Шоу биз

Радмила Манојловиќ сподели фотографија која предизвика лавина коментари (фото)

Последниве денови познатата фолк пејачката Рада Манојловиќ е во центарот на медиумското внимание поради нејзините изјави за пластичните операции.

Неодамна изјавила дека размислува малку да се дотера во операциона сала, но не многу, затоа што не и се потребни многу корекции.
-Не можам да кажам дека сум незадоволна од мојот изглед, токму спротивно. Сакам што сум природна и поинаква, но сепак поради некои модни комбинации секако би било добро да се надоместат недостатоците кои секоја жена ги има. Но, сценската гардероба треба да се разликува од онаа која ја носиме секој ден. Така е барем во мој случај Не сакам да одам по улица во кратки пантолони и мини здолништа, ниту пак на сцена носам тренерки. Многу ја почитувам мојата публика и се обидувам секогаш да бидам во тренд. Знаете како, овие долги и убави нозе треба да се видат. За среќа, во моето семејство сите се витки и затегнати како стрели. Иако размислував да посетам пластичен хирург се откажав од тоа“ изјавила Рада, која нејзиниот татко Раде Манојловиќ ја советувал да не го менува тоа што и го подарила природа.

-Се здебелив пет килограми и ми пораснаа градите. Мојот татко ми го влеа стравот и не сакам да одам под нож. Доколку не е преку потребно, зошто да ме сечат, Мојата насмевка е мојот зачин, а силиконите повеќе не се во мода“, завршила пејачката.
Сега повторно дала еден вид на изјава за медиумите – На Инстаграм споделила фотографија на која нема ниту грам шминка. На фотографијата делува задоволна со себе, особено што дамите од сцената ретко делат вакви искрени фотографии.

😇

A post shared by Radmila Rada Manojlovic (@radamanojlovic) on

Свет

Млад Американец за малку ќе убиел свештеник среде служба- му откажал пиштолот (ВИДЕО)

Млад човек е осомничен дека се обидел да убие свештеник за време на служба во Пенсилванија паднал на подот кога пиштолот не испукал, соопшти полицијата.

Бернард Јуниор Полит (26) бил сослушан во полиција.

"Господ ми рече да го направам тоа. Планирав да чекам полицијата да ме уапси", рекол Бернард.

Инцидентот се случил во црквата на Исус Христос во Норт Бредок, нешто по 13 часот.

Осомничениот Бернард Јуниор Полит (26) влегол во црквата и се обидел да го убие свештеникот Глен додека тој служел, пишува Sky news.

Сè е забележано од камерите, додека свештеникот во живо ја пренесувал богослужбата.

За среќа, пиштолот не можел да испука, па свештеникот и еден верник успеале да го разоружаат напаѓачот.

„Благодарен сум на Бога што се уште сум тука, бидејќи тој го повлече чкрапалото“, изјавил свештеникот за американските медиуми.

Отец Глен рече дека напаѓачот се насмеал пред да го повлече пиштолот.

„Почнав да проповедам и наеднаш од левата страна го видов како се движи од задната страна кон предната страна на црквата. Застана и ми се насмевна“, рекол свештеникот.

Следниот момент видел дека младиот човек држи пиштол.

„Во тој момент единствено што можев да направам е да трчам и да барам заштита“, рекол свештеникот.

Тој му се заблагодари на верникот кој скокнал да го задржи напаѓачот.

„Можеше да умре, но тој човек се жртвуваше, тој е херој“, додал свештеникот.

Осомничениот за нападот е уапсен. Мотивот се уште не е познат.

Технологија

Уште еден неуспех на Боинг- одложено е лансирање на ракета во орбитата, следен обид е на 10 мај

Комерцијалното вселенско летало Старлајнер на Боинг вечерва не полета во вселената, како што беше планирано и најавено.

Причина за уште едно одложување е проблемот со ракетата Atlas V, а се верува дека за ново лансирање нема да се размислува до 10 мај.

- Денешното лансирање на Старлајнер беше откажано затоа што тимовите процениле дека системот за ослободување кислород на сцената Кентаур на вселенското летало Атлас V. Нашите астронаути излегоа од Старлајнер и се вратија во своите простории - објави НАСА на Икс (Твитер).

Старлајнер на Боинг е комерцијално вселенско летало кое чека со години, но неговото завршување беше многупати одложувано, како и неговото прво лансирање. Досега беше лансиран, но без екипаж, во 2019 и 2022 година. Сепак, целта е да се натпреварува со вселенското летало на Илон Маск, SpaceX, кое моментално превезува астронаути до Меѓународната вселенска станица.

Леталото, со помош на ракетата Атлас V, треба да го има првото лансирање од Зеленортските Острови по Аполо 7 во 1968 година.

Патем, ракетата Atlas D е изградена како прва американска интерконтинентална балистичка ракета, но Atlas D беше модифицирана за да ги лансира првите американски астронаути во вселената. Се разбира, Atlas D и Atlas V се слични само по името. Модерната верзија е дизајнирана од компанијата Локид Мартин, а има руски мотор RD-180 во првата фаза од летот и за време на горната етапа на Кентаур. Воведена е во 2002 година и е најдолготрајната ракета во употреба, а се очекува наскоро да биде пензионирана, пишува CollectSpace.

Живот

Ужас во Намибија: Нилски коњ излезе од река и нападна туристи во чамец (ВИДЕО)

На интернет кружи грозоморно видео од Намибија, каде нилски коњ ги напаѓа туристите кои крстареле по реката Чобе.

И покрај напорите на капетанот да избегне „блиска средба“, водениот џин се приближил, ги покажал вилиците и го нападнал чамецот.

Сведоците велат дека пловилото полека се движело, додека љубопитните туристи гледале група нилски коњи од безбедно растојание.

Одеднаш, еден се упатил кон нив, а пропелерот на моторот се заглавил во плитката вода и немало време за бегство, пренесува The Sun.

На видеото се гледа како монструозното животно ги забива челустите во чамецот и го уништува надворешниот мотор. Унишен е и дел од коритото, а туристите седат преплашени.

„Не можев да верувам што се случува“, изјавила Џеки Бошоф подоцна.

Таа додава дека капетанот внимавал и ги исклучил моторите за да може чамецот тивко да се приближи до групата нилски коњи.

Сепак, еден од мажјаците решил да ги избрка „непоканетите гости“.

„Одеднаш нѐ нападна. Капетанот се обиде да маневрира, но се заглавивме во плитка вода. Дури подоцна сфативме дека покрај мажјакот има и младенче“, изјавила Бошоф.

притисни ентер