Регион

Штрајкот на словенечките доктори трае со месеци, имаат само две барања

Состојбата во повеќето болници во Словенија е стабилна и покрај долготрајниот штрајк на лекарите, соопштија претставници на словенечкото Министерство за здравство по денешната средба со директорите на болниците.

Државниот секретар во Министерството за здравство Марјан Пинтар изјави дека состојбата во повеќето болници не се влошува, туку дека штрајкот ја влошува состојбата во однос на листите на чекање, а најпогодени се областа на хирургија и радиологија, соопшти агенцијата СТА.

Министерството реагираше и на неодамнешното протестно писмо од матичните лекари, во кое се вели дека бројот на матичните лекари не може да се зголемува преку ноќ.

- Директорите на болниците се претпазливи за следните месеци, знаејќи дека до јуни лекарите ќе мора да ги користат деновите на одмор од 2023 година, што ќе го отежне уште повеќе планирањето на работата и обезбедувањето непречен пристап до здравствена заштита - изјави словенечката министерка за здравство Валентина Преволник Рупел по онлајн состанокот.

Пинтар предупреди и дека ситуацијата може дополнително да се влоши во летните месеци.

Од министерството велат дека се трудат што поскоро да го прекинат штрајкот на здравствените работници.

Продолжувањето на преговорите со синдикатот на лекари Фидес е закажано за следниот четврток.

Министерството вчера одговори и на неодамнешното протестно писмо од матичните лекари, во кое се наведува дека бројот на матични лекари не може да се зголемува преку ноќ.

Повеќе од 300 матични лекари во понеделникот испратија отворено писмо до Владата, Министерството и Лекарската комора за да ја изразат својата загриженост поради повиците за зголемување на бројот на регистрирани пациенти по матичен лекар во услови на голем недостиг на лекари од општа медицина.

Синдикатот на словенечките лекари Фидес на 15 јануари започна генерален штрајк, почитувајќи го минималниот работнички процес, барајќи повисоки плати и системот на плати за лекарите и стоматолозите да биде одделен и независен од општиот систем на плати во јавниот сектор.

Синдикатот најави дека штрајкот ќе продолжи сѐ додека не се исполнат барањата.

Технологија

Фајненшл Тајмс му дозволи на ЧатЏПТ да ги користи неговите написи за обука

Фајненшл тајмс потпиша договор со OpenAI за лиценцирање на содржината на весникот за развој на модели со вештачка интелигенција и дозволи ChatGPT да одговара на прашања со резимеа што му се припишуваат на весникот.

Развивачот на вештачка интелигенција склучил договор за лиценца со британскиот деловен весник и ќе може да користи написи од Фајненшл Тајмс, се вели во соопштението. ChatGPT, исто така, ќе може да одговара на прашањата на корисниците со информации од написите на Фајненшл Тајмс, вклучително и линкови до веб-страницата на весникот.

Во последниве месеци, германската Axel Springer Group и францускиот весник Монд (Le Monde) потпишаа договори со OpenAI. Од друга страна, Њујорк Тајмс во декември ја изведе компанијата на суд, тврдејќи дека ChatGPT бил обучен со написи на весникот без дозвола.

ChatGPT го поттикна интересирањето околу вештачката интелигенција пред повеќе од една година.

Ваквите генеративни чет-ботови со вештачка интелигенција се обучени со огромни количини на информации и можат да формулираат текстови на лингвистичко ниво на човек, да пишуваат софтверски код и да сумираат информации.

Принципот зад ова е дека чет-ботовите проценуваат од збор до збор како треба да продолжи реченицата, врз основа на веројатност.

Фудбал

Манчестер јунајтед именуваше тројца играчи кои нема да го напуштат клубот на лето

Раководството на Манчестер јунајтед одлучи за фудбалерите околу кои ќе го гради тимот во блиска иднина.

Според „The ​​Telegraph“, станува збор за крилниот напаѓач Алехандро Гарначо, играчот од средниот ред Коби Мејну и напаѓачот Расмус Хојлунд. Забележано е дека овие играчи нема да бидат достапни за трансфери во други клубови.

Деветнаесетгодишниот Гарначо оваа сезона одигра 45 натпревари за Манчестер јунајтед на кои постигна девет гола и забележа пет асистенции.

Врсникот на Гаранчо, Мејну има 27 натпревари, три гола и една асистенција.

Дваесет и едногодишниот Хојлунд постигна 14 гола и направи две асистенции на 38 натпревари за тимот од „Олд Трафорд“.

Македонија

Барометар на корупција на Транспаренси Интернешнл-Македонија - „Бистро-Матно“

Според  барометарот на Транспаренси Интернешнл-Македонија, стои во соопштението, како „матни“ настани се наведени забечешките од извештајот на Стејт Департментот за сериозна владина корупција и политички унапредувања во судството и об

Барометарот на корупција на Транспаренси Интернешнл-Македонија за април по нивното следење на случаи и дејствија поврзани со коруптивни однесувања и борбата против корупцијата, наречена „Бистро-Матно“, во „бистрите“ настани ги посочува уапсените 17 припадници на затворската полиција поради поврзаност со бегство на затвореник и МВР ќе поднесе две кривични пријави поврзани со изборите.

Според барометарот на Транспаренси Интернешнл-Македонија, стои во соопштението, како „матни“ настани се наведени забечешките од извештајот на Стејт Департментот за сериозна владина корупција и политички унапредувања во судството и обвинителството, како и оценката од Фридом Хаус за назадување во владеењето на правото и борбата против корупцијата во Македонија. Посочни се и случаите на Управниот суд и Академијата за судии и јавни обвинители, жалбите од граѓаните кај Омбудсманот за долги предистражни постапки на ОЈО Скопје со што застаруваат кривичните дела и Управниот суд кој поништи над 3.000 решенија за унапредување и вработување во Министерството за финансии и јавниот сектор.

притисни ентер