Скијање

Норвешки скијач ја покажа страшната повреда, по падот со 145 км/час (ВИДЕО)

Норвешката скијачка ѕвезда Александар Аамод Килде, кој падна со 145 км/час на последниот свиок од спуст во Венген, Швајцарија, и во саботата заврши во заштитната шина, беше опериран во болницата во Берн.

Норвешката скијачка ѕвезда Александар Аамод Килде, кој падна со 145 км/час на последниот свиок од спуст во Венген, Швајцарија, и во саботата заврши во заштитната шина, беше опериран во болницата во Берн, но избегнал скршеници на коските и оштетување на лигаментите на коленото. Килде го скина десниот мускул на потколеницата при падот и се здоби со изместување на рамото.

Со вестите за здравствената состојба на Килдео, што е многу подобра отколку што беше веднаш по падот, за што беше потребно тој да биде префрлен со хеликоптер од патеката во болница, постои можност уште да го видиме победникот на Големиот кристален глобус за 2020 година на патеката во оваа сезона. Сепак, во моментов нема прогнози за тоа кога Килде ќе може повторно да се натпреварува.

Килде денеска објави неколку фотографии на Инстаграм, а меѓу нив се најде и онаа од застрашувачкиот рез кој го заработи по падот. Фотографијата е вознемирувачка и е во галеријата подолу.

Македонија

Состојба на патиштата

Сообраќајот на државните патишта се одвива непречено, по суви коловози. 

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Македонија

ЦУК: Осум пожари на отворено во изминатото деноноќие

Во последното деноноќие се евидентирани осум пожар на отворен простор, а активни утрово нема. Горела ниска вегетација, депонии и ѓубришта, соопшти ЦУК.

По еден пожар на отворено имало во село Трубарево (ниска вегетација), зад терминалот на влезот во Струмица (ѓубриште) и кај пробиштипското село Неокази (трска). Во Општина Ѓорче Петров имало два, кај „Стопански двор“ (ниска вегетација) и кај „Обиколница Волково“ (ниска вегетација). Три пожари на творено имало во Општина Кочани - горела градската депонија, кај месноста „Монополски Бавчи“ (ѓубриште) и кај местото „Игралиште“ во Кочани (ѓубриште).

Забава

Танц парада и мини концерт во Струга по повод Светскиот ден на танцот

Со танц парада и мини концерт на отворено, под мотото „Струга танцува“ студиото за танц „Бах“ денеска по четврти пат ќе го одбележи Светскиот ден на танцот - 29 април.

Тања Бах, кореограф и идеен творец на студиото за танц информира дека членовите на „Бах“ ќе тргнат од центарот за култура „Браќа Миладиновци“, покрај кејот на реката Црн Дрим ќе продефилираат низ Струшката чаршија, а потоа ќе одржат концерт во Паркот на поезијата.

-Танц парадата е еден креативен начин да го одбележиме Светскиот ден на танцот. Парадата е нашиот придонес во културните настани во градот на мостовите. Ќе приредиме едно вистинско уживање за публиката и на за нас својствен начин ќе потсетиме за физичките и психичките придобивки од танцувањето, изјави Бах.

Во Паркот на поезијата, додаде, 100-тината членови на „Бах“ ќе ја продолжат танцовата традиција во Струга.

Светскиот ден на танцот за прв пат е прославен на 29 април 1982 годинаа, оттогаш, секоја година на овој ден ширум светот се читаат меѓународни и национални пораки за танцот. Оваа иницијатива ја покрена Меѓународниот одбор за танц на Меѓународниот инститиут за танц на УНЕСКО, а го избра денот според роденденот на зачетникот на модерниот балет и еден од најголемите танцови реформатори, Жан Жорж Новер. /МИА

притисни ентер