Здравје

СЗО:Постои „висок ризик од биоопасност“ во Судан, запленета е лабораторија во која имало вируси

Постои „висок ризик од биоопасност“во Картум, главниот град на Судан, откако една од завојуваните страни запленила лабораторија во која имало вируси на мали сипаници, патогени на колера.

Постои „висок ризик од биоопасност“во Картум, главниот град на Судан, откако една од завојуваните страни запленила лабораторија во која имало вируси на мали сипаници, патогени на колера и други опасни материјали, соопшти светската здравствена организација

Претставникот на СЗО за Судан, Нима Саед Абид, зборувајќи со новинарите во Женева преку видео врска, рече дека техничарите не можат да пристапат до националната лабораторија за јавно здравје за да ги обезбедат материјалите.

Судирите во земјата избија на 15 април меѓу суданските вооружени сили и паравоените сили за брза поддршка РСФ.

Според податоците на СЗО,во судирите во Судан најмалку 459 лица загинале, а 4.072 се повредени.најмалку пет хуманитарни работници се убиени од избивањето на конфликтот, а агенциите на он кои го загубија персоналот, меѓународната организација за миграција и светската програма за храна ги прекинаа своите активности.

Македонија

Јавниот превоз во Скопје денеска по неделен возен ред

Поради празникот 1 Мај – Меѓународниот ден на трудот, денеска  јавниот превоз во Скопје ќе сообраќа по неделен возен ред.

Од ЈСП Скопје информираат дека жичницата ќе работи со вообичаено работо време, а дежурни ќе бидат две билетарници. Од 7 до 14 часот ќе работат билетарниците на Транспортен центар и таа во Ѓорче Петров.

Од јавното претпријатие додаваат дека жичницата ќе работи два часа повеќе од досега, односно од 10 до 20 часот.

-Во период од 19-19.30 часот е последно возење од долу кон врвот, односно во 19.45 часот е последно возење од врвот надолу, велат од ЈСП Скопје.

Работното време е согласно со Одлуката за работно време на Жичарницата во период мај – септември.

Македонија

ЦУК апелира до граѓаните на внимателност при палење оган на отворено

Центарот за управување со кризи апелира до граѓаните на внимателност при палење оган на отворено за Меѓународниот ден на трудот - 1 Мај.

-За првомајскиот празник традиционално граѓаните излегуваат во природа и на излетнички места. Апелираме за внимателност при палење оган на отворено за првомајскиот празник, како и секогаш кога се престојува во природа. Ако се пали оган на отворено при одењето на излет, таму каде што нема посебно направени огништа за правење скара, тоа да се прави внимателно и пред заминување од местото, обврзно да се изгасне жарта од огнот, велат од ЦУК.

Македонија

На првиот ден од мај променливо облачно и топло, попладне локален дожд

Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи.

Минималната температура ќе биде во интервал од 6 до 12, а максималната ќе достигне од 20 до 27 степени.

Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени.

Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.

Дневната температура од четврток до сабота ќе биде во постепено опаѓање.

притисни ентер