговарал со милијардерите и тврди дека доколку на островот се легализира марихуаната и почне да се продава во медицински цели , предност за бизнис ќе имаат домашните претприемници , а не странците.

Македонија

Во Кочани одбележана 119-годишнината од загинувањето на Никола Карев

Со откривање на спомен биста на патронот во ОУ „Никола Карев“, во Кочани почна одбележувањето на 119-годишнината од загинувањето на македонскиот револуционер и претседател на Крушевската Република.

На свеченоста на која присуствуваа ученици, вработени, граѓани и претставници од централната и локалната власт, беше нагласено дека по три децении од преименувањето, училиштето добива соодветно спомен обележје што ќе го краси училишниот двор.

- Во 1993 година нашето училиште се одделило од друго основно училиште со кое заеднички носеле име на револуционер од југословенското минато. Во таа учебна година го добило сегашното име и имало многу време и простор да се постави обележје на патронот, но токму денеска, нам ни припадна честа да ја реализираме иницијативата. Бистата ја изработи и ја донираше скулпторот Борче Србиновски, за што упатуваме голема благодарност, истакна Александар Андов, директор на ОУ „Никола Карев“.

Учениците и наставниците од ОУ „Никола Карев“ организираа свечена програма со која го одбележаа патрониот празник, а признанија им беа оддадени на сите соработници, поддржувачи и вработени кои во изминатиот период дале придонес во унапредувањето на условите за настава.

Во рамки на одбележувањето на годишнината, денеска претставници од општините од регионот и од граѓански здруженија го посетија спомен паркот во месноста Свиланово, кај кочанското село Рајчани, каде загинал револуционерот. Исто така, почит на великанот му беше на оддадена со положување свежо цвеќе на спомен обележјата во Паркот на Револуцијата во Кочани и кај селото Тркање.

Култура

Премиерно изведена претставата „Мац Мац“ во велешкиот театар

На сцената на велешкиот народен театар „Јордан Хаџи Константинов-Џинот“ синоќа премиерно беше изведена претставата „Мац,Мац“ инспирирана од „Мачка на вжештен лимен покрив“ на Тенеси Вилијамс во режија и кореографија на Филип Петковски.

Во неа настапија актерите Ведран Чешарек-Брик, Ана Јовановска, Илин Јовановски, Васил Зафирчев, Кети Борисовска, Филип Христовски и Сандра Танчева.

Музиката е на Мориц Вернер од Германија, сценографија на Дардан Жегрова од Косово и Филип Петковски, а костимографијата е на Антонија Гугинска Јорданоска и Гордана Божиновска.

Режисерот Филип Петковски појаснува дека Вилијамс честопати презентира длабоко несреќни и маргинализирани ликови кои се борат со своите внатрешни демони, социјални притисоци и комплексност на нивите човечки односи. Најчесто тие се аутсајдери желни да станат дел од некаква заедница.

Додава дека и во неговата претстава „Мац Мац“ публиката проследи една длабоко несреќна фамилија која сонува за живот, а во кој депресијата не е опција. Но за жал излезот го бара во погрешни вредности и супстанции за да ја прими дневната доза допамин. Појаснува дека тоа за жал тоа се луѓе кои сите ние добро ги познаваме со кои можеме да се поистоветиме или луѓе кои и ние самите сме биле. Потенцира дека за жал тоа е еден од главните проблеми на нашето депресивно општество.

Проектот е финансиран од Интернационалниот фонд за копродукција (Internationaler Koproduktionsfonds) на Гете институтот и Министерството за култура.

Инаку претставата има најава дека ќе биде изведена на фестивалот ФИАТ во Подорица, а потоа и на уште неколку фестивали.

Свет

Волстрит џурнал: Според американските разузнавачи, Путин не стои зад убиството на Навални

Разузнавачките агенции во САД утврдиле дека рускиот претседател Владимир Путин најверојатно директно не наредил да биде убиен опозицискиот лидер Алексеј Навални, објави денеска Волстрит џурнал.

Навални, еден од најжестоките критичари на Путин, почина во арктички казнен затвор во февруари на 47-годишна возраст. Неговите сојузници, вклучително и неговата сопруга, го обвинија рускиот лидер за неговото убиство - обвинение што Кремљ постојано го негира, пишува весникот.

Но, по неодамнешната проценка заснована на низа информации - вклучително и некои доверливи разузнавачки информации и анализа на јавни факти - американските разузнавачки агенции не веруваат дека Путин наредил убиство на неговиот противник.

Проценката, исто така, го зеде предвид времето на смртта и како таа го засени претседателскиот реизбор на Путин во март, пишува весникот, повикувајќи се на свои извори.

Весникот цитира извори кои велат дека заклучокот бил „нашироко прифатен во разузнавачката заедница и споделен од неколку агенции, вклучително и Централната разузнавачка агенција, Канцеларијата на директорот на националното разузнавање и разузнавачката единица на Стејт департментот“.