Не сака сали за вежбање и следи посебен режим на исхрана.
Наоми Кембел (53) многумина ја сметаат за една од најубавите жени во светот. Таа со децении е во светот на манекенството и изгледа како да не остарела ниту еден ден.
Но, на секој што ја видел нејзината мајка му е јасно дека е благословена со добра генетика, но сепак оваа убавица води здрав начин на живот. Таа својот прекрасен изглед го одржува со ригорозна рутина на вежбање и строги прехрамбени навики. Пред неколку години, таа започна да соработува со тренерот Џо Холдер, избегнувајќи ги традиционалните тренинзи во салите за вежбање во корист на холистички пристап кон фитнесот.
-Вежбам, но не во сала, не користам опрема. Не можам да вежбам во сала, тоа ме нервира. Вежбањето никогаш не ми се допаѓало пред да почнам да соработувам со Џо. Ми се допаѓа начинот на кој вежбам, но не се работи за тоа што ми се допаѓа. Станува збор за напад на телото во различни сегменти и одржување кондиција – изјавила Наоми.
Навики во исхраната
Наоми следи единствен распоред на оброци, кој се сведува на еден оброк дневно.
- Ручекот е мојата вечера бидејќи навистина јадам само еднаш дневно. Недела е денот кога се им препуштам на задоволствата – колачите или пудингот – открила таа.
Покрај тоа, таа избегнува млечни производи и глутен, а во екот на манекенската кариера постела со денови пред модните ревии.
- Ако не чувствувам потреба за храна во текот на денот, едноставно не јадам. Пијам вода и сокови. Зависи како се чувствувам. Во текот на летните месеци и жештините сакам само да пијам сокови – објаснила таа.
Овие неконвенционални практики во исхраната и методите на пост фрлаат светло врз уникатниот пристап на Наоми Кембел во исхраната и самодисциплината. Шон Џон, нејзиниот готвач сподели без кои намирници оваа манекенка не може да го замисли денот.
- Готвам за неа една деценија. Моја задача е од намирниците што Наоми сама ги набавува да направам еден оброк дневно, многу едноставен и здрав. Таа е „итал“, што е јамајкански збор за личност која следи вегетаријански режим на исхрана. Кога патува, ѝ приготвувам храна за патувањето бидејќи авионската храна не ѝ годи - изјави Шон Џон за Пејџ Сикс.
Извор: srecna.republika.rs