Живот

Момче во река пронашло заб од мамут , стар 10 000 години (ВИДЕО)

12- годишно момче од американската држава Охајо случајно наишло на огромен заб од мамут , стар 10 000 години.

12 годишниот Џексон Хапнер бил на излет во местото Хани ран , каде што работел негов роднина. Тој се прошетал до реката , каде што наишол на чуден назабен фосил.

"Неговиот татко и чичко многу знаат многу за природата и животните. Веднаш на интернет најдоа дека тоа е всушност заб на изумрен мамут", рече Џејсон Нис, сопственик на летувалиштето.

Семејството на Џексон и сопственикот на гостилницата контактирале со различни експерти, меѓу кои и археологот П. Ник Кардулиас, кој предава на колеџот на Воустер. Научниците потврдија дека се работи за заб од мамут , додавајќи дека станува збор за горен, трет молар.

„Џксон беше крајно возбуден кога го најде забот, но неговиот ентузијазам се зголеми уште повеќе кога дозна дека станува збор за фосилизиран заб на мамут“, рече Џош Хепнер, таткото на Џексон.

Според енциклопедијата за историјата на Охајо, фосили од мастодонти и мамути што исчезнале пред околу 10 000 години биле наоѓани и претходно во таа држава.

Кошарка

Најтрофејниот европски тренер останува на клупата на Партизан

Легендарниот тренер на кошаркарскиот клуб Партизан, Жељко Обрадовиќ потпиша нов договор со црно-белите од Белград.

Трофејниот тренер според информациите на порталот „Нова“,договорил продолжување на соработката со својот омилен клуб.

Рекордерот на Евролигата на клупата на црно белите повторно седна во 2021 година по скоро 30 години работа во најдобрите европски клубови.

Под негово водство експресно клубот се врати во најсилното европско натпреварување, каде во првата сезона по враќањето беше блиску до пласман на фајналфор турнирот.

Минатата сезона Партизан по 10 години стана шампион во АБА лигата, а сезонава црно белите се вистинска атракција за сите љубители на кошарката од Европа и се убедливо најгледаниот кошаркарски клуб на Стариот континет .

-Ова е мој клуб, мој град. Горд сум што ја продолжуваме соработката, истакна Обрадовиќ.

Македонија

Ковачевски: Никогаш повторно режим, не се откажавме на 27 април, нема да се откажеме ниту на 8

Претседателот на СДСМ Димитар Ковачевски денеска на својот профил на Фејсбук напиша дека 27 април е најцрниот датум во историјата на нашата демократија потенцирајќи дека како што тие не се откажале од овој ден, така нема да се откажат и од 8 мај.

- Никогаш да не ги заборавиме сликите од крвавиот четврток, сликите на насилниците поттикнати од ВМРО-ДПМНЕ кои извршија упад во Собранието, се обидоа да убијат пратеници, да повредат новинари и вработени во собраниските служби, кои сакаа да да го урнат уставниот поредок. На 27 април пред седум години, се виде до каде може да одат поделбите и омразата, желбата за пресметка со сите оние кои мислат поинаку. Овој датум е потсетник колку лесно опасна, десничарска власт може да ја уништи стабилноста и демократијата, да ја уназади државата. Тогаш не се откажавме од борбата за подобра иднина на граѓаните, за слободна и демократска држава. Нема да се откажеме ниту сега. СДСМ е партија направена од цврст материјал и секогаш на вистинската страна од историјата. Како што не се откажавме на 27 април, нема да се откажеме ниту на 8 мај. Никогаш повторно режим, напиша претседателот на СДСМ Ковачевски на Фејсбук.

Свет

Бајден и Трамп прифаќаат дебата пред претседателските избори

Американскиот претседател Џозеф Бајден и неговиот противкандидат на претседателските избори во ноември, Доналд Трамп, соопштија дека прифаќаат јавна дебата пред изборите.

81-годишниот Бајден, кој се кандидираше за втор мандат, во радио интервју, прашан дали би учествувал во јавна дебата со неговиот 77-годишен претходник од републиканците рече дека „со нетрпение би го очекувал“.

Ова е прв пат Бајден јасно да стави до знаење дека е подготвен за дебата со својот републикански ривал.

Трамп, кој одби да учествува во дебати дури и со ривалите од сопствената партија, пак изјави дека е подготвен за дебата со Бајден „во секое време, каде било“.

притисни ентер