Култура

Симпозиум: Намален интересот на издавачите за книги за деца и млади

Македонија во последните две децении на полето на литературата за деца и млади го губи чекорот со европските земји, беше речено на 43.

Меѓународна средба на книжевните преведувачи што се одржа денеска во манастирскиот комплекс „Свети Атанасиј“ во Лешок.

На симпозиумот учествуваа околу 40 книжевни преведувачи од земјава и странство.

- Издавачките куќи не се многу заинтересирани за издавање книжевни дела за оваа популација. Многу мал е и бројот на книжевни дела од странски автори кои пишуваат за деца и млади преведени на македонски јазик, како и дела од македонски автори преведени на други јазици, истакна претседателот на Средбата Стефан Симоски.

Според него, токму Меѓународната средба треба да овозможи повеќе контакти меѓу книжевните преведувачи, како и соработка за преведување на книжевните дела за деца и млади на и од македонски јазик.

- Улогата на преведувачот е значајна и одговорна зашто тој преку преводот кој е основна алка во синџирот на комуникација, ја презема одговорноста да го овозможи подемот на убаво пишаниот збор од еден јазик на друг, да постави мост меѓу два одвоени света, да пронајде заемна врска меѓу две култури.

Но уште позначајно е да се создаде поволна клима во која децата и младите ќе сакаат да читаат што ќе придонесе за поголема побарувачка на книжевни дела, оцени Симоски.

Во рамки на годинашната средба ќе биде промовиран францускиот превод на книга на истакнатиот македонски сатиричар Тоде Блажевски, а книгата од македонски на француски јазик ја преведе професорката Дореана Христова.

Утре, поради подготовките за манастирската слава „Св. Богородица“, симпозиумот продолжува со работа во Скопје.

Преведувачките награди за 2014 година согласно препораките на Светската федерација на преведувачите и УНЕСКО ќе бидат врачени во Скопје на свечен собир на 30 септември по повод Светскиот ден на преведувачот. /МИА

Здравје

На пролетен фестивал во Германија, повеќе од 800 луѓе се заразиле со стомачен грип

 Повеќе од 800 луѓе се заразиле со норовирус (стомачен грип) на пролетниот фестивал во Штутгарт, град во југозападна Германија, јави Би-Би-Си.

Не е познато како се шири вирусот, но бројот на заразени значително се зголеми во текот на неделата.

Претставниците на властите во Штутгарт веруваат дека изворот на инфекцијата не е храната и пијалоците кои се служат во фестивалскиот шатор, бидејќи анализираните примероци биле негативни.

Тестирани се и персоналот, како и садовите и водата што се користат за миење.

Градскиот здравствен институт смета дека вирусот се пренесувал од човек на човек, преку капки, иако не се знае кој го донел вирусот - посетител или вработен.

Посетителите набрзо се пожалиле на повраќање, дијареа и гадење.

Градските здравствени власти објавија дека до петок, 26 април, биле заразени 815 лица. Пролетниот фестивал на падините на реката Некар започна на 20 април и ќе трае 23 дена.

Живот

Барнли го осуди навивачкото скандирање за трагедијата во Минхен

Раководството на премиерлигашот Барнли го осуди однесувањето на дел од своите навивачи кои за време на саботниот натпревар против Манчестер Јунајтед скандираа навредливи пораки за трагедијата во Минхен во 1958 година.

Раководството на премиерлигашот Барнли го осуди однесувањето на дел од своите навивачи кои за време на саботниот натпревар против Манчестер Јунајтед скандираа навредливи пораки за трагедијата во Минхен во 1958 година, во која, меѓу другите, загинаа осум фудбалери на Јунајтед.

Во саботата Барнли успеа да освои бод против Манчестер Јунајтед на „Олд Трафорд“ (1:1), а на социјалните мрежи се појави видео на кое може да се забележат скандирања и недолични гестови меѓу навивачите на Барнли во врска со трагедијата во Минхен.

„Гестовите и скандирањето во врска со трагедијата е целосно неприфатливо однесување и фудбалскиот клуб Барнли не го толерира. Ќе работиме со полицијата и Манчестер Јунајтед за да помогнеме во идентификувањето и кривичното гонење на одговорните лица“, се вели во соопштението на Барнли, пренесе Би-Би-Си. (ББЦ).

Во авионска несреќа во Минхен во 1958 година, загинаа 23 лица, меѓу кои и осум фудбалери на Манчестер Јунајтед.

Технологија

Сопственикот на Тесла, Илон Маск, во ненајавена посета на Кина

 Сопственикот на „Тесла“, „SpaceX“ и на социјалната мрежа „X“ Илон Маск, кој е еден од најбогатите луѓе во светот, пристигна денеска во Кина, соопштија претставници од Пекинг за кинеската централна телевизија.

„Извршниот директор на Тесла, Илон Маск, пристигна во Пекинг попладнево на покана на Кинескиот совет за промоција на меѓународната трговија“, објави кинеската централна телевизија.

Посетата не беше однапред најавена.

Според западни медиуми, Маск ќе се сретне со високи претставници на кинеската влада за да разговара за имплементацијата на софтверот за автоматизирано возење и да побара одобрение за пренос на податоците собрани во земјата за обука на алгоритми за технологии за автономно возење.

притисни ентер