„Катастрофа!“, со овој збор пред камерата на Канал 5 најголем дел од нив ја објаснуваат состојбата со паркингот.
Во меѓувреме, договорот со кој Владата го даде на стопанусување овој паркинг на ЈП „Градски паркинг“ во време кога градоначалник беше Коце Трајановски, веќе е истечен, а Службата за општи и заеднички работи на Клиничкиот центар побарала таа да го преземе управувањето. Ваквото барање преку Министерството за здравство е предадено во Владата и сега се чека на владина одлука.
Од Владата потврдуваат дека го добиле барањето, од таму пак, бараат од Службата за заеднички работи, Министерството за здравство и Министерството за транспорт да подготват да дадат соодветен усогласен предлог за надминување на проблемот.
Од Кабинетот на Министерот за здравство пак за Канал 5 велат дека за решенија веќе имаат подготвена физибилити студија од време кога со Министерствотото раководел Венко Филипче. Потврдуваат дека ќе се градат монтажни гаражи, а велат дека не се исклучува можноста со паркингот да управува приватна фирма, како порано.
Паркираните возила на среде улица или зелена површина само го потврдуваат проблемот паркингот. Надлежните велат дека ќе го решат, но останува отворено прашањето дали со инвестирањето во стариот, властите полека но сигурно се откажуваат од идејата за изградба на нов клинички.