Свет

Украина наскоро би ги добила првите авион Ф-16, ќе ги чуваат во подземни бункери

Украина би можела да го добие првиот авион Ф-16 по Велигден, но точниот датум се уште не е одреден, најави Илја Јевлаш, портпарол на украинските воздухопловни сили.

Како што објави „Киевпост“, тој истакна дека не може со сигурност да каже кога тоа ќе се случи, имајќи предвид дека во неколку наврати се одложува датумот на испорака на првите американски борбени авиони во Киев.

„Доставата се очекува по Велигден, би сакале да ги добиеме што е можно поскоро и да објавиме дека пристигнале“, изјави Јевлаш.

Тој потврди дека украинските пилоти се обучуваат на овие авиони во Данска и во САД. Според портпаролот на украинските воздухопловни сили, веќе се преземени мерки за да се осигура дека авионите се безбедни откако ќе бидат испорачани во Украина.

„За тоа, најпрво е неопходно правилно да се подготви базата за нив. Ова вклучува колосални трошоци, вклучувајќи подземни засолништа и бункери. Затоа, во моментов се развиваат методи за тоа како точно може да се сместат“, рече Јевлаш.

Тој посочи дека по добивањето на авионите Ф-16, вооружените сили на Украина ќе можат да изведат различни операции за одбивање руски воздушни напади и нанесување штета на непријателот. Поточно, 16 борбени авиони ќе бидат распоредени на различни типови на аеродроми, што ќе им отежне на Русите да ги откријат украинските авиони. Ќе се користат различни методи за да се измами непријателот.

Во март годинава, холандската министерка за одбрана Кајса Олонгрен изјави дека првата пратка авиони Ф-16 ќе ѝ биде испорачана на Украина од Данска ова лето. Ова го потврди Дмитро Кулеба, шеф на украинската дипломатија.

Минатата есен, Јенс Столтенберг, генералниот секретар на НАТО, изјави дека испораката на авиони Ф-16 сигурно ќе ги зголеми воените капацитети на Украина, но дека тоа нема да биде „сребрен куршум“ кој драстично ќе ја промени ситуацијата на фронтот.

Се огласи и Дмитриј Песков, портпаролот на Кремљ, кој рече дека испораката на авионите Ф-16 нема да го промени исходот од конфликтот и дека руската армија ќе ги уништи, како и другите украински оружја.

Живот

Побеснет бик фрла жена како да е кукла- ја молеле да не му приоѓа, не ги послушала (ВИДЕО)

На социјалните мрежи кружи застрашувачко видео снимено на плажата Ла Фортуна, во близина на мексиканскиот град Сан Лукас.

Туристка се обидела да ги собере работите, кога бик опасно ѝ се приближил. Луѓето се обиделе да ја предупредат, но таа не послушала.

На почетокот, жената во црн фустан ги собира работите од песокот, додека бикот ги мириса. Слушаме како луѓето ја предупредуваат да побегне.

„Премногу си играте со него. Ве молам, немојте да го правите тоа“, рекол еден маж.

Меѓутоа, жената не се откажала и ја ставила раката на главата на животното, како да го турка.

„Ве молам, не го правете тоа“, продолжил да се моли човекот.

Опасното животно молскавично реагирало и ја удрило жената со рогови. Сведоците на инцидентот почнале да врескаат, пренесува Daily Mail.

Туристката успеала да стане, но бикот повторно ја соборил на песокот. Се кренала прашина, а никој не се осмелил да ѝ пријде и да ѝ помогне на несреќната жена.

„Се обидувавме да ви кажеме“, се слушаат извици.

Останува нејасно од каде дошол бикот на плажата и зошто ѝ пришол на жената. Во исто време не се знае нејзиниот идентитет и со какви повреди се здобила или дали е жива.

Технологија

Аватари на починати за 46.000 евра- дигитална реинкарнација преку вештачка интелигенција

Враќањето на мртвите во живот преку технологија до неодамна беше поврзано само со филмови, но со напредокот на вештачката интелигенција - вакво нешто повеќе не е само прашање на фикција.

Технолошкиот сектор за тага, познат и како „технологија на смртта“, сега се проценува на повеќе од 100 милијарди фунти на глобално ниво, според веб-страницата за технолошки вести TechRound.

- Го клонираме изгледот на една личност до 96,5% сличност со оригиналната личност - вели Мајкл Јунг, финансиски директор на DeepBrain, една од компаниите кои фиктивно ги враќаат луѓето во живот.

Компанијата верува дека овој вид технологија може да биде важен за развојот на културата на „добра смрт“, каде што однапред се подготвуваме за смртта на најблиските, оставајќи ја семејната историја, приказни и спомени како дел од наследството.

Сепак, процесот не е евтин и корисниците не можат сами да креираат аватар. Наместо тоа, тие треба да ѝ платат на фирмата до 50.000 долари. И покрај оваа висока цена, некои инвеститори се уверени дека ќе биде популарна, а DeepBrain собра 44 милиони долари во својот најнов круг на финансирање.

Психологот Лаверн Антробус предупредува дека треба да се биде многу внимателен кога се користат такви „технологии на тага“ во периоди на силни емоции.

- Загубата е нешто што нѐ изненадува. Може да мислите дека сте прилично блиску до тоа да бидете добро, а потоа нешто може да ве врати назад – вели таа, а пренесува Би-би-си.

Антробус додава дека луѓето не треба да брзаат да го користат четботот на изгубената сакана личност.

- Треба да се чувствувате прилично цврсто пред да користите вакво нешто. Сфатете ги работите многу, многу бавно.

Таа исто така, предупредува дека не постои замена за човечката поддршка кога станува збор за надминување на тагата.

- Навистина не можам да замислам дека технологијата ќе ги преземе традиционалните аспекти на жалоста, кои се однесуваат на чувството на блискост со луѓето, чувството на грижа за нив, чувството на благодарност.

Свет

Камион виси на мост во Кентаки: Пожарникари ја извлекуваат жената- возач (ВИДЕО)

Во судница во Кентаки е прикажано видео од спасувањето на жена која возела камион што виси над река откако нејзиното возило излета преку оградата на мостот.

На видеото се гледа и несреќата што довела до оваа неверојатно опасна ситуација на мостот Кларк во Луисвил, Кентаки, пренесува ABC 7.

Видеото од 1 март покажува како возачката избегнува автомобил запрен на мостот, за да удри во камионот следниот момент. Можете да ја видите и снимката од камерата од кабината на камионот - едната што ја снимила возачот, а другата што ја прикажува ситуацијата пред камионот.

Сидни Томас (26) која го управувала камионот, иако се трудела максимално да го контролира возилото, не успеала и изгубила контрола над него - камионот наеднаш свртел налево и ја пробил оградата на мостот. Кабината на камионот во кој се наоѓала Сидни во следниот момент висела на околу 30 метри од водата. Таа очајно се држела за воланот за да не испадне од кабината.

На пожарникарите од Луисвил им требало речиси еден час за да ја одведат на безбедно, па беа поздравени како херои, што и заслужиле.

Возачот на пикапот што ја предизвикал несреќата, 33-годишниот Тревор Бранам, се соочува со повеќе обвиненија, меѓу кои и суспендирање на дозволата. Тој бил на суд завчера и се уште не се пријавил со своја одбрана.

Еве како изгледаше оваа страшна несреќа:

притисни ентер