Поделена во шест тематски групи,или т.н. кластери, кои меѓудругото вклучуваат поглавја за правда, надворешни работи, безбедност и слобода, реформана јавната администрација, слобода на медиуми и стабилна економија. Сепак, клучно за земја кандидатка како Македонија ќе биде владеењето на правото, со кое се предвидува да започнат и да завршат преговорите за членство. Методологијата во себе ќе го содржи и процесот на реверзибилност, врз основа на кој ќе зависи напредокот на секоја држава.
Прва тематска група: Основи
Втора тематска група: Внатрешни пазари
Трета тематска група: Конкурентност и раст
Четврта тематска група: Зелена Агенда и одржлива поврзаност
Петта тематска група: Ресурси, земјоделство и кохезија
Шеста тематска група: Надворешни работи
Вархељи додаде и дека со новата методологија, Унијата сака да стави до знаење на земјите од Западен Балкан дека доколку бараните реформи се спроведат и одржат, Унијата од своја страна ќе испорача. Дополнително, исполнувањето на реформите покрај од Европската Унија, ќе биде следен и од експертски тимови на земјите- членки.. Евокомесарот изрази надеж дека Македонија и Албанија може да добијат зелено светло за преговори и пред загребскиот самит во мај.
-Нема редослед во кластерите, единствениот редослед е во тоа што најпрво ќе ги започнеме со владеењето на правото, и со тоа ќе ги затвориме сите преговори. Редоследот на приоритети ќе зависи од самата земја кандидат.Најтешкото прашање кога го правевме пакетот, беше дека има силно мислење дека процесот мора да биде реверзибилен кога нема напредок, во таква ситуација јасно треба да воспоставиме слични мерки. Ќе има извештај за Македонија и Албанија и ќе го следиме напредокот на овие две земји за да имаме одлука за отворање на преговори со нив и пред самитот во Загреб,изјави Оливер Вархељи – Еврокомесар за проширување.
На новинарско прашање, дали новата методологија е начин за државите кои преговараат да се држат во постојана неизвесност, Вархељи вели дека напредокот помеѓу тематските групи ќе зависи од секоја држава индивидуално.
-Дали кластерот е кафез или не, како што ви објаснив, мислам дека тоа не е кафез, тоа е голема прилика затоа што можете да ги отворите сите поглавја кои се поврзани со кластерот и да преговарате за секое поглавје поединечно,вели Оливер Вархељи – Еврокомесар за проширување.
Во пресрет на објавувањето на новата методологија за проширување, се огласи и претседателката на Европската комисија Урсула Фон Дер Лајен, која порача дека новата методологија е веродостоен и динамичен план, кој го отвара патот за почеток на преговори со Македонија и Албанија.
Нацрт методологијата по презентирањето, е неопходно да се усвои од сите 27 земји членки на унијата, што треба да се случи на Европскиот Совет кон крајот на март, кога е и најоптимистичкиот тајминг да се додели датум за преговори за земјава.