Медиумите често шпекулираат дека нејзиниот брак со принцот Алберт од Монако е само фарса, а таа сето тоа остро го демантира.
Меѓутоа, нејзиниот секогаш здрвен израз на лицето оддава или личност која ретко се смее или користење на ботокс.
Шарлин Витсок, денеска попозната како принцезата од Монако, поранешна олимписка пливачка која се венчала за Алберт II и со кого има близнаци не делува како да живее во бајка.
Дури во 2000 година кружеа гласини дека сакала да побегне од Монако, бидејќи нејзиниот тогаш иден маж го признал третото вонбрачно дете.
И покрај се, следуваше венчавка, како и низа понатамошни прашања како дали овој нивен брак е само од корист.
Секогаш сериозниот израз на лицето на принцезата, без ниту една слика со насмевка, укажуваат на тоа дека таа навистина е несреќна во опкружувањето во кое живее.
Сепак, кога ќе ги анализирате бројните фотографии, изгледа како принцезата Шарлин да има “стил“ како Викторија Бекам – слики без насмевка.
Имено, нејзината насмевка дефинитивно не е од оние кои пленат, па можно е да се труди да изгледа секогаш сериозно кога се слика, бидејќи така делува поубаво.
Исто така, иако често во медиумите се пласирани протоколарни слики со нејзиниот сопруг, таа покажува дека нивниот однос е топол и полн со љубов, како и тоа дека принцот Алберт има разбирање за својата сопруга на која животот по кралските правила некогаш не и е лесен.
Имено, Шарлин е девојка која цел живот се занимавала со спорт, а со влегувањето во брак стекна целосно нови обврски и ја дочекаа нови очекувања.
Медиумите наведуваат дека морала да учи и однесување, но и јазик.
